Colosenses 1:6 - Kashibo-Kakataibo Biblia

⁶ Nucën Papa Diosan ca usaquin nu nuibatia quixun unin ñuia mitsun cuacë a banabi ca bëtsi bëtsi menu cuanquin ꞌitsaira unin ñuia. Usa ꞌain ca unin ñuia cuatishimi mitsux ꞌicësaribiti camabi menu ꞌicë uni a bana cuati —asérabi ca —quixun sinani Jesucristomi catamëtia.

Nukën 'Ibu Diosan ain unikama 'inan ain bana

⁶ Nucën Papa Diosan ca usaquin nu nuibatia quixun unin ñuia mitsun cuacë a banabi ca bëtsi bëtsi menu cuanquin 'itsaira unin ñuia. Usa 'ain ca unin ñuia cuatishimi mitsux 'icësaribiti camabi menu 'icë uni a bana cuati —asérabi ca —quixun sinani Jesucristomi catamëtia.

Colosenses 1:6 ပူးပေါင်းရင်းမြစ်များ

Salmos 110:3

Min unikamax ka a nëtënmi ꞌakanankin kupitanuma ꞌakë a nëtën minu rikuatsinti ꞌikën. Diosan bashi upí kakë anu ka atuxi kuanti ꞌikën, usa ꞌain kamina nëtë upíira urukian barin nibí ëskakë, usaribi mix kamabi nëtën ꞌiti ꞌain.

Mateo 24:14

Uicamax cara ꞌëmi catamëtia acamax ca Nucën Papa Diosan nëtënu ꞌëbë ꞌiti ꞌicë quixun ꞌën mitsu cacë bana ënë ca ꞌën unicaman camabi menu ꞌicë unicaman cuanun ñuixunti ꞌicën. Usaquian camabi menu ꞌicë unicama ñuixuncëbë ca ꞌëx utëcëncëbë ënë mecama cëñúnuxun ꞌaia.

Mateo 28:19

Usa ꞌain camina mitsun camabi menu cuanquin anu ꞌicë unicama ꞌëmi catamënun sinánmiti ꞌain. Usoquin sinánmiquin camina, ëmi ca catamëtia quixun ꞌunántioquin ꞌën Papa Diosmi sinani, ꞌëmiribi sinánan aín Bëru Ñunshin Upími sinania, nashimiti ꞌain.

Marcos 16:15

Usaquin caxun ca atu cacëxa: —Camabi menu cuanquin camina, ꞌëmi catamëti, aín ꞌucha tërë́ncë ꞌaish ca uni Nucën Papa Diosnan ꞌiti ꞌicë quixun camabi unían ꞌunánun, bana ñuixunti ꞌain.

Marcos 4:8

Usa ꞌaínbi ca raíri ñu bëru ax me upínu nipacëaxa. Nipacëax coi canitancëxun ca upí oquin tuaxa. Tuacëx ca raíri aín bimi ꞌitsamashi, treintaishi ꞌiaxa, raírinëxribi ca aín bimi ꞌitsa, sesenta, ꞌiaxa, raírinëxribishi ca aín bimi ꞌitsaira, cien, ꞌiaxa.

Juan 15:16

ꞌËx mitsun ꞌibu ꞌinúnmi ꞌë caíscancëxunmabi cana ꞌënan ꞌinun mitsu ꞌënbi caísan. Usotancëxun cana mitsúnmi ꞌën sinánsaribi ꞌixun upí ñuishi ꞌanun mitsu can, xënibua ꞌaínbia Nucën Papa Dios cuëënun. Usaquin ꞌaia ca ꞌëx cuëëncësabi oquinmi ñucácëxun mitsu ꞌaxúnti ꞌicën.

Juan 17:19

Atun min bana upí oquin ꞌunánquin mix cuëëncësabi oquinshi ꞌanun cana ꞌën mix cuëëncësabi oquinshi ꞌain.

Juan 4:23

Anúan an Nucën Papa Dios rabicë unix asérabi ami sinani ax cuëëncësabi oi ꞌiti cuëënquin a rabiti nëtë ca aia, bërí ca a nëtë ꞌicën. Usaquian unin a rabiti ca Nucën Papa Dios cuëënia.

Hechos 11:18

Ësaquin Pedronën ñuia cuati ca a ñu catëcënima Nucën Papa Dios rabi quiacëxa: —Bërí cananuna ꞌunanin, judíos unishima, judíosma unicamaribi ca Nucën Papa Diosan ꞌatimaquin sináncë ꞌaíshbi Jesucristomi catamëtia xënibua ꞌaínbi ainan ꞌinun sinanamia —quixun.

