Colosenses 3:8 - Kashibo-Kakataibo Biblia

⁸ Usa ꞌain camina bëráma ꞌá ꞌixunbi ënë ñucamaribi ënti ꞌain: Bëtsi unibë nishánanti, ꞌimainun bënëtishi nishti, ꞌimainun bëtsi unibë ꞌatimonanti, ꞌimainun bëtsi unimi ꞌatimati banati.

Nukën 'Ibu Diosan ain unikama 'inan ain bana

⁸ Usa 'ain camina bëráma 'á 'ixunbi ënë ñucamaribi ënti 'ain: Bëtsi unibë nishánanti, 'imainun bënëtishi nishti, 'imainun bëtsi unibë 'atimonanti, 'imainun bëtsi unimi 'atimati banati.

Colosenses 3:8 ပူးပေါင်းရင်းမြစ်များ

Salmos 37:8

Mix nishkë a ëni kamina nishkësa ꞌitima ꞌain; nishkë an ka nun sinánkëkama ꞌatima oia.

Mateo 5:22

Usaía quiá ꞌaínbi cana ꞌën mitsu cain, axa uni itsi, aín xucë́nsa ꞌicëbi ami nishcë uni ax ca ꞌuchocë ꞌaish castꞌicancë ꞌiti ꞌicën. Axa uni itsi ñu cai ꞌatimati banacë uni a ca mitsun cushibunën ꞌapucaman ꞌuchoti ꞌicën. ꞌImainun ca an ami nishquin uni itsi —ñunshin bacë camina ꞌai —quixun cacë uni ax, axa manë tsinu ꞌiti uníxa ꞌuchacësaribi ꞌicën.

Marcos 7:22

uni itsin ñu cuëënti, ꞌatima nuituñu ꞌiti, uni paránti, ꞌatima ꞌicëbi tënëquinma ñu ꞌati, nutsiti cëmëquin uni ñuiti, rabíti, nuituñuma ꞌiti, acama.

Romanos 13:13

Ami cushicë ꞌaish cananuna upitaxëshi niti ꞌain. Paë́nti, paë́anx cuëëni sharáti, uni aín xanuma xanu itsibë ꞌiti, ñunshínquin ñu ꞌatima ꞌati, cuamianani nishananti, unimi nutsiti, a ñucama ënquin cananuna usa ñu ꞌatima ꞌain.

1 Corintios 3:3

Usai ꞌaish nutsi cuamianani nishananquin camina Cristonanma unin sináncësa oquinshi sinanin. Usa ꞌi camina an Nucën Papa Diosan bana cuacëma unicamaxa ꞌicësai ꞌin.

2 Corintios 12:20

ꞌËn mitsu isi cuanxun iscëxbi sapi camina ꞌën sináncësama ꞌicanti ꞌai quixun cana sinanin, ꞌëxribi mitsun sináncësama ꞌimainun. Usa ꞌixun cana sinanin, mitsux sapi camina nutsi cuamianani cuëbicananan, bëtsibë bëtsibë nishánancë ꞌianan, bëtsimi manáncë ꞌianan, minainshi ñu ꞌati sinánan bëtsi unibë ñuianancë ꞌianan, rabiacaquin upí oquin sináncëma uni ꞌain.

Gálatas 5:15

Usa ꞌaínbi bëtsibë nishanani cuamianani camina mitsux Jesucristonën unimasa ꞌiti ꞌain. Usai ꞌitin rabanan camina bërúinraocati ꞌain.

Gálatas 5:20

ꞌAnan ca ꞌaia, Nucën Papa Diosmi sinánquinma unin ꞌacë ñu rabiti, ñubë́ ꞌiti, bëtsibë nishánanti, cuamianani nishánanti, ñuñanánti, unimi pishui nishti, bënëtishi unimi nishti, anbi ñu ꞌacatsi quixun sináncë ꞌiti, ꞌimainun uni raíri, raíri unibë nishananquin amanu amanu sinánun sinánmiti, acamaribi.

Gálatas 5:26

Usa ꞌain cananuna —ꞌëx cana bëtsi unisama ꞌai —quiax rabítima ꞌain, cananuna cuëbicanani unibë nishanantima ꞌain, ꞌimainun cananuna bëtsimi nutsitima ꞌain.

Efesios 4:22

Usaribiti ꞌiquin camina bëráma mitsux cuëëncësabi oquin ñunshínquin ñu ꞌatima ꞌacën. Usaquin ꞌaquin camina mitsun sinan upíma ꞌixun ñu ꞌatima ꞌaquinbi, ax ca ꞌaisama ꞌicë quixun sinani rabíanma ꞌain. Usai ꞌiá ꞌixunbi camina ñu ꞌatimami ꞌá, acama ënti ꞌain.

Efesios 4:25

Usai ꞌiquin camina cëmëquin uni parántima ꞌain. Camáxbi cananuna Cristonan ꞌain. Usa ꞌain camina abë banaquin min aintsicama asérabi banáinshi caquin parántima ꞌain.

Efesios 4:26

Unibë nishanantancëxbi camina ꞌuchati rabanan xënibutíma a nëtë́nbi bënëtishi manúti ꞌain.

Efesios 4:29

ꞌAtimati banaima upitishi banaquin camina uni Jesucristomia upiti catamënun ꞌaquinti ꞌain. Mitsúxmi usai banaia cuati Jesucristomi upiti catamëtia Nucën Papa Diosan nuibaquin ꞌaquincëx ca cuëënti ꞌicën.

Efesios 5:4

Anun tupuananti ꞌatima banan camina banatima ꞌain, uni ꞌimainun xanu rabínmi camina ꞌusánani banatima ꞌain, cuaíntapun ꞌaish camina ꞌatimati banatima ꞌain. Usai ꞌiquinma camina a rabiquin Nucën Papa Dios —asábi ca —quixun cati ꞌain.

