Colosenses 3:6 - Kashibo-Kakataibo Biblia

⁶ Usai ꞌiia, ax cuëëncësabi oi ꞌiisama tancë unicama ca Nucën Papa Diosan uisa cara oti ꞌicë usoquin castícanti ꞌicën.

Nukën 'Ibu Diosan ain unikama 'inan ain bana

⁶ Usai 'iia, ax cuëëncësabi oi 'iisama tancë unicama ca Nucën Papa Diosan uisa cara oti 'icë usoquin castícanti 'icën.

Colosenses 3:6 ပူးပေါင်းရင်းမြစ်များ

Romanos 1:18

Cananuna ꞌunanin, Nucën Papa Diosan ca an aín bana quicësabi oquin ꞌaisama tancë ꞌixun bëtsi uniribi ami sinánxma ꞌinun quixun paráncë unicama, a uisa cara oti ꞌicë usoquin castícanti ꞌicë quixun.

Efesios 5:6

Uni raírinëan —ñu ꞌatima ꞌacë ꞌaíshbi camina Nucën Papa Diosan nëtënu ꞌiti ꞌai —quixun cacëxunbi camina mitsun, —cëmëi ca quia —quixun sinánti ꞌain. An aín bana cuaisama tanquin usa ñu ꞌacë unicama a ca ami nishquin Nucën Papa Diosan castícanti ꞌicën.

1 Pedro 1:14

Ainan ꞌixun ax quicësabi oquinshi ñu ꞌaquin camina bëráma Jesucristomi catamëquin Nucën Papa Dios ꞌunáncëma ꞌixunmi cuëë́an ñucama ꞌatëcëntima ꞌain.

2 Pedro 2:14

Usa ꞌaish ca xanu isíma isímashi anun cuëënia, aín ꞌucha ëníma ca amiribi amiribi ꞌuchaia. Atúxa ꞌicësaribitia ꞌinun ca axa Jesucristomi upiti sináncëma xanu ꞌimainun bëburibi sinánmia. Ax ñun cuëën ꞌaish ca ꞌitsa ñuñu ꞌiti cuëënia. A unicama ca Nucën Papa Diosan aín ꞌucha cupí uisoquin cara ꞌati ꞌicë, usoquin ꞌati ꞌicën.

Apocalipsis 22:15

Usa ꞌaínbi ca ꞌaisama unicamax a ëma ëmáinshi ꞌiti ꞌicën. An ñu ꞌaisama sináncë unicama, an ñu xëacë ñubë́ unicama, aín xanuma ꞌicëbi bëtsi xanu cuëëncë unicama, aín bënëma ꞌicëbi bëtsi uni cuëëncë xanucama, an uni ꞌacë unicama, an Nucën Papa Diosmabi bëtsi ñu rabicë unicama, axa uni paránti cuëëni cëmëcë unicama, acamax ca a ëmanu atsíntima ꞌicën. Ca ëmáinshi ꞌiti ꞌicën.