Apocalipsis 4:8 - Kashibo-Kakataibo Biblia

⁸ A ñucama achúshi achúshinëx ca anúan nuánti mëcën achúshi ꞌimainun achúshi pëchiñu ꞌiaxa. Aín bërucamax ca ëman ꞌianan ꞌucë mëúribi ꞌiaxa. A ñux ca nëtë́nbi imë́bi nëtëtima Nucën Papa Dios rabi ësai quiaxa: Nucën Papa Dios, ax ca upíira upí, upíira upí upíira upí ꞌicën. Aín cushix ca chaira ꞌaish bëtsi cushisama ꞌicën. Ax ca usabi ꞌiá ꞌaish, usabi ꞌaish, usabi ꞌiti ꞌicën.

Nukën 'Ibu Diosan ain unikama 'inan ain bana

⁸ A ñucama achúshi achúshinëx ca anúan nuánti mëcën achúshi 'imainun achúshi pëchiñu 'iaxa. Aín bërucamax ca ëman 'ianan 'ucë mëúribi 'iaxa. A ñux ca nëtë́nbi imë́bi nëtëtima Nucën Papa Dios rabi ësai quiaxa: Nucën Papa Dios, ax ca upíira upí, upíira upí upíira upí 'icën. Aín cushix ca chaira 'aish bëtsi cushisama 'icën. Ax ca usabi 'iá 'aish, usabi 'aish, usabi 'iti 'icën.

Apocalipsis 4:8 ပူးပေါင်းရင်းမြစ်များ

Génesis 17:1

Usa ꞌain ka Abram axa noventa ꞌimainun nueve baritiañu ꞌikë, Nukën ꞌIbun amiribishi ami mëratëkënkin ësokin kakëxa: —ꞌËx kana min ꞌIbu Dios kamabi kushiñuira a ꞌain, usa ꞌain kamina ꞌëx kuëënkësabi ꞌoíshi tsóanan ꞌëx kikësabiokin kamabi ñu ꞌati ꞌain,

Salmos 91:1

Uix kara Dios kamabi kushiñuira ꞌianan, manámi ꞌikë an bërúankë an ka

Éxodo 15:11

ꞌËn ꞌIbu, ¡uinu ꞌikë bëtsi diosaxbi ka mibë sënënima! ¡Uixi ka misaribi chaiira ꞌianan upíira ꞌixun ñu ꞌatima ꞌai ꞌuchakëma ꞌaíma ꞌikën! ¡Min kamina a iskëma ñu ꞌanan ami rakuë́ti ñuribi ꞌain! ¡Usa ꞌikë kananuna mishi rabiti ꞌain!

Éxodo 3:14

ꞌImainun ka Diosan kakëxa: —ꞌËx kana axa nëtë́timoi tsókë a aín. Usa ꞌain kamina israel unibu kati ꞌain: ꞌËnbi kana atunu mi xuti kixun kamina kati ꞌain.

Ezequiel 1:18

Usa isanan kana rabë́ ꞌimainun rabë́ mañakë anua ꞌikë ain bërukama, an buinarakin upíokin pëkakë isan.

Ezequiel 1:5

ꞌimainun ka tsi rëkirukë aín nëbëtsi anubi, rabë́ ꞌimainun rabë́ uni iskësa mërakëxa.

Ezequiel 1:6

Usa ꞌain ka akama achúshi achúshinëx rabë́ ꞌimainun rabë́ bëmánañu ꞌianan rabë́ ꞌimainun rabë́ pëiñuribi ꞌiakëxa;

Joel 1:15

¡Bërí karanuna añu ꞌati ꞌain, anúan Dios kushiñuira an nun tënëtisamaira ñu ꞌatimaira ꞌimiti nëtë ka ꞌurama kuatsinia!

Hechos 20:31

Usa ꞌain camina unin paráncëma ꞌinuxun upí oquin sináinrati ꞌain. Camina sinánti ꞌain, rabë́ ꞌimainun achúshi barin cana ñantánbi nëtë́nbi nëtë́quinma bëunan mëscúquin mitsu ꞌësëan.