Hechos 12:24

Usa ꞌaínbi ca ꞌitsaira uni Nucën ꞌIbu Jesúsmi catamëacëxa. Usai ꞌimainun ca camabi menuxunribi ami sinánquin Jesús ñuiquin cuacocancëxa.

Hechos 16:14

A xanucama achúshi ca Lidia cacë ꞌiacëxa. Ax ca Tiatira ëmanu ꞌicë xanu ꞌianan, an chupa upí minanën pucucësa marucë ꞌiacëxa. Usa ꞌaish ca ami sinánquin Nucën Papa Dios rabicë ꞌiacëxa. Usa ꞌixuan Pablonën bana ñuia cuatia ca Nucën ꞌIbu Diosan Jesucristomi catamëtía ainan ꞌinun sinánmiacëxa.

Hechos 26:18

Minmi ꞌë ñuixuncëxa atux ñu ꞌatima ꞌatishi sinani bëánquibucënu nicësa ꞌaíshbi sinanaquin ñu upíshi ꞌati sinánun cana mi xutin, ñunshin ꞌatimanën ꞌapu Satanásnën ꞌibuacë ꞌaíshbi sinanatía Nucën Papa Diosnan ꞌinun. Usai ꞌëmi catamëcë ꞌaísha aín ꞌuchacama tërë́ncë ꞌinun cana atunu mi xutin. Usa ꞌain ca an mëníosabi oi atux aín unicamabë Nucën Papa Diosan nëtënu ꞌiti ꞌicën”.

Romanos 1:13

ꞌËn xucë́antu, cuainsa taníbi cana cuancëma ꞌain. ꞌItsai cana mitsu isi cuainsa tan quixunmi ꞌunánti cana cuëënin. Mitsúxmi Jesucristomi catamënun, bëtsi menu ꞌicë unicama ꞌaquincësaribi oquin mitsu ꞌaquini cuainsa cana tan.

Romanos 15:19

Aín Bëru Ñunshin Upía ꞌëbë ꞌain usaquin ꞌanan cana Jerusalénuxun ꞌatancëxun anuaxbi cuanquin bëtsi bëtsi me ꞌabiani cuantancëx cuainacëtancëx Ilírico cacë me, anu bëbaquin, camabi menu ꞌicë unicama Cristo ñuiquin bana ñuixunquin sënë́on.

Romanos 15:28

A curíquicama buánquin Jerusalénu ꞌicë unibu ꞌinánbiani España nëtënu cuanquin cana mitsu isbianti ꞌain.

Romanos 16:26

Nucën Papa Diosan sinánmicëxun ca aín unicaman, Cristo ca uti ꞌicë quixun cuënëocëxa. Usai ca ꞌiti ꞌicë quixun ca Nucën Papa Dios, axa bamatimoi tsócë, an mëníocëxa. A bana cuënëo ꞌicëbi ca uisai quicë cara ax ꞌicë quixun unin ꞌunánma ꞌicën. ꞌUnánma ꞌaínbi ca bërí camabi nëtënu ꞌicë unicaman Cristomi catamëquin aín cuëëncësabi oquin ꞌanuxun ꞌunánti ꞌicën.

2 Corintios 10:14

Nunbi sináncë cupíma, Nucën Papa Diosan nu mëníoxuncë cupíshi, cananuna mitsun ëmanu cuanxun aín banami ꞌunánun mitsu ñuixuan. Nucën Papa Diosan mëníosabi oquin cananuna nun pain mitsu Cristo ñuiquin bana ñuixuancën.

2 Corintios 6:1

Nucën Papa Diosan bana cuënëo ca ësai quia: Anúnmi ꞌë ñucácë nëtën cana min bana cuan. Cuaquin cana anúnmi ꞌënan ꞌinux ië́ti nëtën mi ië́mian. A bana quicësabi oi ca bëríribi anúan mitsun ñucácëxun cuati nëtë a ꞌicën, bëríbi ca anúan mitsu ainan ꞌinun ië́miti nëtë ꞌicën. Usa ꞌain cananuna Nucën Papa Diosbëtan mitsu cain, an mitsun bana cuanan ꞌaquinsa tancëxun camina an mitsu ꞌaquinun axa cuëëncësabi oquin a ñucáti ꞌain.

Efesios 3:2

Mitsúnbi camina ꞌëa ñuicania cuaquin ꞌunánti ꞌain, mitsu nuibaquin ca Nucën Papa Diosan Cristo ñuiquin aín bana mitsu ñuixunun ꞌë cacëxa quixun.

