Colosenses 1:8 - Kashibo-Kakataibo Biblia

⁸ An ca Cristonan ꞌaish camina mitsux bëtsibë bëtsibë nuibanani upitax bucui quixun nu caxa.

Nukën 'Ibu Diosan ain unikama 'inan ain bana

⁸ An ca Cristonan 'aish camina mitsux bëtsibë bëtsibë nuibanani upitax bucui quixun nu caxa.

Colosenses 1:8 ပူးပေါင်းရင်းမြစ်များ

Marcos 4:22

Uni itsin isnunma ꞌacë ñucama ꞌimainun uni itsin cuanunma quicë banacama abi ca ꞌunáncë ꞌiti ꞌicën.

Romanos 15:30

ꞌËn xucë́antu, ꞌëx ꞌicësaribitimi mitsux Nucën ꞌIbu Jesucristonan ꞌianan aín Bëru Ñunshin Upitan ꞌunánmicë ꞌaish ꞌëbë nuibanancë ꞌicë cana mitsu cain, Cristomi catamëcëma ꞌianan Nucën Papa Diosan bana cuacëma ꞌaish ca ꞌitsa uni ꞌëmi nishia. Usa ꞌain camina asérabi ami cushicë ꞌixun ꞌë Nucën Papa Dios ñucáxunti ꞌain.

Romanos 5:5

An ca —asérabi camina ꞌëbë ꞌiti ꞌai —quixun caquin nu paraníma. An ca aín Bëru Ñunshin Upí nubë ꞌinun nu ꞌinánxa. Nubë ꞌixun ca nu ꞌunánmia uisaira oquin cara Nucën Papa Diosan nu nuibatia quixun. An ca asérabi nu nuibatia quixun ꞌunánquin cananuna, nux cananuna asérabi aín nëtënu abë ꞌiti ꞌai quixun ꞌunanin.

Gálatas 5:22

Usa ꞌaínbi ca Nucën Papa Diosan Bëru Ñunshin Upitan sinánmicëxuan an sináncë uni ax ësai ꞌia: unicama nuibacë, chuámarua ꞌaish cuëëncë, uisa ñu cara ꞌicëbëbi chuámarua ꞌaish bënë́cëma, an ꞌatimocëxunbi uni cupicëma, cuëmëninínshi banacë, upí nuituñu, ꞌimainun Jesucristomi upiti catamëcë,

Colosenses 1:4

Usa ꞌixun cananuna Jesucristomi asérabi catamëtími Nucën Papa Diosan unicamabë nuibanania ñuicania cuan.

2 Timoteo 1:7

Ainan ꞌaíshnu racuë́ ꞌinun ca Nucën Papa Diosan nu ꞌimiama ꞌicën. An ca nu ainan ꞌimiacëxa, aín cushiñu ꞌixúnu nuibaquin unicama ꞌaquianan upí oquin sinánquin ñu ꞌanun.

1 Pedro 1:22

Aín Bëru Ñunshin Upitan ꞌimicëx Jesucristomi catamëti ax cuëëncësabi oi ꞌiquin axa mitsux ꞌicësaribiti Jesucristomi catamëcë unicamabë upiti nuibananuxun camina ñu ꞌatima ꞌati ashiquin ëan. Usa ꞌaish camina bërí ꞌicësamaira oi asérabi cuëënquin upí oquinra sinani atubë nuibananti ꞌain.