Apocalipsis 4:10 - Kashibo-Kakataibo Biblia

¹⁰ ca mëcën rabë́ ꞌimainun taë rabë́ ꞌimainun rabë́ ꞌimainun rabë́ a caniacëcë unicama an axa xënibua ꞌaínbi bamatimoi tsócë Nucën Papa Dios ami bësui, rantin puruni tsóbuquin a rabiia. Rabiquin ca curi ꞌacë mañuti atúan mañucë Nucën Papa Dios ꞌinánquin anua ax ꞌicë aín bëmánon nanquin rabiquin ësaquin caia:

Nukën 'Ibu Diosan ain unikama 'inan ain bana

¹⁰ ca mëcën rabë́ 'imainun taë rabë́ 'imainun rabë́ 'imainun rabë́ a caniacëcë unicama an axa xënibua 'aínbi bamatimoi tsócë Nucën Papa Dios ami bësui, rantin puruni tsóbuquin a rabiia. Rabiquin ca curi 'acë mañuti atúan mañucë Nucën Papa Dios 'inánquin anua ax 'icë aín bëmánon nanquin rabiquin ësaquin caia:

Apocalipsis 4:10 ပူးပေါင်းရင်းမြစ်များ

Job 1:20

Usakian kakëx ka Job anua ꞌikë anuax ratuti ꞌitsaira a bana kuati anun paëi niruakëxa, niruxun ka aín tari nitë́xëkin tukakëxa, usokin ꞌanan ka ain bu tëai maxkutankëx Dios rabia ꞌikësabi masá nuituti memi bëtiki ꞌiakëxa.

Salmos 115:1

Nukën ꞌIbu Dios nukamax kananuna rabikë ꞌitima ꞌain min anëx kuni ka rabikë ꞌiti ꞌikën, usa ꞌain kananuna nux rabikë ꞌitima ꞌain; ¡Mix kamina nuibanankëira ꞌianan asérabi min ñu ꞌakë a kupín rabikë ꞌiti ꞌain!

Salmos 47:8

¡Dios ax ka kamabi menu ꞌikë unikaman ꞌapuira ꞌapu ꞌikën! ¡Usa ꞌaish ka Dios ax anua tsókë upíira anu tsótaxa!

Salmos 72:11

¡Kamabi menu ꞌikë ꞌapukamax ka, an ismainunbi menu rantinpuruni tsóbuti ꞌikën! ¡Kamabi menu ꞌikë unikaman ka an kakësabiokin aín bana tankin ñu ꞌati ꞌikën!

Salmos 95:6

Usa ꞌain kananuna rantinpuruni ꞌikin a rabiti ukanti ꞌain; a rabi kananuna Diosan ismainunbi rantinpuruni ꞌiti ꞌain, an ka nuribi uniokëxa.

Isaías 6:1

A baritian ꞌapu Ozías ñukë anun kana Dios anua tsókë manainra anuxunbia; aín chupa kuëxitan anun anuxun a rabiti xubu a mapukë isan.

Daniel 4:34

Anun ꞌëx usai ꞌiti nëtë a sënë́nkëbëtan kana ꞌëx Nabucodonosor ꞌixun naímiu bësukin isan, iskin kana ꞌën sinan bëtsikë a mëníokakin asábi tan; usai ꞌikin kana Dios manámi ꞌikë a asabika kixun sinánxunkin rabian, ax ka nëtë́tima oi tsotia, aín kushix ka këñutima oi ꞌiti ꞌikën, ax ka kamabi nëtën xënibua ꞌaínbi ꞌiti ꞌikën.

Mateo 2:11

Cuanx a manámia ꞌispa niracëcë xubu anu atsínxun ca anua a tuá Jesús aín tita Maríabë ꞌicë mëracëxa. Mërai rantin puruni tsóbuquin ca Jesús rabiacëxa. Rabiquin ca atun bunánti bacáxun anua buáncë curi ꞌimainun tsëpasa ñu ꞌaíshbi nëëncëx sanuira a ꞌimainun i baca sanuira acama ꞌináncëxa.

Lucas 24:52

Cuania rabitancëx ca chuámashi tani cuëënquiani Jerusalénu cuantëcëancëxa.

1 Corintios 15:10

Nucën Papa Diosan nuibaquin ꞌimicëx cana ꞌëx bëráma ꞌiásama ꞌain. Ñancáma ca ꞌë aín uni ꞌimiacëxa. ꞌImicëxun cana aín ꞌunánmicë unicaman ꞌacësamaira oquin a ñuiquin unicama ñuixuan. Ñuixunquinbi cana ꞌënbi ꞌacëma ꞌain, Nucën Papa Diosan aín cushin ꞌamicëxuinshi cana ꞌan.

Deuteronomio 32:40

ꞌËn kana naími okin ꞌën mëkën chaioruin, usa ꞌaish kana asérabi ësai kin: ꞌëx kana uínsaran nëtënbi këñútimoi tsotin usa ꞌaish kana asérabi kin

Apocalipsis 10:6

Manámi oquin ca caxa: —Axa bamatimoi tsócë, an naí, me, parúnpapa, acama ꞌimainun anu ꞌicë ñucamaribi unio Nucën Papa Dios, an cuamainun cana cain: Ax quiasabi oi ca bërí ꞌiti ꞌicën.

