Apocalipsis 4:7 - Kashibo-Kakataibo Biblia

⁷ A ñu achúshi ca paru ꞌinúansa ꞌiaxa, bëtsix ca vaca bënësa ꞌiaxa, bëtsix ca unin bëmánan iscësa ꞌiaxa, bëtsix ca tëtëcamëꞌëo nuania iscësa ꞌiaxa.

Nukën 'Ibu Diosan ain unikama 'inan ain bana

⁷ A ñu achúshi ca paru 'inúansa 'iaxa, bëtsix ca vaca bënësa 'iaxa, bëtsix ca unin bëmánan iscësa 'iaxa, bëtsix ca tëtëcamë'ëo nuania iscësa 'iaxa.

Apocalipsis 4:7 ပူးပေါင်းရင်းမြစ်များ

Génesis 49:9

Judá mix kamina ꞌën bakë bëchikë ꞌain. Usa ꞌaish kamina achúshi ꞌinuánën tuá bërí kanikënëan ꞌain piti ñuina bixun bënë́kinshi tëtúbuxun pitankëx menu rakábukë usaribi ꞌain, usai ꞌi kamina ꞌinuán aín titaxa ꞌikësaribiti ꞌiti ꞌain ¿Uin kara usaími ꞌia mi ubioti kuëënti ꞌik?

2 Samuel 1:23

Saúl ꞌimainun Jonatán ax ka kamabi israel unikaman axa upí uni ꞌikë nuibakë ꞌiakëxa, ꞌianan ka tsókëpan ꞌaish ꞌiásabi ñuaxi atubë ënanankëma ꞌikën. ¡Ax ka tëtëkamë ꞌëo nuankësamaira ꞌianan! ¡Paru ꞌinuán kushisamaira ꞌiakëxa!

Isaías 40:31

ꞌaínbi ka axa Nukën ꞌIbumi katamëkë: unikama ax kuni kushiñumasa ꞌima abi kushiakëkiani; tëtëkamë ꞌëo nuani nikë usai nitsi abatibi atsantima ꞌikën ꞌimainun ka usai nitsibi atsantima ꞌikën.

Ezequiel 1:10

ꞌIanan ka aín bëmánankamax rabë́ ꞌimainun rabë́ unin bëmánansa ꞌiakëxa: usa ꞌain ka aín bëmanaira ax unin bëmánansa ꞌiakëxa; ꞌianan ka aín mëkeu ꞌikë aín bëmánan ax paru ꞌinúan bëmánansa ꞌiakëxa; ꞌimainun ka aín mëmiu ꞌikë ax vaca bënën bëmánansa ꞌiakëxa; ꞌianan ka aín kaxú ꞌikë ax tëtëkamë ꞌëo bëmánansa ꞌiakëxa.

Ezequiel 1:8

ꞌIanan ka rabë́ ꞌimainun rabë́ bëmánañu ꞌianan rabë́ ꞌimainun rabë́ pëchiñu, ꞌaish a ñukamax, unin mëkënsa, rabë́ ꞌimainun rabë́ amokamanu aín pëchi shimú ꞌiakëxa. Usa ꞌain ka aín pëchikaman bëtsibë bëtsibë pëntikanankë ꞌiakëxa, usai ꞌika kuainakëtima puntëishi kuani kuankëxa.

Daniel 7:4

Usai ꞌi ka anpan chikíkë ax paru ꞌinúansa ꞌiaxa, ꞌaíshbi ka tëtëkamë ꞌëon pëchisa ꞌiaxa. Usa ꞌaíshbi ka aín pëchikama ëchikicëbë, menuax nirui aín taë kaxú ꞌikëkama ami tatíki niruaxa, usai ꞌikëbë ka aín sinánkëkama ax unin sinánsaribi ꞌiaxa.

Números 23:24

A unikamax ka paru ꞌinuánëxa aín piti ñuina binuxun bari rakábutima nikë usaribi ꞌikën. Usa ꞌixun ka usaribikin Israel unikaman abë ꞌakanankin bëtsi unikama ꞌaia.

Números 24:9

Ax tanti rakábukë ka paru inuán tanti rakábukë usaribi ꞌiti ꞌikën: usa ꞌikë ka uínbi atu an ꞌakaskëxuma ubíotima ꞌikën. ¡Chúamarua ka uikaman kara atu nuibatia akamax ꞌiti ꞌikën, ꞌimainun kara uin atu uxkë ubioti kuëënti ꞌit! ¡Uin kara mitsu nuibatia ax ka chuámarua ꞌianan upíokin sinánxunkë ꞌiti ꞌikën, ꞌimainun ka uin kara mitsu ꞌatima oia axribi ꞌatima okë ꞌiti ꞌikën!

1 Corintios 14:20

ꞌËn xucë́antu, tuáratsunën sináncësa oquin camina sinántima ꞌain. Ñu ꞌatima ꞌati ꞌunáncëma ꞌaísha tuáratsu ꞌicësaribiti camina ꞌiti ꞌain. ꞌIananbi camina bëtsi ñucama sinánquin uni apanën upí oquin sináncësabi oquin sinánti ꞌain.

Apocalipsis 4:6

Anua Nucën Papa Dios ꞌicë a bëmánon ca parúnpapa upí, bëxnan bëxnánquicë iscësa ꞌaíshbi ꞌunpáxma ꞌiaxa. Anua Nucën Papa Dios ꞌicë a nëbë́tsi ꞌianan a nëbë́tsioracë ca ꞌitsaira bëruñu rabë́ ꞌimainun rabë́ ñu, axa bamatimoi tsócë, axribi ꞌiaxa. Aín bëmánon ꞌitsaira bëruñu ꞌianan ca aín caxumiribi a ñu ꞌitsaira bëruñu ꞌiaxa.

Apocalipsis 6:3

Usai ꞌicëbëtan ca Carnero ꞌicësaribitia unin ꞌucha cupí bama, an anúan quirica tacáshcacë ñu itsi pëóshaxa. Pëóshcëbëtan cana ꞌitsa bëruñu rabë́ ꞌimainun rabë́ ñu, axribia bamatimoi tsócë, acama itsíxa —ca chiquiti ut —quia cuatëcëan.

Apocalipsis 6:5

Usai ꞌicëbëtan ca Carnero ꞌicësaribitia unin ꞌucha cupí bama, an anúan quirica tacáshcacë ñu itsi pëóshaxa. Pëóshcëbëtan cana ꞌitsa bëruñu rabë́ ꞌimainun rabë́ ñu, axribia bamatimoi tsócë, acama itsíxa —ca chiquiti ut —quia cuatëcëan. Cuaquin isquin cana caballo tunan chiquitia isan. ꞌËn iscëxun ca anu tsócë unin, piti ñua ꞌitsairama ꞌain, anun ñu ꞌië tupúnti tuíanxa.

Apocalipsis 6:7

Usai ꞌicëbëtan ca Carnero ꞌicësaribitia unin ꞌucha cupí bama, an anúan quirica tacáshcacë ñu itsi pëóshaxa. Pëóshcëbëtan cana ꞌitsa bëruñu rabë́ ꞌimainun rabë́ ñu, axribia bamatimoi tsócë, acama itsíxa —ca chiquiti ut —quia cuatëcëan.