2 Corintios 6:18

ꞌImianan cana mitsun Papa ꞌiti ꞌain. ꞌIcëbë camina mitsux, bëbu ꞌimainun xanucamaxribi, ꞌën bëchicë ꞌiti ꞌain. Usai cana mitsun ꞌIbu Dios, cushiira, ꞌëx quin.

1 Tesalonicenses 2:9

Nucën xucë́antu, mitsun camina ꞌunanin, nun cananuna pitiñuma ꞌianan nun curíqui cëñuti rabanan tëmërai atsánquinbi ñu mëëan. Micama uinu ꞌicë uníxbia nu ñu ꞌináncasi bënë́nunma cananuna nëtën ꞌanan, imë́ribi nun cuëëncë ñu biti cupí usoquin ꞌan. ꞌAnan cananuna Jesucristomi catamëti ca uni Nucën Papa Diosnan ꞌiti ꞌicë quixun caquin mitsu bana ñuixuan.

1 Timoteo 4:16

Amanu amanua sinanima camina a bana quicësabi oi ꞌianan a banaxa quicësabi oquin uni bana ñuixunti ꞌain. Usaquin ꞌaími mix ië́cë ꞌimainun ca an mínmi a bana ñuixuncëxun cuacë unicamaxribi Nucën Papa Diosnan ꞌinux ië́cë ꞌiti ꞌicën.

2 Timoteo 4:2

minmi ñuixuncëxuan min bana cuanan, cuatiamabi camina uni bana ñuixunti ꞌain. Ñuixunquin camina Jesucristo ñuicë banax ca asérabi ꞌicë quixun ꞌunánmiquin amia sinánun ꞌaquinti ꞌain. ꞌAquianan camina an ñu ꞌaisama ꞌacë unicamaribi ꞌësëanan camabi uni Jesúsmi catamëcë ꞌaísha upí ꞌinun ꞌësëti ꞌain. Min cacëxun cuacëbëma bënë́quinma camina minmi upí oquin ꞌunáncë bana ñuixunquin uni ꞌësëti ꞌain.

Hebreos 13:8

Jesucristo ax ca usabi ꞌiá ꞌaish bëríribi usabi ꞌaish, usabi ꞌiti ꞌicën.

Apocalipsis 1:4

ꞌËx Juan ꞌixun cana Asia menu ꞌicë mëcën achúshi ꞌimainun rabë́ ëmanuax timë́cë axa Jesucristomi catamëcë unicama, mitsu ësaquin cain: Nucën Papa Dios axa usabi ꞌiá ꞌaish usabi ꞌicë, an nuibaquin ꞌaquincëxmi mitsux chuámarua bucuti cana cuëënin. Cuëëanan cana anua Nucën Papa Dios ꞌicë aín Bëru Ñunshin Upí anribi aín bana upí oquin cuanun ꞌaquianan, a bana quicësabi oi ꞌinun ꞌaquincëxmi mitsux chuámarua bucuti cuëënin.

Apocalipsis 1:8

Nucën ꞌIbu Dios, axa usabi ꞌiá ꞌaish usabi ꞌicë, ax ca cushiira ꞌaish, uisa cushi cara, aín cushibëtanbi sënë́nmaira ꞌicën. Usa ꞌaish ca ax ësai quia: —ꞌËx cana uisa ñubia ꞌaíma ꞌaínbi ꞌiacën, usa ꞌaish cana ënë menu ꞌicë ñucama cëñúcëbë usabi ꞌiti ꞌain. Usa ꞌaish cana a pain ꞌunánti bana “A” ꞌimainun tsiánquinribi ꞌunánti bana “Z” asaribi ꞌain.

