Colosenses 3:12 - Kashibo-Kakataibo Biblia

¹² ꞌItsaira nuibaquin ca Nucën Papa Diosan ainan ꞌaish an iscëx upí ꞌinun mitsu caísacëxa. Usa ꞌixun camina mitsúnribi bëtsi uni nuibaquin upíoti ꞌain. Usoquin ꞌanan camina —ꞌëx cana bëtsi unisamaira ꞌaish upí ꞌai —quixun sinántima ꞌain, masáquin sinani camina bënëtishi unimi nishtima ꞌain.

Nukën 'Ibu Diosan ain unikama 'inan ain bana

¹² 'Itsaira nuibaquin ca Nucën Papa Diosan ainan 'aish an iscëx upí 'inun mitsu caísacëxa. Usa 'ixun camina mitsúnribi bëtsi uni nuibaquin upíoti 'ain. Usoquin 'anan camina —'ëx cana bëtsi unisamaira 'aish upí 'ai —quixun sinántima 'ain, masáquin sinani camina bënëtishi unimi nishtima 'ain.

Colosenses 3:12 ပူးပေါင်းရင်းမြစ်များ

Efesios 4:32

Usai ꞌima camina abë nuibanani uni itsibë ꞌaquiananti ꞌain. Mitsumi nishquian unin ꞌatimocëxbi camina abë tanánantima ꞌain. Usai ꞌima camina uisa cara mi ocëxbi a manui abë upí ꞌiti ꞌain. Mitsun ñu ꞌaisama ꞌacëcama manuia, Nucën Papa Dios Cristo cupí mitsubë upí ꞌain, camina usaribiti uni itsibë ꞌiti ꞌain.

Efesios 4:2

Cuamiananima camina upí sinánñu ꞌaish upiti banati ꞌain. Bënëtishi nishíma camina bëtsibë nuibanani ꞌaquiananti ꞌain.

1 Juan 4:19

An paían nu nuiba ꞌain cananuna nuxribi Nucën Papa Diosmi sinani ami catamëtin.

Colosenses 3:10

Mitsun bëtsi oquin sinánquin camina Cristonën sináncësa oquin sinánti ꞌain. Usai ꞌiquinmi a upí oquin ꞌunánun ca an unio ꞌixun Nucën Papa Diosan mitsu ꞌimia.

2 Pedro 1:10

ꞌËn xucë́antu, usa ꞌain Nucën Papa Diosan ainan ꞌiti caíscë ꞌaish camina an cacësabi oi ꞌinux bërúanracati ꞌain. Usa ꞌiquin camina Nucën Papa Diosmi sinánti ënquin ñu ꞌatima ꞌatima ꞌain.

1 Tesalonicenses 5:15

Mitsu uinu ꞌicënbi camina bëtsi uni mimi nishquian ꞌatimocëxun ami nishquin aribi cupiquin nishananquintima ꞌain. Usai ꞌima bëtsibë bëtsibë ꞌaquiananquin camina camabi uni ꞌaquinti ꞌain.

2 Corintios 6:6

Usa ꞌixun ñu ꞌaisama ꞌati sinánquinma Nucën Papa Diosan bana ꞌunáncë ꞌixun ami nishíma unibë asérabi upí ꞌianan Nucën Papa Diosan Bëru Ñunshin Upitan sinánmicë ꞌianan, paránquinma asérabi uni nuibanan

Jeremías 31:3

ꞌëx kana bërámabi ami mërakën. ꞌËn kana nuibairakë ꞌixun atu bëríbi xënibua ꞌaínbi nuibatin, usa ꞌixun kana uisokin karana nuibakë usabi okin mitsu nuibatin.

Gálatas 5:6

Nux asérabi Jesucristonan ꞌaish cananuna ꞌunántioracacë unicama ꞌicësaribiti ꞌunántioracacëma ꞌaíshbi Nucën Papa Diosan iscëx upí ꞌain. Jesucristomi catamëcë ꞌixúan an uni nuibacë uni ax ca Nucën Papa Diosan iscëx upí ꞌicën.