Colosenses 3:5

Usa ꞌain camina bërámami ꞌacansa oquin Nucën Papa Diosnanma unicaman ꞌacësa oquin ënë menu ꞌicë ñuishi ꞌati sinántëcëntima ꞌain. Unix ca aín xanuma ꞌaínbi bëtsi xanubë ꞌitima ꞌicën. Usaribiti ca xanu aín bënëma ꞌaínbi bëtsi unibë ꞌitima ꞌicën. ꞌImainun ca uni xanúxmabi bëtsi unibë ꞌitima ꞌicën. ꞌImainun camina ñunshinacëquin ꞌatima ñu ꞌati cuëëntima ꞌain. Camina ñuñu ꞌitishi sinántima ꞌain. Ñuñu ꞌitishi cuëëncë unix ca Nucën Papa Dios rabima, a cuëëncë ñuishi rabicësa ꞌicën.

Colosenses 3:9

Acama ëanan camina bëráma ꞌatimaquin sinan ꞌixunbi bërí Cristonën sináncësa oquinshi sináncanin. Usa ꞌaish camina cëmëi paranántima ꞌain.

1 Timoteo 1:13

Jesús ñui ꞌatimati bananan ꞌatimaquin sinánquin aín unicama tëmëramianan ꞌatimaquin ñuia ꞌicëbi ca ꞌë aín uni ꞌimiacëxa. ꞌËx Jesucristomi catamëcëma pan ꞌianan ax ca Nucën Papa Diosan Bëchicë ꞌicë quixun ꞌunáncëma ꞌixun usoquin ꞌa ꞌicë ca Nucën Papa Diosan nuibaquin ꞌën ꞌuchacama ꞌë tërë́nxuancëxa.

1 Timoteo 1:20

Usai ca Himeneo ꞌimainun Alejandro ꞌiaxa. A uni rabë́ cana Nucën Papa Dios ñui ꞌatimati banatëcënunma ñunshin ꞌatimanën ꞌapu Satanasnëan tëmëraminun ëan.

Hebreos 12:1

A unicamaxa ꞌiásaribiquin ca nubë ꞌicë ꞌitsa unin tëmëraquinbi —Nucën Papa Diosan ca asérabi aín quicësabi oquin nu ꞌaquinti ꞌicë —quixun ꞌunánquin ami catamëquin ënima. Atúxa ꞌicësaribiti ꞌinuxun cananuna an nu ꞌatimaquin sinánmicë a ñucama ëanan an usabi ꞌitioquin nu ꞌatima ꞌimicë ñucamaribi ënti ꞌain. Acama ënquin cananuna bënë́quinma añu ñu ꞌën ꞌati cara Nucën Papa Dios cuëënia quixun sinánquin upí oquin ꞌati ꞌain. Cuai bëtsibë upiti abáti cupí ca unin an ië́ocë ñu nania, usaribiquin cananuna upí oquin nun ꞌati ñu ꞌanuxun, uisa ñun cara nu ꞌatimaquin sinánmia, a ënti ꞌain.

Santiago 2:7

Usaquin ꞌai ca Cristo, ax upí ꞌixuan an mitsu ainan ꞌimicë a ñui ꞌatimati banaia. ¿Atux cara usama ꞌic?

1 Pedro 2:1

Usa ꞌain camina Nucën Papa Diosnan ꞌixun ñu ꞌatimacama, cëmëti, uni paránti, nutsiti, unibë ñuiananti, acama ënti ꞌain.

2 Pedro 2:18

Usa unicaman ca axbi cërúanan rabiacati sinánñumasa ꞌixun, an ꞌacësaribi oquian ñunshínquin ñu ꞌatima ꞌanun quixun, an ñu ꞌatima ꞌati ëinsa tancë uni raíri sinanamitëcënia.

2 Pedro 2:7

Sodomacëñun Gomorra nënquinbi ca Nucën Papa Diosan Lot cacë uni, axa upí ꞌaish unicaman ñu ꞌatima ꞌaia isi masá nuitucë, a ië́miacëxa.

Judas 1:13

Bëchunan tucánquiquin masinu chinan purucësa, usaribi ꞌinun ca aín nuitu upíma ꞌain ꞌatimati bananan ñu upíma ꞌaia. Chiquíquianxa ꞌispa amanu tacúcë, usaribi ca atux ꞌicën. Usa ꞌaish ca atux nëtë́timoi xënibua ꞌaínbi bëánquibucënu ꞌiti ꞌicën.

Judas 1:8

Usa ꞌaínbi ca axa Sodoma ꞌimainun Gomorranu ꞌicë unicama usai ꞌiá ꞌunanibi, mitsu parani mitsubë timë́cë unicama an, sinánñumasa ꞌaish aín xanuma ꞌaínbi xanubë ꞌianan bana cuacëma ꞌixun, Nucën ꞌIbu Diosmi sinánquinma cushi unicama ꞌimainun uisa cushi cara, ángelcamaribi ꞌatimaquin ñuia.

Apocalipsis 16:9

Usoquian ꞌaisamaira oquin ꞌitsis oquin xarocëxunbi ca unicaman sinanaquin atun ñu ꞌaisama ꞌacëcama ëncëma ꞌicën. Ëníma ꞌianan ca Nucën Papa Dios rabicëma ꞌicën. Nucën Papa Diosan ca anúan atu castícancë ñucama nëtë́ntsianxa. Usaquian ꞌati ꞌaíshbi ca sinanatíma ami xuamati nishi Nucën Papa Diosmi ꞌatimati banaxa.