Colosenses 2:16 - Kashibo-Kakataibo Biblia

¹⁶ Atúan ꞌacësaribi oquinmi ñu pianan ñu xëaima ꞌianan camabi nëtë ca bëtsi nëtësaribi ꞌicë quixun sinánan ꞌuxë isícëbëa atux ꞌicësai ꞌima ꞌianan anun tantiti nëtën atux ꞌicësaribiti ꞌiama oquian unin ñuicëxunbi camina tantima ꞌain.

Nukën 'Ibu Diosan ain unikama 'inan ain bana

¹⁶ Atúan 'acësaribi oquinmi ñu pianan ñu xëaima 'ianan camabi nëtë ca bëtsi nëtësaribi 'icë quixun sinánan 'uxë isícëbëa atux 'icësai 'ima 'ianan anun tantiti nëtën atux 'icësaribiti 'iama oquian unin ñuicëxunbi camina tantima 'ain.

Colosenses 2:16 ပူးပေါင်းရင်းမြစ်များ

2 Reyes 4:23

—¿Uisa kupín kaina bëríbi abë banai kuankatsi kin? —kixun ka aín bënën kakëxa—. Bërí ka ꞌuxë ió ꞌianan anun tantiti sábado nëtëma ꞌikën. —ꞌËn kana uisai karana ꞌiti ꞌai a ꞌunanin usa ꞌain kamina ꞌëmi ꞌitsaira sinántima ꞌain kixun ka —aín xanun kakëxa.

Nehemías 8:9

Usakin a banakama ñuixunkin këñuia kuatia ꞌitsaira masá nuituti inia ka kamabi unikama timë́kë a an bana mëníokë ꞌapukama ꞌimainun Nehemías, an ñu ꞌinánkë unikama sacerdote Esdras ꞌimainun Levitas an unikama timë́kë a uisai kikë kara a bana ꞌikë kixun ñuixunkë a kaman kamabi unikama kakëxa, mitsux kamina masá sinani nitë́xëti intima ꞌain, ënë nëtëx ka anun Dios rabiti nëtë ꞌikën.

Salmos 42:4

Kixuan ꞌë kakan a sinani kana uínsaran karana ꞌëx tëmëra akama sinani anun ꞌitsaira masánuituti paëin; ꞌianan kana anuxun mi rabiti xubu Jerusalénnu ꞌikë anuax unikamabë kuanxun fiesta ꞌakin mi rabi munuma kuëëni ꞌia akama sinanin. ¡Ax ka fiesta chaiira nun ꞌakë ꞌiakëxa!

Isaías 1:13

ꞌË nanxuinshikatsi kixun mitsun ꞌaisamaira ñu bëkankë ax ka ñankáishibimi bëkankë ꞌikën; usa ꞌain kana a ñukama xarokëxa kuínkë aín kuin a xëisama tanin. Mitsun kamina unikama ꞌuxë ió ꞌikëbëtan ꞌanan anun ñu mëëtima nëtë ꞌikë anun kuëënin, ꞌaínbi kana ꞌën an ñu ꞌatima ꞌakë unikaman usakin fiesta ꞌakin ñu ꞌatima ꞌakë a kuëënima.

Levítico 16:31

Ax ka a ënima xënibua ꞌaínbi ax kikësabi oi ꞌiti bana a ꞌikën: ax ka achúshi nëtë upíira mitsunan anun ñu pima tanti samáti nëtë ꞌiti ꞌikën.

Amós 8:5

Mitsux kamina ësai kikanin: “¿Uínsaran kara nun trigo marunun ꞌuxë ió ꞌikëbëtan fiesta ꞌati nëtë ax inuti ꞌik? ¿Uínsaran kara anun ñu mëëtima nëtë sábado ax anun nun trigo bimi kupíira marukinbi anun tupúnti anun tupunkinbi mëkamanun a nëtë inuti ꞌik?

Mateo 15:11

Aín ñu picë cupíma, aín nuitunën ꞌatimaquin sinania, aín cuëbitan upíma banan banacë a cupí ca Nucën Papa Diosan uni upíma isia.