1 Pedro 1:2

An sinánsabi oquin ainan ꞌinun ca Nucën Papa Diosan mitsu caísacëxa. Aín Bëru Ñunshin Upitan ꞌimicëxmi ainanshi ꞌaish ax quicësabi oi ꞌinun mitsu ꞌimianan ca Jesucristo bama cupí mitsun ꞌuchacama tërë́nquin mitsun nuitu upí ꞌimiaxa. Usaími mitsux Nucën Papa Diosan nuibacëx ꞌicësamaira oi chuámarua ꞌaish bucucanti cana cuëënin.

2 Timoteo 2:10

An sinánmicëx ca ꞌitsa uni Nucën Papa Diosnan ꞌinux Cristo Jesúsmi sinánti ꞌicën. Acamaxa aín ꞌuchacama tërë́ncë ꞌianan Cristo Jesúsbë ꞌaish xënibua ꞌaínbi Nucën Papa Diosnan ꞌinun cana unían tëmëramicëxunbi tanshiti cuëënquin a bana ñuin.

Romanos 1:7

Ënë quirica cana cuënëoxunin, Roma ëmanuaxmi Nucën Papa Diosan nuibaquin ainan ꞌinun caíscë ꞌaish ax cuëëncësabi oi ꞌicë, micamaishi. Nucën Papa Dios ꞌimainun Nucën ꞌIbu Jesucristonën nuibaquin ꞌaquincëxmi chuámarua bucucanti cana cuëënin.

Tito 1:1

ꞌËx cana Pablo, an Nucën Papa Dios cuëëncësabi oquin ꞌanan Jesucristonëan a ñuiquin aín bana ñuixunun caísa ꞌain. Usa ꞌaish cana ꞌëx, uisai cara a Nucën Papa Diosan ainan ꞌinun caísa unicama Jesucristomi catamëti upí ꞌiti ꞌicë quixun ꞌunánmicë uni ꞌain.

Mateo 24:31

Manë banañu bana ocëbë uquin cana ꞌën ángelcama xuti ꞌain, ꞌënan ꞌinun ꞌën caíscë unicama camabi menua ꞌëbëa ꞌinun ꞌë timëxunun.

Lucas 18:7

¿An usaquin ꞌacë ꞌain cara Nucën Papa Diosan axa ainan ꞌinúan an caíscë aín unicama an nëtë́nbi, imë́bi a ñucácë, acama bërúanquin ꞌaquintima ꞌic? ¿Cara ꞌaquinquinma tënánpati ꞌic? Usama ca.

Isaías 63:15

Nun ꞌIbu min kamina naíkamë ꞌëonuxunbi nu ꞌisti ꞌain, upíira anuxunbi kamina min isti ꞌain. ¿Uinu kara mix nuibanankë chaiira ꞌimainun min kushi ax ꞌit? ¿Uinu kara nu sinánkinmi nukama nuibakë ax ꞌit? ¿Minmi nukama nuiba a kaina numi manukin ëan?

Lucas 1:78

Usoquin ꞌiminuxun ca Nucën Papa Diosan nu nuibaquin, an nu ië́miti, a aín nëtënu ꞌicëbi ënë menu nubë ꞌinun xuti ꞌicën.

Marcos 13:27

ꞌËx uquin cana ꞌën ángelcama xuquin ꞌënan ꞌinun ꞌën caíscë unicama camabi menua, naínuaribi ꞌëbëa ꞌinun timë́minuxun ꞌain.

Efesios 4:24

Bëtsi sinánñu ꞌimicëx camina an iscëx asérabi upí ꞌianan unínribia iscëx upí nuituñu ꞌiti ꞌain, Nucën Papa Dios cuëëncësabi oi.

