Daniel 1:17 - Kashibo-Kakataibo Biblia

¹⁷ A bëná unikama rabë́ ꞌimainun rabë́ a ka Diosan sinánñuira ꞌixun bëtsi bëtsi kirika ꞌunánun ꞌunámianan uisa kara ñu ꞌiti ꞌikë abi ꞌunánun ꞌunánmiakëxa. Usa ꞌain ka Danielnën namákësa okin iskë a ꞌimainun, namákin iskë akamabi uisai ñu ꞌiti namákë kara ax ꞌikë abi ꞌunánkë ꞌiakëxa.

Daniel 1:17 ပူးပေါင်းရင်းမြစ်များ

1 Reyes 3:12

usa ꞌain kana ꞌëmi bërí ñukákësabi okin mi ꞌaxúnti ꞌain: ꞌAxunkin kana ñu ꞌunánkëira uni ꞌinun mi ꞌimianan kamabi ñu upíokin ꞌanun upí sinánñuira mi ꞌimiti ꞌain, uinu ꞌikë unibi kana bëráma mi, ꞌakëmapan ꞌixun usakin ꞌama ꞌain, ꞌaínbi kana usakin mi ꞌatankëxun bëtsi uniribi misaribi ꞌinun ꞌimitima ꞌain.

1 Reyes 3:28

Usakian ꞌapun xanu rabë́ nishanankë mëníoxunkë ka kamabi Israel unibunën kuakëxa, kuati ka ꞌapumi rakuë́ti Diosan ka a ꞌapu sinánñuira ꞌinun ꞌimianan ꞌupíokia ñu ꞌanun ꞌimiaxa kiax kikankëxa.

Daniel 1:18

Usa ꞌain ka rabë́ ꞌimainun achúshi baritia ꞌapu kikë a sënë́nkëbëtan, a bëná unikama ꞌapun xubu ꞌikë anu buánkëxa.

Daniel 1:20

Anuxun ka kamabi ñu ꞌunánkëira ꞌiti bana ꞌimainun, sinánñuira ꞌiti banakama a ꞌapun ñukákëxa, ñukákinbi ka an ñu ꞌunánkëira mërakëxa, usa ꞌaish, a menu ꞌikë an ñu tankë ꞌimainun an ñu ꞌunánkë unikamabëtan sënë́nmaira ꞌikë mërakëxa.

Daniel 1:4

bënábu usa ka a uni ꞌikë kixun unin kakëma, ꞌianan uisaibi aín namimi ñukin tankëma, sinan ñuira ꞌixun kamabi ñu ꞌunántisabi, ꞌixun an ꞌapun xubunuxun ñu mëëtisabi. A uni bënákama ka caldeo bana ꞌunámianan kirika kuënëoti ꞌunánmiti ꞌiti ꞌikën.

Daniel 2:19

A ꞌimë́bi ka ꞌunátisama ñu a Daniel Diosan uisokin namákë ꞌianan uisai ꞌiti kara ax ꞌikë kixun kakëxa, usakia kakëxun ka Danielnën Dios naínu ꞌikë a ꞌupiokin sinánxunkin,

Daniel 2:21

An ka nëtëkama bëtsionan, usai ꞌiti ñukama aribi usai ꞌitiokin nania, usaribiokin ka ꞌapukamaribi ꞌapu ꞌimiananbi ꞌapu ꞌimima, ꞌianan sinánñu unikama a sinánñuira ꞌinun ꞌimianan, uisakin ka ñu ꞌati ꞌikë kixun ꞌunánun uni ꞌimikë a ꞌain.

Daniel 2:23

ꞌËn chaitiokëkaman rabia Dios mi kana, ꞌën asabika kakin rabin, min kamina sinánñuira ꞌimianan kushi ꞌinun ë ꞌimia; usa ꞌixun kamina bërí nun mi ñukákëkama nu ꞌunánmian: usa ꞌixun kamina a sinania ꞌapu masá nuitukë akama ꞌunánun nu ꞌunánmian.