Apocalipsis 11:16

Usai banacëbë ca caniacëcë unicama mëcën rabë́ ꞌimainun taë rabë́ ꞌimainun rabë́ ꞌimainun rabë́, axa anu Nucën Papa Dios ꞌicë, a bëmánon tsócë, acaman rantin puruni racábuti meu bësuquin Nucën Papa Dios rabiaxa.

Apocalipsis 15:4

Nucën ꞌIbu Dios, ¿uix cara mimi racuë́tima ꞌic? ¿Uin cara mi rabitima ꞌic? Mixëshi camina upíira upí sinánñu ꞌain. Mix upí sinánñu ꞌixun ñu upíshi ꞌaia iscë ꞌixun ca camabi menu ꞌicë unicaman mimi sinánquin mi rabiti ꞌicën.

Apocalipsis 15:7

Usa ꞌain ca ángelcama chiquitia axa ꞌitsa bëruñu rabë́ ꞌimainun rabë́ ñu acama achúshinën a ángelcama achúshi achúshi, xanpa curi ꞌacë ꞌinánxa. A xanpacamanu ca axa bamatimoi tsócë Nucën Papa Diosan, anun atumi nishquin an ꞌatima ñu ꞌacë unicama castícanti ñu ꞌiaxa.

Apocalipsis 19:4

Usai ꞌimainun ca mëcën rabë́ ꞌimainun taë rabë́ ꞌimainun rabë́ ꞌimainun rabë́ caniacëcë unicama ꞌimainun axa ꞌitsa bëruñu rabë́ ꞌimainun rabë́ ñu, axribia bamatimoi tsócë, acaman ca aín bëmánon meu bësuquin Nucën Papa Dios, ꞌApuira, a rabi cuëënquin caxa: —Usai ca ꞌiti ꞌicën. Miishi cananuna munuma banaquin rabin.

Apocalipsis 4:2

Cacëxunshi Nucën Papa Diosan Bëru Ñunshin Upitan ꞌimicëxun cana ꞌuxúnmabi namácësa oquin naicamëꞌëonua anu tsóti upíira upí anu ꞌApuira tsóti, a isan. Isanan cana axa anu tsócë Nucën Papa Dios aribi isan.

Apocalipsis 4:4

Anu ax tsócë aribi nëbë́tsioracë ca mëcën rabë́ ꞌimainun taë rabë́ ꞌimainun rabë́ ꞌimainun rabë́ anu tsóti itsi ꞌiaxa. Axa a anu tsótinu tsócëcamax ca mëcën rabë́ ꞌimainun taë rabë́ ꞌimainun rabë́ ꞌimainun rabë́ caniacëcë unicama ꞌiaxa. Acamax ca aín chupa uxua ꞌianan curi ꞌacë mañuti mañucë ꞌiaxa.

Apocalipsis 4:9

Usaquian ꞌitsa bëruñu ñu an Nucën Papa Dios, axa anu ꞌApuira tsóti, anu ꞌianan bamatimoi tsócë, a nëtë́timoquin rabianan —ca asábi ꞌicë —quixun cacëbëtan cacëbëtan,

Apocalipsis 5:14

Usaía cantaia ca ꞌitsa bëruñu rabë́ ꞌimainun rabë́ ñu, axribia bamatimoi tsócë, acaman —usai ca ꞌiti ꞌicë —quixun caxa. Cacëbë rantin purúnquin ca a caniacëcë unicamanribi axa bamatimoi tsócë a rabiaxa.

Apocalipsis 5:8

Bicëbë ca ꞌitsa bëruñu rabë́ ꞌimainun rabë́ ñu, axribia bamatimoi tsócë, acama ꞌimainun mëcën rabë́ ꞌimainun taë rabë́ ꞌimainun rabë́ ꞌimainun rabë́ caniacëcë unicamaribi, Carnero ꞌicësaribitia unin ꞌucha cupí bama ami bësucë ꞌaish a rabi rantin purúanxa. A caniacëcë unicaman ca arpa cacë ñu a ꞌai cuëëni cantati, a ꞌimainun curi ꞌacë manë xanpa anua sanutanun nëënti tsëpasa ñu ꞌicë, acama tuíanxa. A xanpanuax cuin tëxë́quianxa ꞌirucë, ax ca aín unicaman Nucën Papa Dios rabianan ñucácë banacama a ꞌiaxa.

Apocalipsis 7:11

A unicamaxa quicëbë ca camabi ángelcaman, anu ꞌApuira tsóti anua Nucën Papa Dios ꞌicë, ꞌimainun mëcën rabë́ ꞌimainun taë rabë́ ꞌimainun rabë́ ꞌimainun rabë́ caniacëcë unicama, ꞌimainun axa ꞌitsaira bëruñu rabë́ ꞌimainun rabë́ ñu, axribia bamatimoi tsócë, acama nëbë́tsioraxa. Nëbë́tsioraquin ca anua ax ꞌicë anuax rantin puruni, meu bësuquin, Nucën Papa Dios rabiaxa.