Colosenses 3:1 - Kashibo-Kakataibo Biblia

¹ Cristonan ꞌaish camina mitsux axa bamax baísquicësaribi ꞌain. Usa ꞌain camina ax, asaribi cushiira ꞌaish aín Papa mëqueu tsócë, ax cuëëncësabi oi ꞌitishi sinánti ꞌain.

Nukën 'Ibu Diosan ain unikama 'inan ain bana

¹ Cristonan 'aish camina mitsux axa bamax baísquicësaribi 'ain. Usa 'ain camina ax, asaribi cushiira 'aish aín Papa mëqueu tsócë, ax cuëëncësabi oi 'itishi sinánti 'ain.

Colosenses 3:1 ပူးပေါင်းရင်းမြစ်များ

Salmos 110:1

Nukën ꞌIbu Diosan ka ꞌën ꞌIbu kaxa: ꞌËn axa mimi nishkë unikama minan ꞌimimainun kamina ꞌë mëkeu tsóti ꞌain.

Salmos 16:11

Usa ꞌixun kamina uisai karana tsóti ꞌai kixun ꞌë ꞌunánmiti ꞌain. Anu mix ꞌikë anu ka anuax ꞌitsaira kuëëntisabi ꞌikën; anuax ka min unikama ꞌitsaira kuëënti ꞌikën.

Mateo 26:64

Cacëxun ca Jesusan cacëxa: —Minmi ꞌë cacë, usa cana ꞌëx ꞌain. Mitsun camina, uni ꞌinux anuax uá, ꞌë Nucën Papa Dios, cushiira, abë ꞌApu ꞌaish aín mëqueu tsócë isanan ꞌëx naí cuin mëucüax utëcënia isnuxun ꞌain.

Mateo 6:20

Ënë nëtënuaxa ꞌicësai ca Nucën Papa Diosan nëtë naínu ꞌicë ñucama ꞌatimati cëñutíma, an ñu cëñuti nacuáxbi ca ꞌaíma ꞌicën, anuax ca ñu puibutiribi ꞌaíma ꞌicën, ꞌimainun ca an xubunu atsínxun ñu mëcamacë uni anu ꞌaíma ꞌicën. Usa ꞌain camina mitsux ënë menu ꞌicë ñuñuishi ꞌiti sinánquinma Nucën Papa Dios cuëëncësabi oquin ꞌati ꞌain. Usaquin ꞌatancëxmi aín nëtënu abë ꞌicë ca an mitsúnmi a cuëënminuxun ꞌacë ñucama cupí, mitsu cupíira oquin chuámarua cuëënun ꞌimiti ꞌicën.

Mateo 6:33

Usa ꞌain camina ainan ꞌianan ax cuëëncësabi oquin pain ꞌati ꞌain. Usaquin ꞌacëbëtan ca an anúnmi mitsux upitax bucuti ñucama aribi mitsu ꞌinánti ꞌicën.

Marcos 12:36

Nucën Papa Diosan Bëru Ñunshin Upitanbi ca David ësaquin quimiacëxa: Nucën ꞌIbu Diosan ca ꞌën ꞌIbu caxa, “axa mimi nishcë unicama ꞌën mi ꞌibuamimainun camina mix ꞌëbë ꞌapu ꞌaish ꞌën mëqueu ꞌiti ꞌain”.

Marcos 14:62

Cacëxun ca Jesúsan cacëxa: —ꞌËx cana a ꞌain. Mitsux camina uni ꞌinux anuax uá, ꞌë, Nucën Papa Dios cushiira, abë ꞌApu ꞌaish aín mëqueu tsócë isanan ꞌëx naí cuin mëucüax utëcënia isnuxun ꞌain.

Marcos 16:19

Usaquin aín ꞌunánmicë unicama catancëx ca Nucën ꞌIbu Jesus, aín mëqueu ꞌaish Nucën Papa Diosbë cushi ꞌi, naínu cuancëxa.

Lucas 12:33

Mitsun ñu maruquin curíqui bixun camina ñuñuma uni ꞌinánti ꞌain. Ënë nëtënuaxa ꞌicësai ca Nucën Papa Diosan nëtë naínu ꞌicë ñucamax ꞌatimati cëñutíma, an ñu mëcamacë uni ca ꞌaíma ꞌicën, ꞌimainun ca an cëñuti nacuáxbi anu ꞌaíma ꞌicën. Usa ꞌain camina mitsux ñuñushi ꞌiti sinánquinma ax cuëëncësabi oquin ꞌati ꞌain. Usaquin ꞌatancëxmi aín nëtënu abë ꞌicë ca an mitsúnmi a cuëënminuxun ꞌacëcama cupíoquin chuámarua aíshmi xënibua ꞌaínbi cuëënun mitsu ꞌimiti ꞌicën.

Lucas 20:42

David anbi ca Salmos quirica ꞌaquin ësoquin cuënëocëxa: Nucën ꞌIbu Diosan ca ꞌën ꞌIbu caxa, axa mimi nishcë unicama ꞌën mi ꞌibuamimainun camina mix ꞌëbë ꞌApu ꞌaish ꞌën mëqueu ꞌiti ꞌain.

Lucas 22:69

Usa ꞌaínbi cana bërí ënë menu ꞌitancëxbi Nucën Papa Dios cushiira, aín nëtënuax aín mëqueu tsotax abë ꞌApu ꞌiti ꞌain.

Hechos 2:34

David ax ca naínu cuanma ꞌicën. Naínu cuanxunmabi ca an ësai quicë bana cuënëocëxa: Nucën ꞌIbu Diosan ca ꞌën ꞌIbu Cristo caxa: Axa mimi nishcë unicama ꞌën mi ꞌibuamimainun camina ꞌën mëqueu ꞌianan ꞌëbë ꞌapu ꞌiti ꞌain.