Apocalipsis 11:17

Rabiquin ca caxa: Nucën ꞌIbu Dios, min cushi ca chaira ꞌaish bëtsi cushisama ꞌicën. Camina usabi ꞌiá ꞌianan usabi ꞌaish, usabi ꞌiti ꞌain. Cushiira ꞌixun camina min cuëëncësabi oquin ꞌain. ꞌAi camina bërí mixëshi min unicaman ꞌApu ꞌain. Usa ꞌicë cananuna bërí —asábi ca —quixun caquin mi rabin.

Apocalipsis 14:11

Manë tsi anuxuan atun xënibua ꞌaínbi paë tanti, anuax ca aín cuin nëtëtima tëxëquiruia. Usai ca an parúnpapanuax uax ꞌirucë ñuinacanꞌëo, ꞌimainun a tanquian a iscësa oquin unin ꞌacë ñu a rabicë unicama, ꞌimainun ñuinacanꞌëon anë anu cuënëocë unicaman nëtë́timoquin nëtë́nbi imë́bi paë tanti ꞌicën.

Apocalipsis 14:3

Acama ciento cuarenta y cuatro mil unicamax ca anun cantacëma, canta iotan cantaxa. A cantax ca anu Nucën Papa Dios ꞌicë a bëmánon ꞌimainun axa bamatimoi tsócë ꞌitsa bëruñu rabë́ ꞌimainun rabë́ ñu, acama ꞌimainun anu ꞌicë caniacëcë unicama mëcën rabë́ ꞌimainun taë rabë́ ꞌimainun rabë́ ꞌimainun rabë́, acaman bëmánauncüaxa cantacë ꞌiaxa. Uinu ꞌicë unínbi ca a canta ꞌunántima ꞌicën, unicama ciento cuarenta y cuatro mil (144,000) a Nucën Papa Diosan ainan ꞌinun ië́micë, acaman cuni ca a canta ꞌunánxa.

Apocalipsis 15:3

Anuax ca Nucën Papa Dios rabi cantaxa. Moisés, an Nucën Papa Diosan cacësabi oquin ꞌá, a sinánan Carnero ꞌicësaribitia unin ꞌucha cupí bama, an Nucën Papa Dios cuëëncësabi oquin ꞌá, aribi sinani ca Nucën Papa Dios rabi cantaxa. Ësai quicë ca a canta ꞌiaxa: Minmi ꞌacë ñucamax ca upíira ꞌicën, unin sináncësamaira oquin sinánquin camina ñu ꞌacën. Mix camina Nucën ꞌIbu Dios ꞌain. Min cushix ca chaira ꞌaish bëtsi cushisama ꞌicën. Mix cushiira ꞌaish camina camabi menu ꞌicë unicaman ꞌApu ꞌain. Usa ꞌaish camina sinánñuira ꞌixun paránquinma atúxribia upí ꞌinun ꞌiminux atun ꞌApu ꞌain.

Apocalipsis 15:7

Usa ꞌain ca ángelcama chiquitia axa ꞌitsa bëruñu rabë́ ꞌimainun rabë́ ñu acama achúshinën a ángelcama achúshi achúshi, xanpa curi ꞌacë ꞌinánxa. A xanpacamanu ca axa bamatimoi tsócë Nucën Papa Diosan, anun atumi nishquin an ꞌatima ñu ꞌacë unicama castícanti ñu ꞌiaxa.

Apocalipsis 16:14

A ñunshin ꞌatimacama tuan tita iscësa, acaman ca unicama paránuxun unin ꞌacëma ñu ꞌaxa. Usoquin ꞌanan ca camabi menu cuanquin, anu ꞌicë ꞌapucama aín suntárucamaxa bëtsi menu ꞌicë suntárubë ꞌacananux tsuáquirunun sinánmiaxa. Usa ꞌixun ca camabi uni timëaxa, axa aín cushi chaira ꞌaish bëtsi cushisamaira Nucën Papa Dios, an anun ꞌaisamaira oquin atu castícanti nëtë sënë́ncëbëtan.