Efesios 4:21

Mitsúxmi a rabi timë́cë ꞌain cara Jesús uisai mitsux ꞌiti cuëënia quixun ꞌunánmicë ꞌixun camina ꞌunanin, Jesusax ca mitsúxmi a unicama ꞌicësaribiti ꞌiti cuëënima quixun.

Efesios 4:23

A ëni camina Nucën Papa Diosan ꞌimicëx bëtsi sinánñu ꞌiti ꞌain.

Efesios 5:9

Nucën ꞌIbu Jesucristonan ꞌaish ca uni upí sinánñu ꞌianan asérabi banáinshi bananan ñu upíshi ꞌaia. Usaribi camina mitsux ꞌiti ꞌain.

Filipenses 1:11

Jesucristonën ꞌaquincëxunmi mitsun ñu upíshi ꞌaia isquin ca unin —Nucën Papa Dios ax ca asérabi upí ꞌicë —quixun caquin a rabiti ꞌicën.

Filipenses 4:17

Mitsúnmi ꞌë curíqui ꞌináncë ashi sinanima cana ꞌëmi ꞌaquincë cupími mitsux Nucën Papa Diosan iscëx upí ꞌiti cuëënin.

Colosenses 1:10

Mitsux usai ꞌi camina Nucën ꞌIbu Jesucristonan ꞌaísha uni ꞌicësai ꞌiti ꞌain. Usa ꞌaish camina ax cuëëncësabi oquinshi ꞌaquin, uisa ñu cara upí ꞌicë ashi ꞌanan, asérabi mitsun nuitu mëu upí oquin Nucën Papa Dios ꞌunánti ꞌain.

Colosenses 1:23

Usa ꞌinuxun camina camabi nëtën Cristomishi catamëcë ꞌixun sinánbëquinquinma ainan ꞌaíshmi aín nëtënu abë ꞌiti ashi manuquinma sinánti ꞌain. Usai ꞌi ca uni asérabi Nucën Papa Diosnan ꞌicë quixunmi cuacë bana ca camabi menuxunribi ñuicania. ꞌËnribi cana unicama a bana ñuixunin.

1 Tesalonicenses 1:5

Jesucristomi catamëti ca uni Nucën Papa Diosnan ꞌiti ꞌicë quixun bana ñuixunquin cananuna nun cuëbitainshi banaquinma, aín Bëru Ñunshin Upitan nu sinánmicëx Nucën Papa Diosmi cushicë ꞌixun aín bana mitsu ñuixuan. Nun ñuicë banax ca cëmëma ꞌaish asérabi ꞌicë quixun ꞌunáncë ꞌixun cananuna upí oquin a bana mitsu ñuixuan. Mitsúxmi upí ꞌiti cupí cananuna mitsubë ꞌaish usai ꞌia quixun camina ꞌunáncanin.

1 Tesalonicenses 2:13

Nun Nucën Papa Dios cuëëncësabi oquin aín bana ñuixuncëxun cuaquin camina —a banax ca unínbi sináncëma ꞌicën, asérabi Nucën Papa Diosan sinánmicëxun ca nu ñuixuncania —quixun sinan. A banax asérabi ainan ꞌain camina mitsux a cuati Nucën Papa Diosnan ꞌain. Mitsux usai ꞌia ꞌunánquin cananuna nëtë́quinma a —asábi ca —quixun caquin rabin. Mitsúnmi —a banax ca asérabi ꞌicë —quixun cuatia ca Nucën Papa Diosan ainan ꞌinun mitsu ꞌimiaxa.

2 Tesalonicenses 2:13

Nucën xucë́antu, usa ꞌaínbia Nucën ꞌIbu Jesucristonën nuibaquin mitsu ainan ꞌimicë cupí cananuna Nucën Papa Dios —asábi ca —ënquinma cati ꞌain. Mecama unioisama pain ꞌixunbi ca Nucën Papa Diosan ainan ꞌinux ië́ti mitsu sinánxuancëxa. Usa ꞌaish camina aín Bëru Ñunshin Upí an ax cuëëncësa oíshi ꞌinun mitsu sinánmicë, a cupí ꞌianan asérabi Jesucristo ñuicë bana sináncë cupí, ainan ꞌain.

1 Pedro 5:12

Nucën xucën Silvano, ax ca ꞌën iscëx upiti Jesucristomi sináncë ꞌicën. Usa ꞌain cana an mitsu buánxunun ënë quirica mitsu ꞌaxuan. Ënë quiricanu ꞌësë́anan cana mitsu cain, an mitsu upí oquin cushionan ꞌaquincë cupí camina asérabi ꞌunánti ꞌain, uisaira oquin cara Nucën Papa Diosan mitsu nuibatia quixun. A ënima camina mixmi ꞌicësabi oi ami upiti catamëti ꞌain.