Hechos 7:55

Nishmainun ca naíu bësuquin aín Bëru Ñumshin Upitan cushiocë ꞌixun Estebanën Nucën Papa Diosan cushi isanan asaribi ꞌaísha Jesús aín Papa mëqueu nicë isacëxa.

Romanos 8:34

¿Uin cara nu ꞌuchoti ꞌic? Cristo bamacëbia Nucën Papa Diosan baísquimicë, an ca aín nëtënu abë ꞌApu ꞌaish aín mëqueu ꞌixun, nu Nucën Papa Dios ñucáxunia. Ñucáxuncë ꞌixun ca an asérabi nu ꞌuchotima ꞌicën.

Romanos 8:6

An Nucën Papa Dios cuëëncësoi ꞌiti sinánquinma ënë nëtënu ꞌicë ñuishi sináncë uni, ax Nucën Papa Diosnanma ꞌaish abë ꞌitimoi bamati ꞌicën. Usa ꞌaínbi ca an Nucën Papa Diosan Bëru Ñunshin Upitan sinánmicësabi oíshi ꞌiti sináncë uni, ax Nucën Papa Diosbë upí ꞌaish abë nëtë́timoi tsóti sinani chuámarua tani cuëënia.

2 Corintios 4:18

Usa ꞌixun cananuna nun bërúnbi iscë ñu ꞌaisamaira oquin sinánquinma unin iscëma ñu, uni nuibati, cëmëi banatima, upí sinánñu ꞌiti, acama sinanin. Nun bërun nu iscë ñucamax ca cëñúti ꞌicën. Usa ꞌaínbi ca unin aín bërun iscëma, nun nuitu mëúnu sináncë ñucamax, Nucën Papa Dios rabiti, uni ꞌaquinti, acamax cëñútima ꞌicën.

Efesios 4:10

Axa ënë nëtënu uá, axbi ca anuxun aín unicama camabi aín cushi anúan aín cuëëncësa oquin ꞌati a ꞌinánux abë ꞌApu ꞌi aín Papan nëtënu cuantëcëancëxa.

Efesios 5:22

Xanun aín bënënan ꞌixun aín bana cuati ꞌicën, Nucën ꞌIbu Jesucristo cuëëncësabi oquin.

Colosenses 2:20

¿Mitsux ꞌuchatëcënuxma Cristobë bamacësa ꞌaíshbi caramina uisa ꞌaish bërámami unin ñuicë ënë nëtënu ꞌicë ñuishi sinánquin rabicësa ꞌitëcënin?

Colosenses 3:2

Camina ënë menu ꞌicë ñuishi sinánquinma Cristo cuëëncësa oishi ꞌiti sinánti ꞌain.

Hebreos 1:13

Uínsaranbi ca uinu ꞌicë ángelbi Nucën Papa Diosan ësoquin cáma ꞌicën: Axa mimi nishcë unicama ꞌën mi ꞌibuamimainun camina mix ꞌëbë ꞌApu ꞌaish ꞌën mëqueu ꞌiti ꞌain.

Hebreos 1:3

Nucën Papa Dios ax ca unin sinánsamaira ꞌaish upíira ꞌicën. Usa ꞌain ca aín Bëchicë Jesucristo axribi asaribi ꞌicën. Usa ꞌain ca uisa cara ax ꞌiacëxa quixun ꞌunánquin unin ꞌunánti ꞌicën, aín Papa Dios ax ca asaribi upí ꞌicë quixun. An unio ꞌixun ca an unio ñucama, aín banánbia usabi ꞌinun ꞌimia. Usa ꞌaish ca camabi unin ꞌucha tërë́ncë ꞌinun bamax baísquitancëx, aín Papan nëtënu cuan ꞌaish aín mëqueu abë ꞌApu ꞌicën.

Hebreos 10:12

Usa ꞌaínbi ca Jesucristo achúshitishi camabi unin ꞌucha tërë́ncë ꞌinun bamax baísquitancëx anu aín Papa ꞌicë anu abë ꞌApu ꞌaish aín mëqueu ꞌi cuancëxa.

Hebreos 12:2

Jesús, a cupí nux ami catamëcë ꞌaish ainan ꞌianan asaribi upí ꞌaish aín nëtënu abë ꞌiti, ax ꞌiásaribiti ꞌinuxun cananuna uisai cara ax ꞌiacëxa quixun sinánti ꞌain. ꞌUchañuira uni ꞌacësa oquin ca unin i curúsocënu a matásti ꞌicë quixun ꞌunánxbi ca ënë menu uacëxa, —ënë ñucama inúcëbë unicama upí ꞌiti mëníotancëx cana ꞌën Papa Diosbë ꞌi cuëëntëcënti ꞌai —quixun ꞌunani. Usai bamax baísquia ꞌaish ca Nucën Papa Diosan nëtënu abë ꞌApu ꞌicën.

Hebreos 8:1

Ënë banaxa bëtsi banasama ꞌicëmi mitsun ꞌunánun cananuna ënë ñuiquin mitsu cain, an Nucën Papa Dios aín unicama ñucáxunti, Jesús, ax ca usa ꞌaish bërí aín nëtënu abë ꞌaish, Nucën Papa Diosbë ꞌApu ꞌicën.

1 Pedro 3:22

Baísquitancëx naínu cuan ꞌaish ca Jesucristo ax Nucën Papa Diosbë ꞌApu ꞌaish aín mëqueu ꞌicën. Usa ꞌicë ca ángelcama ꞌimainun uisa cushi cara anribi aín bana cuatia.