Apocalipsis 16:7

Usaquin cuanan cana anuxun tsëpasa ñu sanutanun nëënti, anuax ësai qui banaia cuan: —Usa ca. Nucën ꞌIbu Dios ꞌaish camina min cushi chaira ꞌaish, bëtsi cushisama ꞌain. Min sinan upíira ꞌixun camina uisa caramina oti ꞌai usoquin ꞌan. Mixmi ñu ꞌatima cuëëncëma cupí camina usoquin ꞌan.

Apocalipsis 19:15

Ax pain chiquícë aín cuëbínuaxa machítusa manë xëtocë chiquitia cana isan. A manë xëtocë ax ca camabi menu ꞌicë axa ami sináncëma unicama anun ꞌati ꞌiaxa. Ax cushi ꞌixun ca camabi menu ꞌicë unían aín bana cuanun ꞌimiti ꞌicën. ꞌImainun ca ax cushiira ꞌixun axa ami nishcë unicama Nucën Papa Diosan mëníosabi oquin castícanti ꞌicën, uvas bimia taën chacacëx cëñúcësaribi ꞌinun.

Apocalipsis 19:4

Usai ꞌimainun ca mëcën rabë́ ꞌimainun taë rabë́ ꞌimainun rabë́ ꞌimainun rabë́ caniacëcë unicama ꞌimainun axa ꞌitsa bëruñu rabë́ ꞌimainun rabë́ ñu, axribia bamatimoi tsócë, acaman ca aín bëmánon meu bësuquin Nucën Papa Dios, ꞌApuira, a rabi cuëënquin caxa: —Usai ca ꞌiti ꞌicën. Miishi cananuna munuma banaquin rabin.

Apocalipsis 21:22

Nucën ꞌIbu Dios, axa aín cushi bëtsi cushisama, a ꞌimainun Carnero ꞌicësaribitia unin ꞌucha cupí bama, axbia uinu cara a ëma sënënia anubi ꞌain, ca ꞌën iscëx a ëmanu anuxun Nucën ꞌIbu Dios rabiti xubu ꞌaíma ꞌiaxa.

Apocalipsis 3:7

Usaquin catancëxun ca ësaquinribi cuënëonun Jesusan ꞌë caxa: —An axa Filadelfianuax ꞌëmi catamëcë unicama ꞌë ñui quicë bana ñuixuncë uni, a buánminuxun camina ësoquin cuënëoti ꞌain: A aín chaitiocë David ꞌiásaribi ꞌApu ꞌinun Nucën Papa Diosan ꞌimicë, Jesús, axa ꞌuchañuma ꞌaish aín bana asérabi ꞌice, ax ca an xëcuë bërúancë unisaribi ꞌicën. An xëcuë bërúancë ꞌixuan an xëocaia ca uinu ꞌicë unínbi xëcuë xëputima ꞌicën. ꞌImainun ca an xëpuia uinu ꞌicë unínbi xëcuë xëocatima ꞌicën. Usaribi oquin ca ui unix cara ainan ꞌiti ꞌicë, ui unin cara aín bana unicama ñuixunti ꞌicë, acama ainshi mëníoia. Usoquian an mëníocë ꞌain ca uinu ꞌicë unínbi —usama ca —catima ꞌicën. Ax usa ꞌixun ca ësaquin mi caia:

Apocalipsis 4:4

Anu ax tsócë aribi nëbë́tsioracë ca mëcën rabë́ ꞌimainun taë rabë́ ꞌimainun rabë́ ꞌimainun rabë́ anu tsóti itsi ꞌiaxa. Axa a anu tsótinu tsócëcamax ca mëcën rabë́ ꞌimainun taë rabë́ ꞌimainun rabë́ ꞌimainun rabë́ caniacëcë unicama ꞌiaxa. Acamax ca aín chupa uxua ꞌianan curi ꞌacë mañuti mañucë ꞌiaxa.

