Colosenses 3:2 - Kashibo-Kakataibo Biblia

² Camina ënë menu ꞌicë ñuishi sinánquinma Cristo cuëëncësa oishi ꞌiti sinánti ꞌain.

Nukën 'Ibu Diosan ain unikama 'inan ain bana

² Camina ënë menu 'icë ñuishi sinánquinma Cristo cuëëncësa oishi 'iti sinánti 'ain.

Colosenses 3:2 ပူးပေါင်းရင်းမြစ်များ

Salmos 91:14

“ꞌËn kana kamabi ñu ꞌaisamakama ië́miti ꞌain, an ka nuibanan ꞌë ꞌinánxa usa ꞌain.

Proverbios 23:5

Usa ꞌain ka upíokin min iskë ax bënëtishi tëtëkamë ꞌëo aín pëchi, ꞌirui nuankiani kuankë usaribi ꞌinun nëtë́tia.

Mateo 16:23

Usaquin cacëx cuainacëquin ca Jesusan Pedro ñu caquin cacëxa: —Min camina ñunshin ꞌatimanën ꞌapu, Satanás, an sináncësa oquin sinanin. Usaquin sinánxunma ca ꞌat. Min camina ꞌë ñu ꞌatima ꞌamitisa tanin. ꞌËn Papa Dios cuëëncësabi oi ꞌiáxma ꞌëx ꞌinun quixun sinánquin camina unin sináncësa oquinshi sinanin.

Mateo 6:19

Ënë nëtënuax ñuñuira ꞌiti cuëënquian unin ꞌaisamaira ñu bitsiabi ca bëtsi bëtsi ñu nacuaxan cëñumainun bëtsi bëtsi ñuxa puibuax chëquimainun bëtsi bëtsi ñu an ñu mëcamacë unin unë́xun xubunu atsínxun mëcamatia. Usa ꞌain camina axa ñuñuira ꞌiti cuëëncë uni asaribi ꞌitima ꞌain.

Lucas 12:15

Usaquin caxun ca anu ꞌicë unicama Jesusan cacëxa: —Ñu ꞌitsa ꞌain cana Nucën Papa Diosan iscëx upí ꞌianan upitax ꞌi cuëënti ꞌai quixun camina sinántima ꞌain. Usaquin sinanima camina ꞌitsa ñuñu ꞌiti sinánan uni itsin ñuribi cuëënti rabanan bërúancati ꞌain.

Lucas 16:11

Usaribi oquin ca mitsun curíqui anun upí oquin sinánquin ñu ꞌaquinma nëtë́miananmi, mitsux cuëëncësa oquinshi ñu ꞌacë ꞌicë Nucën Papa Diosan aín unicama ꞌunánmicësa oquin ꞌunánmima ꞌianan aín unicama ꞌamicësa oquin ñu mëëmitima ꞌicën.

Filipenses 1:23

Uisaira carana ꞌiti ꞌai quixun sinani cana sináncasmain. Bamatancëx ënë nëtënuax ꞌicësamairai Cristobë aín nëtënu chuámarua ꞌiti sinani cana anu ꞌiisa tanin.

Colosenses 3:1

Cristonan ꞌaish camina mitsux axa bamax baísquicësaribi ꞌain. Usa ꞌain camina ax, asaribi cushiira ꞌaish aín Papa mëqueu tsócë, ax cuëëncësabi oi ꞌitishi sinánti ꞌain.

Colosenses 3:5

Usa ꞌain camina bërámami ꞌacansa oquin Nucën Papa Diosnanma unicaman ꞌacësa oquin ënë menu ꞌicë ñuishi ꞌati sinántëcëntima ꞌain. Unix ca aín xanuma ꞌaínbi bëtsi xanubë ꞌitima ꞌicën. Usaribiti ca xanu aín bënëma ꞌaínbi bëtsi unibë ꞌitima ꞌicën. ꞌImainun ca uni xanúxmabi bëtsi unibë ꞌitima ꞌicën. ꞌImainun camina ñunshinacëquin ꞌatima ñu ꞌati cuëëntima ꞌain. Camina ñuñu ꞌitishi sinántima ꞌain. Ñuñu ꞌitishi cuëëncë unix ca Nucën Papa Dios rabima, a cuëëncë ñuishi rabicësa ꞌicën.