Daniel 2:30

Usaribi okin ka ꞌunántisama ꞌikëbi ꞌëribi a ñu ꞌunánmiaxa, ꞌaínbi ka ꞌëx an bana sinánkë bëtsi unikamasaira ꞌikëmabi, uisakin namákë kara min namákë ax ꞌikë mix ꞌapu ꞌikë, ꞌën mi ñuixunun ꞌë ꞌunánmiaxa, usa ꞌain kamina mix ꞌapu ꞌixun min sinánkëkama uisai kikë kara ax ꞌikë kixun ꞌunánti ꞌain.

Daniel 4:6

Usai ꞌikin kana ꞌë isia ukanun kamabi an ñu ꞌunánkë unikama Babilonia ënu ikë unikama kamian, atua uisakin namákë kara ꞌën namákë ax ꞌikë kixun ꞌë ñuixuni unun kamian.

Daniel 5:14

Mix ismina dioskaman bëru ñunshin upíñu ꞌai kixun ka ꞌë kaxa, ꞌimainun ismina mix upíokin sinánkë ꞌianan, sinánñuira ꞌianan ñu ꞌunáinrakë ꞌai kixun ka ꞌë kaxa.

Daniel 7:1

Achúshi imë́ kana anua Beltsasar Babilonia menu ꞌapu ꞌikin pëukë a bari anun namákësa okin ꞌëx Daniel ꞌixun isakën. Isun kana raíri a ꞌaisa akamaishi kuënëokën. Kuënëo aka ënëx ꞌikën.

Números 12:6

kuania ka Nukën ꞌIbun ësokin kakëxa: “Bërí kana mikama ësokin kain: An ꞌëx kikë bana uni ñuixunkë mitsunu ꞌikë kana ꞌën namámikësokin kanan kana namámikinribi kain;

Hechos 6:10

Usai abë cërúanancëxunbia Estebanën atun ꞌacësama oquin Nucën Papa Diosan Bëru Ñumshin Upitan sinánmicëxun bana ñuia cuati ca nëtë́cancëxa.

Hechos 7:10

Marucëxuan unin buáncëxa Egiptonu ꞌiabi ca Nucën Papa Diosan abë ꞌixun ꞌaquinquin bërúancëxa. Usoquian ꞌacë́xa upí sinánñu ꞌixun upí oquin bana cuacë ꞌicë nuibaquin ca Egiptonu ꞌicë ꞌapu Faraón, an anu ꞌicë unicaman cushi ꞌimianan an aín xubunu ꞌicë ñucama bërúantiribi ꞌimiacëxa.

Hechos 7:22

Cania ca Egiptonu ꞌicë unicaman atun ꞌunáncë ñucamaribi ꞌunánmiacëxa. Usa ꞌaish sinánñuira ꞌaish ca ax aín bana ꞌimainun aín ñu ꞌacëribi upí ꞌiacëxa.

Colosenses 1:9

Epafrasnëan mitsu ñuiquin nu cacë bana cuaxun cananuna ënquinma Nucën Papa Dios mitsu ñucáxunin. Uisaími ꞌiti cara Nucën Papa Dios cuëënia, a mitsu ꞌunánminun ñucáxuanan cananuna an aín unicama ꞌunánmiti ñucama mitsu ꞌunánminun a ñucatin.

Santiago 1:17

Camabi uisa ñu cara upí ꞌicë, ax ca Nucën Papa Dios naínu ꞌicë, an bari, ꞌuxë, ꞌispa acama unio, an camabi uni ꞌináncë ꞌicën. A ñucamaxa bënamëanan bëánquicë ꞌaínbi ca Nucën Papa Dios axira usabi ꞌiá ꞌaish usabi ꞌicën.

Santiago 1:5

Uisaira caramina ami cushiti ꞌai quixun ꞌunáncëma ꞌixun camina Nucën Papa Dios ñucáti ꞌain. Ñucácëxun ca an mi usaími ꞌiti ꞌunánmiquin cushioti ꞌicën. An ca an a ñucácë unimi nishquinma cuëënquin upí oquin ꞌunánmia.