Apocalipsis 4:6

Anua Nucën Papa Dios ꞌicë a bëmánon ca parúnpapa upí, bëxnan bëxnánquicë iscësa ꞌaíshbi ꞌunpáxma ꞌiaxa. Anua Nucën Papa Dios ꞌicë a nëbë́tsi ꞌianan a nëbë́tsioracë ca ꞌitsaira bëruñu rabë́ ꞌimainun rabë́ ñu, axa bamatimoi tsócë, axribi ꞌiaxa. Aín bëmánon ꞌitsaira bëruñu ꞌianan ca aín caxumiribi a ñu ꞌitsaira bëruñu ꞌiaxa.

Apocalipsis 4:9

Usaquian ꞌitsa bëruñu ñu an Nucën Papa Dios, axa anu ꞌApuira tsóti, anu ꞌianan bamatimoi tsócë, a nëtë́timoquin rabianan —ca asábi ꞌicë —quixun cacëbëtan cacëbëtan,

Apocalipsis 5:6

Usai quicëbëtan cana anua Nucën Papa Dios ꞌicë, ꞌimainun anu axa ꞌitsa bëruñu rabë́ ꞌimainun rabë́ ñu axribia bamatimoi tsócë, ꞌimainun caniacëcë unicama, acama nëbë́tsia nicë, carnero ꞌicësaribitia unin ꞌucha cupí bama Cristo a isan. Ax ca unin ꞌucha cupí carnero ꞌacësa oquin ꞌaquian unin anu ꞌá aín namicama istisabi ꞌaish nicë ꞌiaxa. ꞌËn iscëx ca ax mëcën achúshi ꞌimainun rabꞌë matúxcañu ꞌianan mëcën achúshi ꞌimainun rabë́ bëruñu ꞌiaxa. Aín bëru mëcën achúshi ꞌimainun rabë́ ax ca aín Bëru Ñunshin Upí Nucën Papa Diosan camabi menu ꞌicë unicamanu cuanun xucë a ꞌicën.

Apocalipsis 6:1

Usaquin istancëxun cana Carnero ꞌicësaribitia unin ꞌucha cupí bama, an anúan quirica tacáshcacë mëcën achúshi ꞌimainun rabë́ ñu a achúshi pëóshia isan. Pëóshcëbëtan cana ꞌitsa bëruñu rabë́ ꞌimainun rabë́ ñu, axribia bamatimoi tsócë, acama achúshinëxa caná banacësari munuma banai —ca chiquiti ut —quia cuan.

Apocalipsis 6:6

Isquin cana ꞌitsa bëruñu rabë́ ꞌimainun rabë́ ñu, axribia bamatimoi tsócë, acama nëbë́tsinuaxa banaia cuan, piti ñu cupíira ꞌaían ësai quia: —Achúshi nëtën ñu mëëtancëxun bicë curíquinën camina achúshi kiloishi trigo biti ꞌain. A biquinma camina rabë́ ꞌimainun achúshi kilo cebada biti ꞌain. Usa ꞌaínbi ca i bimin xëni ꞌimainun vinoribi aín cupí usabi ꞌiti ꞌicën.

Apocalipsis 7:11

A unicamaxa quicëbë ca camabi ángelcaman, anu ꞌApuira tsóti anua Nucën Papa Dios ꞌicë, ꞌimainun mëcën rabë́ ꞌimainun taë rabë́ ꞌimainun rabë́ ꞌimainun rabë́ caniacëcë unicama, ꞌimainun axa ꞌitsaira bëruñu rabë́ ꞌimainun rabë́ ñu, axribia bamatimoi tsócë, acama nëbë́tsioraxa. Nëbë́tsioraquin ca anua ax ꞌicë anuax rantin puruni, meu bësuquin, Nucën Papa Dios rabiaxa.

Apocalipsis 7:15

Usa ꞌaish ca anua Nucën Papa Dios ꞌicë anubi ꞌicën. Anuxun ca nëtë́nbi, imë́bi rabiquin, ax cuëëncësabi oquin a ñu ꞌaxunia. Usoia ca Nucën Papa Dios ax ꞌApuira ꞌaish cushi ꞌixun, acama ënquinma bërúanti ꞌicën.