Isaías 42:1

Ësai ka Nukën ꞌIbu kiakëxa. Ënu ka ꞌën kuëënkësabi okin ꞌati ꞌën kaískë uni ax ꞌikën, ënëx ka ꞌëx a isi ꞌitsaira kuëënkë a ꞌikën, usa ꞌain kana ꞌën bëru ñunshin a ꞌinan, usa ꞌixun ka kamabi menu ꞌikë unikama upíokian ñu ꞌanun ꞌamiti ꞌikën.

2 Timoteo 1:9

Nucën Papa Diosan ca nu ië́miquin ainan ꞌimiacëxa, nuxnu ax cuëëncësabi oíshi upí ꞌinun. Nun ñu upí ꞌacë cupíma, axbi nuxnu ainan ꞌiti cuëënquinshi, ca nu nuibaquin Jesucristo cupí nu ainan ꞌimiacëxa. Camabi ñu uniocëma pain ꞌixun ca Nucën Papa Diosan nuibaquin, Cristo Jesusan nu ië́minun mëníocëxa.

Filipenses 1:8

Nucën Papa Diosan ca ꞌunania, Jesucristonëan unicama nuibacësaribi oquin cana ꞌën mitsu nuibaquin ꞌaisamaira sinani quixun.

Efesios 1:4

Mecama uniocëma ꞌixunbi ca Nucën Papa Diosan Cristo cupínu an iscëx ꞌuchañuma ꞌianan ainanshi ꞌinun nu caísacëxa.

Romanos 9:11

A tuá rabë́ bacë́ncëma pain ꞌixun ñu ꞌatima ꞌati ꞌunáncëma ꞌianan ñu upí ꞌati ꞌunáncëma pain ꞌain, ca Nucën Papa Diosan Rebeca cacëxa: “A paínmi bacë́ncë tuá an ca canitancëxun aín ꞌanáca ñu ꞌaxunuxun ꞌaia” quixun. A tuá rabë́ aín rëbúnqui ñui ca Nucën Papa Diosan bana cuënëo ësairibi quia: “Esaúnën rëbúnqui ꞌacësamaira oquin cana Jacobnën rëbúnqui nuibatin”. Usaquin sinánquin cananuna ꞌunanin, Nucën Papa Diosan ca aín cuëëncësabi oquinshi uni ainan ꞌinun caisia, aín ñu upí ꞌacë cupíma.

Marcos 13:22

Anúan usoquin unicaman tëmërati nëtë ucëbëtan ca unin ax asérabi ama ꞌixunbi —ꞌëx cana Cristo ꞌai —quixun paránti sinánquin unicama canuxun ꞌaia. Usaribiquin ca uni raírinën cëmëquin —ꞌën cana Nucën Papa Dios quicë bana unicama ñuixunin —quixun unicama canuxun ꞌaia. Canan ca unicama paránti sinánquin, uni itsían ꞌacëma ñu ꞌanuxun ꞌaia. ꞌAquin ca Nucën Papa Diosan unicamaribi paránti sinánuxun ꞌaia.

Marcos 13:20

Anúan paë tanquin tëmërati nëtë́xa cëñúcëbëma ca usabi ꞌi camabi uni bamati ꞌicën. Usa ꞌaínbi ca Nucën Papa Diosan, ainan ꞌinun an caíscë unicama nuibaquin, atu cupí anúan unin paë tanquin tëmërati nëtëcama sënë́nmiti ꞌicën.

Mateo 24:22

Anúan paë tani nëtë́xa cëñúcëbëma ca usabi ꞌi camabi unix bamati ꞌicën. Usa ꞌaínbi ca Nucën Papa Diosan, ainan ꞌinun an caíscë unicama nuibaquin, atu cupí anúan unin paë tanquin tëmërati nëtëcama sënë́nmiti ꞌicën.