Hechos 15:20

Ësaquinshi caquin cananuna acama quirica buánmiti ꞌain: Unínbia uniocë ñu rabiquian ꞌacë ñuina a camina pitima ꞌain, ꞌimainun camina min xanuma ꞌain xanubë ꞌitima ꞌain, ꞌimainun camina tëtsë́cacë ñuina pitima ꞌain, ꞌimainun camina ñuina imi pitima ꞌain.

Romanos 14:10

Anúan ax uti nëtë sënë́ncëbëtan ca Cristonën uisai caranuna ꞌia, uisa ñu caranuna ꞌa quixun nu isti ꞌicën. ¿Usa ꞌain caramina uisacasquin Nucën Papa Diosan uni itsíxa miisaribi uni ꞌaínbi, a ñui manánti ꞌain? Camina ꞌitima ꞌain. ¿Uisacasquin caramina a ñuiti ꞌain? Camina ꞌatima ꞌain.

Gálatas 4:10

Nucën Papa Diosan mitsu upí isnun quiax camina bërámami quiásaribiti nëtë ñui —ënë nëtëx ca bëtsi nëtësama ꞌicë —quianan ꞌuxë ñui —ënë úxëx ca bëtsi ꞌuxësama ꞌicë —quianan bari ñui ënë barix ca bëtsi barisama ꞌicë —quin.

Colosenses 2:20

¿Mitsux ꞌuchatëcënuxma Cristobë bamacësa ꞌaíshbi caramina uisa ꞌaish bërámami unin ñuicë ënë nëtënu ꞌicë ñuishi sinánquin rabicësa ꞌitëcënin?

Hebreos 13:9

Usa ꞌain camina uni itsían mitsu bëtsi bëtsi bana ñuixunquin Jesucristomi sinánti ënun quixun cacëxunbi ëntima ꞌain. A unicamax ca —bëtsi bëtsi ñu piquinbi camina bëtsi bëtsi ñu pitima ꞌai —quia. Atúxa usai quia a bana cuatibi ca uni aín nuitu upí ꞌima. Usa ꞌain camina —Cristo cupíshi ca Nucën Papa Diosan nu nuibaquin nun ꞌucha tërë́anan nux ainan ꞌinun ꞌimia —quixun ꞌunani amishi cushicanti ꞌain.

Hebreos 9:10

Nucën Papa Diosan ca usoquin judíos unibunën ꞌati ñuiquin bëtsi bëtsi ñuina nami pitima ꞌimainun amiribi amiribi mëchucati, usa ñucama ꞌanun quixun mëníocëxa. Usai a banacama quicësabi oi ꞌibi ca atun nuitu upí ꞌima. An Jesucristo xuisama pain ꞌaían judios unibunën usa ñucama ꞌanun ca Nucën Papa Diosan mëníocëxa.

Santiago 4:11

ꞌËn xucë́antu, cana mitsu cain, Jesucristomi sináncë ꞌaish camina axribia ami sináncë unicamabë ñuianantima ꞌain. Axa abëa Jesucristomi sináncë uni ñui —ax ca ꞌaisama ꞌicë —quicë uni ax ca —Nucën Papa Diosan banax ca ꞌaisama ꞌicë —quicësa ꞌicën. Usai qui camina mitsux Nucën Papa Diosan bana quicësabi oquin ꞌaíma a banax ca cuatima ꞌicë quicësa ꞌain.

1 Samuel 20:18

Ësakin katankëxun ka Jonatánnën kakëxa: —Imë́ishi ka ꞌuxë ió ꞌikëbëtan fiesta ꞌaia, usa ꞌain ka anu mix tsóti anu tsókëma, mi oi uinu karaisamina ꞌai kiax ñukákananti ꞌikën.

1 Samuel 20:5

Kakëxun ka Davidtan kakëxa: —Ka kuat, imë́ishi ka ꞌuxë ió ꞌikëbëtan fiesta ꞌaia, usa ꞌain kana ꞌapubëtan pinux anu ꞌiti ꞌain. Usa ꞌaínbi kana ꞌëx anu ꞌitima ꞌain, kamina imë́ishi ꞌibaitia pë́karakë a xupibutamainun unë́tanun ꞌë xuti aín,