Apocalipsis 4:9 - Kashibo-Kakataibo Biblia

⁹ Usaquian ꞌitsa bëruñu ñu an Nucën Papa Dios, axa anu ꞌApuira tsóti, anu ꞌianan bamatimoi tsócë, a nëtë́timoquin rabianan —ca asábi ꞌicë —quixun cacëbëtan cacëbëtan,

Nukën 'Ibu Diosan ain unikama 'inan ain bana

⁹ Usaquian 'itsa bëruñu ñu an Nucën Papa Dios, axa anu 'Apuira tsóti, anu 'ianan bamatimoi tsócë, a nëtë́timoquin rabianan —ca asábi 'icë —quixun cacëbëtan cacëbëtan,

Apocalipsis 4:9 ပူးပေါင်းရင်းမြစ်များ

Salmos 47:8

¡Dios ax ka kamabi menu ꞌikë unikaman ꞌapuira ꞌapu ꞌikën! ¡Usa ꞌaish ka Dios ax anua tsókë upíira anu tsótaxa!

Éxodo 15:18

¡Nun ꞌIbu mix kamina ꞌapuira ꞌaish uínsaranbi këñutima oi tsoti oi uniakën!

Isaías 6:1

A baritian ꞌapu Ozías ñukë anun kana Dios anua tsókë manainra anuxunbia; aín chupa kuëxitan anun anuxun a rabiti xubu a mapukë isan.

Daniel 4:34

Anun ꞌëx usai ꞌiti nëtë a sënë́nkëbëtan kana ꞌëx Nabucodonosor ꞌixun naímiu bësukin isan, iskin kana ꞌën sinan bëtsikë a mëníokakin asábi tan; usai ꞌikin kana Dios manámi ꞌikë a asabika kixun sinánxunkin rabian, ax ka nëtë́tima oi tsotia, aín kushix ka këñutima oi ꞌiti ꞌikën, ax ka kamabi nëtën xënibua ꞌaínbi ꞌiti ꞌikën.

Deuteronomio 32:40

ꞌËn kana naími okin ꞌën mëkën chaioruin, usa ꞌaish kana asérabi ësai kin: ꞌëx kana uínsaran nëtënbi këñútimoi tsotin usa ꞌaish kana asérabi kin

Hebreos 7:25

Ui unicaman cara a cupí abë upí ꞌiisa tanquin Nucën Papa Dios ñucatia, a ca Jesusan xënibua ꞌaínbi Nucën Papa Diosnan ꞌinun ië́mia. A unicama Nucën Papa Dios ñucáxunux ca bamatimoi tsotia.

Hebreos 7:8

Levitan rëbúnqui, judíos sacerdotecama, a judíos unicama raírinën aín ñu mësú ꞌináncë, acamax ca uni ꞌaish bamaia. Usa ꞌaínbi ca Abrahamnën aín ñu mësú Melquisedec, a ñuia uni —ax ca bamama ꞌicë —quicë, a ꞌináncëxa.

Apocalipsis 1:18

ꞌËx cana axa bamatimoi tsócë a ꞌain. Bamatancëx baísquia ꞌaish cana bamatëcëntimoi tsotin. Ui unicamax cara uiti nëtën tsóti ꞌicë, uisa nëtën cara bamati ꞌicë quixun cana ꞌën mëníoin. Bamatancëx cara aín ꞌucha cupí anuax uni tëmëracë anu cuanti ꞌicë, cara anua aín ꞌucha tërë́ncë uni ꞌicë anu cuanti ꞌicë quixun cana mëníoin.

Apocalipsis 10:6

Manámi oquin ca caxa: —Axa bamatimoi tsócë, an naí, me, parúnpapa, acama ꞌimainun anu ꞌicë ñucamaribi unio Nucën Papa Dios, an cuamainun cana cain: Ax quiasabi oi ca bërí ꞌiti ꞌicën.

Apocalipsis 15:7

Usa ꞌain ca ángelcama chiquitia axa ꞌitsa bëruñu rabë́ ꞌimainun rabë́ ñu acama achúshinën a ángelcama achúshi achúshi, xanpa curi ꞌacë ꞌinánxa. A xanpacamanu ca axa bamatimoi tsócë Nucën Papa Diosan, anun atumi nishquin an ꞌatima ñu ꞌacë unicama castícanti ñu ꞌiaxa.

Apocalipsis 21:5

A bana ꞌën cuacëbë ca Nucën Papa Dios, axa anu ꞌApuira ꞌaish tsócë, ax ësai quiaxa: —Camina ꞌunánti ꞌain, cana camabi ñu ió ꞌinun ꞌatëcënin. Quianan ca ësairibi quiaxa: —ꞌËx quicësabi oi ca asérabi ꞌiti ꞌicën. Usa ꞌain camina ꞌëx quicë banacama ënë cuënëoti ꞌain.

Apocalipsis 4:2

Cacëxunshi Nucën Papa Diosan Bëru Ñunshin Upitan ꞌimicëxun cana ꞌuxúnmabi namácësa oquin naicamëꞌëonua anu tsóti upíira upí anu ꞌApuira tsóti, a isan. Isanan cana axa anu tsócë Nucën Papa Dios aribi isan.

Apocalipsis 4:8

A ñucama achúshi achúshinëx ca anúan nuánti mëcën achúshi ꞌimainun achúshi pëchiñu ꞌiaxa. Aín bërucamax ca ëman ꞌianan ꞌucë mëúribi ꞌiaxa. A ñux ca nëtë́nbi imë́bi nëtëtima Nucën Papa Dios rabi ësai quiaxa: Nucën Papa Dios, ax ca upíira upí, upíira upí upíira upí ꞌicën. Aín cushix ca chaira ꞌaish bëtsi cushisama ꞌicën. Ax ca usabi ꞌiá ꞌaish, usabi ꞌaish, usabi ꞌiti ꞌicën.

Apocalipsis 5:1

Axa anu tsócë Nucën Papa Dios an aín mëcën mëquenën tuíncë cana quirica taráncë isan. Iscëx ca aín namë́nu cuënëocë ꞌianan aín caxunuribi cuënëocë ꞌiaxa. A quirica aín namë́ istisama ꞌitánun upí oquin tacáshcacë ꞌaish ca anúan tacáshcacë ñu mëcën achúshi ꞌimainun rabë́ ꞌiaxa.

Apocalipsis 6:16

Unë́quin ca aín bashi ꞌimainun xaxu chacama caxa: —A nëtë anúan axa anu tsóti upíira upí, anu ꞌApuira tsóti, anu tsócë Nucën Papa Dios a ꞌimainun Carnero ꞌicësaribitia unin ꞌucha cupí bama, an axa ami sináncëma unicamami nishquin castícanti nëtë ca uaxa. Usa ꞌain ca unicamax uíxbi ië́tima ꞌicën. Usa ꞌain ca nunu rurucubut, ꞌApuira an nu isnúnma ca rurucubúquin nu unput. Carnero ꞌicësaribitia unin ꞌucha cupí bama, axa nun ꞌucha cupí numi nishcë, an nu castícanxunma ꞌanun ca nu unët.

Apocalipsis 7:15

Usa ꞌaish ca anua Nucën Papa Dios ꞌicë anubi ꞌicën. Anuxun ca nëtë́nbi, imë́bi rabiquin, ax cuëëncësabi oquin a ñu ꞌaxunia. Usoia ca Nucën Papa Dios ax ꞌApuira ꞌaish cushi ꞌixun, acama ënquinma bërúanti ꞌicën.