Apocalipsis 9:1 - Kashibo-Kakataibo Biblia

¹ Usai ꞌicëbëtan ca bëtsi ángelnënribi aín manë banañu banoxa. Banocëbëtan cana naínuaxa ꞌispa achúshi menu nipacëcë isan. Nucën Papa Diosan ꞌináncëxun ca anun quini chaira ꞌaish nëmínra xëocati ñu bixun tuíanxa.

Nukën 'Ibu Diosan ain unikama 'inan ain bana

¹ Usai 'icëbëtan ca bëtsi ángelnënribi aín manë banañu banoxa. Banocëbëtan cana naínuaxa 'ispa achúshi menu nipacëcë isan. Nucën Papa Diosan 'ináncëxun ca anun quini chaira 'aish nëmínra xëocati ñu bixun tuíanxa.

Apocalipsis 9:1 ပူးပေါင်းရင်းမြစ်များ

Lucas 10:18

Cacëxun ca Jesusan cacëxa: —Usa ca. Caná naínuax menu bënëtishi ꞌibúcësaria ñunshin ꞌatimanën ꞌapu Satanás naínuax nipacëtia cana isacën.

Lucas 8:31

Cacëbëtan ca ñunshin ꞌatimacaman, quini cha nëmínra, anu ñunshin ꞌatima ꞌicë, anu xuxunma ꞌanun quixun bënë́quin cacëxa.

Romanos 10:7

Ësairibi ca quia: “Min nuitu mëu sinani camina quitima ꞌain, ¿Uix cara anua uni bamacë ꞌicë anu cuanti ꞌic?” anua Cristo bënux.

Apocalipsis 1:18

ꞌËx cana axa bamatimoi tsócë a ꞌain. Bamatancëx baísquia ꞌaish cana bamatëcëntimoi tsotin. Ui unicamax cara uiti nëtën tsóti ꞌicë, uisa nëtën cara bamati ꞌicë quixun cana ꞌën mëníoin. Bamatancëx cara aín ꞌucha cupí anuax uni tëmëracë anu cuanti ꞌicë, cara anua aín ꞌucha tërë́ncë uni ꞌicë anu cuanti ꞌicë quixun cana mëníoin.

Apocalipsis 1:20

ꞌIspa mëcën achúshi ꞌimainun rabë́mi ꞌën mëcën mëquenua iscë, ꞌimainun anu lamparín nanti mëcën achúshi ꞌimainun rabë́mi iscë, ax cara uisa ꞌicë quixun ꞌunánquinmabi camina ësa ca quixun ꞌunánti ꞌain, anu lamparín nanticama ax ca a mëcën achúshi ꞌimainun rabë́ ëmanuaxa ꞌëmi catamëti unicama ꞌunántioquin nancë ꞌicën. ꞌImainun ca mëcën achúshi ꞌimainun rabë́ ꞌispa ami iscë, ax a ëmacamanuxun an Nucën Papa Diosan bana unicama ñuixunquin ꞌunánmicë a unicama anun ꞌunántiocë ꞌicën.

Apocalipsis 11:7

Atúan unicama bana ñuixuncë nëtëcama inúcëbë ca piánancë ñuinasa ñu, ax quini chaira ꞌaish nëmíinra, anuax chiquíti ꞌicën. Chiquítancëxun ca an unicama bana ñuixuncë rabë́, ami nishi abë ꞌacánanquin ñusmoquin bamamiti ꞌicën.

Apocalipsis 17:8

A ñuinacanꞌëo a min iscë, ax ca ꞌiacëxa, ꞌaíshbi ca bërí ꞌaíma ꞌicën. Ca quini cha nëmíinra anu ꞌicën. Anu ꞌaíshbi ca anu xënibua ꞌaínbi paëira tani tëmërati anu cuanux, quini cha nëmíinra anuax chiquíti ꞌicën. A ñuinacanꞌëo anua xanu tsócë, axa parúnpapanu ꞌia, axa anu ꞌiá, ꞌaíshbi nëtë́a ꞌaish utëcënia isi ca a Nucën Papa Diosan nëtënu ꞌiti oquin nëtë ióñubi aín anë cuënëoma unicama, ax ratúira ratúti ꞌicën.

Apocalipsis 20:1

Usaquin istancëxun cana ángel naínuax ubutia isan. A ángelnëx ca quini chaira, anun aín xëcuë xëocati ñu a tuíanan, manë risi chaira aribi tuíncë ꞌiaxa.

Apocalipsis 20:10

Usoquin cëñuanan ca ñunshin ꞌatimanën ꞌapu, an unicama paráncë, a ꞌianëmëꞌëosa manë tsi, anuaxa azufreribi rëquirucë, anu ꞌinun niaxa. Anua ꞌitsa maxcáñu ꞌianan ꞌitsa matúxcañu ñuinacanꞌëo a ꞌimainun bëtsi ñuinacanꞌëo an Nucën Papa Dios rabiquinma ñuinacanꞌëo rabinun quixun unicama paráncë, anu atux ꞌicë ca ñunshin ꞌatimanën ꞌapuribi anu niaxa. Anuxun ca acaman nëtë́nbi imë́bi xënibua ꞌaínbi nëtë́timoquin paë tanquin tëmërati ꞌicën.

Apocalipsis 6:13

Usaía ꞌimainun ca suñúanëan bëcacë́xa higos bimi paxa rëucucësari ꞌispa rëucüaxa.

Apocalipsis 8:10

Usai ꞌicëbëtan ca bëtsi ángelnënribi aín manë banañu banoxa. Banocëbë ca ꞌispa chaira, bimicëxa taban rëquirucësa ꞌaish naínuax rëquícuaianx nipacëaxa. Usari ꞌi ca bacacamabëa xëxácama ꞌitsa ꞌaíshbi nëbë́tsi, rabë́ ꞌimainun achúshi oquin tëacësa ꞌain, amo ꞌicë achúshinu nipacëaxa.

Apocalipsis 8:12

Usai ꞌicëbëtan ca bëtsi ángelnënribi aín manë banañu banoxa. Banocëbë ca bari, ꞌuxë ꞌimainun ꞌispacamaribi ꞌitsa ꞌaíshbi nëbë́tsi rabë́ ꞌimainun achúshi oquin tëacësa ꞌaíshbi amo ꞌicë achúshi bënamëti pëquicëma ꞌicën. Usa ꞌain ca nëtë ꞌimainun imë́ribi nëbë́tsi rabë ꞌimainun achúshi oquin tëacësa ꞌaíshbi amo ꞌicë achúshi bari, ꞌuxë, ꞌispacaman pëcacëma ꞌiaxa.

Apocalipsis 8:2

Usaía ꞌicëbëtan cana mëcën achúshi ꞌimainun rabë́ ángel Nucën Papa Dios bëmánon nicë isan. Iscëxun ca Nucën Papa Diosan ꞌináncëxun, a ángelcama achúshi achúshinën manë banañu biaxa.

Apocalipsis 9:2

A tuíncë ñu anun ca quini chaira ꞌaish nëmínra a xëocaxa. Xëocacëx ca anuax tsin cuin chiquíaxa, manë tsi rëquirucë aín cuin chiquícësaribi ꞌinun. Chiquíquin a cuinan mapucëx ca bari bëánquicësa ꞌiaxa.