Jeremías 31:20

Efraínnu ꞌikë unikama ax ka, ꞌëx amira sinánkë bakë bëchikë usaribi ꞌikën; usa ꞌaish ka ax ꞌën kuëëinrakë ꞌën bakë bëchikë ꞌikën. Usa ꞌikë kana ñu ꞌatima ꞌaia usakin kamina ꞌatima ꞌai kixun kan, ꞌaínbi kana ami manukima usakin kamina ꞌatima ꞌain kixun kain; usa ꞌain kana ꞌën nuitunën upitani kuëënkin, atu ꞌitsaira nuibatin. ꞌËx min ꞌIbu ꞌaish kana asérabi ësai kin.

Isaías 65:22

Usa ꞌain ka bëtsi unin anua bëtsi uni ꞌiti xubu ꞌati ꞌaíma ꞌiti ꞌikën, uni itsin ka bëtsi unin piti ñu ꞌapátima ꞌikën, usa ꞌain ka ꞌën unikama achúshi i ꞌikësai ꞌitsaira baritia tsókanti ꞌikën. ꞌËn kaískë unikamax ka ñu mëi tëëkin ain mëkënan ñu ꞌapáxun pi kuëëni tsókanti ꞌikën.

Isaías 45:4

Min ꞌunánkëxumabi kana upíokin mi ꞌën uni Israel Jacobnën rëbúnkikama, ꞌën kana mi kaisakën kaískin kana min anën mi kuëankën, usokin ꞌakë ka unikaman mi nuibatia ꞌën kana mi ꞌapu ꞌimian raíri ꞌapu kamasamaira ꞌinun.

Apocalipsis 17:14

Acamax ca Carnero ꞌicësaribitia unin ꞌucha cupí bama abë ꞌacananti ꞌicën. ꞌAcananquin ca Carnero ꞌicësaribitia unin ꞌucha cupí bama, ax cushiira ꞌaish, ꞌibucaman ꞌIbu ꞌianan ꞌapucaman ꞌApu ꞌixun axa abë ꞌacanancëcama ñusmoti ꞌicën. Axa abë ꞌicëcaman ca a amia catamënun caísquin Nucën Papa Diosan sinánmicë ꞌixun uisai cara ñu ꞌicëbëtanbi a ëncëma ꞌicën. Usa ꞌixun ca Carnero ꞌicësaribitia unin ꞌucha cupí bama abë ꞌicëcaman axa abë ꞌacanancëcama ñusmoti ꞌicën.

2 Juan 1:13

Nucën Papa Diosan atúxribia ainan ꞌinun caíscë min xucënan tuá atúnribi ca bërúanxmi ꞌinun quixun mi ꞌë camia. Ashi, Juan.

Mateo 24:24

Anúan usoquin unicaman tëmërati nëtë ucëbëtan ca unin ax asérabi ama ꞌixunbi —ꞌëx cana Cristo ꞌai —quixun paránti sinánquin unicama canuxun ꞌaia. Usaribiquin ca uni raírinën cëmëquin —ꞌën cana Nucën Papa Dios quicë bana unicama ñuixunin —quixun unicama canuxun ꞌaia. Cana ca unicama paránti sinánquin, uni itsían ꞌacëma ñu ꞌanuxun ꞌaia. ꞌAquin ca Nucën Papa Diosan ainan ꞌinun caíscë unicamaribi paránti sinánuxun ꞌaia.

Romanos 13:14

Usa ñucama ëni camina Nucën ꞌIbu Jesucristonën mitsu usai ꞌinun quixun sinánmicësabi oi ꞌiti ꞌain. Ënë nëtënu ꞌicë ñuishi sináncë uni an ñu ꞌatima ꞌacësaribi oquin ꞌati camina sinántima ꞌain.

1 Corintios 13:4

An uni raíri nuibacë unin ca bëtsi unia abë upíma ꞌicëbi ami nishquinma upí oquinshi caia. Usa ꞌaish ca bëtsi unibë upí ꞌia. An uni raíri nuibacë uni ax ca bëtsimi nutsima. Ca —bëtsi unibë sënë́nmaira cana ꞌai —quixun sinanima. Ca rabiacatima.