Apocalipsis 3:3 - Kashibo-Kakataibo Biblia

³ Usoquin ꞌaquin camina mitsua ꞌën sinánmicëxun ꞌën unicaman ñuixuncë bana a sinánti ꞌain. A sinánquin camina a bana quicësabi oquin ꞌanan sinanaquin mitsun ñu ꞌatima ꞌacëcama ënti ꞌain. Usai ꞌicëbëma cana an ñu mëcamacë uníxa, unin sináncëbëmabi ucësaribicuatsini, ꞌëx mitsun ꞌunáncëma nëtën uisoquin carana ꞌati ꞌai usoquin mitsu ꞌai uti ꞌain.

Nukën 'Ibu Diosan ain unikama 'inan ain bana

³ Usoquin 'aquin camina mitsua 'ën sinánmicëxun 'ën unicaman ñuixuncë bana a sinánti 'ain. A sinánquin camina a bana quicësabi oquin 'anan sinanaquin mitsun ñu 'atima 'acëcama ënti 'ain. Usai 'icëbëma cana an ñu mëcamacë uníxa, unin sináncëbëmabi ucësaribicuatsini, 'ëx mitsun 'unáncëma nëtën uisoquin carana 'ati 'ai usoquin mitsu 'ai uti 'ain.

Apocalipsis 3:3 ပူးပေါင်းရင်းမြစ်များ

Ezequiel 36:31

ꞌImainun ka uínsaran kara atux ꞌatimati tsóanan ñu ꞌatima ꞌai, ꞌuchaxa akama sinania anun rabinkanti ꞌikën, usai ꞌikin ka ꞌatimai ñu ꞌai ꞌuchai tsókë a sinánkanti ꞌikën.

Mateo 25:13

Usaquin catancëxun ca Jesusan cacëxa: —Mitsúnribi camina añu nëtë́inra ꞌianan uínsaran carana ꞌëx utëcënti ꞌai quixun ꞌunánquinmabi —ca uti ꞌicë —quixun sinani cuëënquin ꞌëx uti caínti ꞌain.

Marcos 13:33

Mitsun uínsaran carana uti ꞌai quixun ꞌunáncëma ꞌaish camina camabi nëtën ꞌën uni ꞌaish ꞌëmi sinánquin ꞌëx uti caínti ꞌain.

Marcos 13:36

uquin atuna ꞌëmi manúcë mitsu mërain, usa ꞌain.

1 Tesalonicenses 5:2

Mitsun camina upí oquin ꞌunanin, unían sinánmabia an ñu mëcamacë uni imë́ ucësa usaribi ca anúan Nucën ꞌIbu Jesucristo uti nëtë ꞌiti ꞌicën.

1 Timoteo 6:20

Timoteo, cana mi cain, bana itsi ñuixunquinma camina Jesucristo ñuicë banaishi bëtsi oquinma unicama ñuixunti ꞌain. Jesucristo ñui quicë bana isa quixunbi ca bëtsi bëtsi unin asérabi a bana quicësa oquin ñuixunquinma bëtsi bana ñuia. A banax ca an ñu ꞌunáncë unicaman asérabi isa quixun ñuicë ꞌaíshbi ñancáishi ꞌicën. A bana camina cuatima ꞌain.

2 Timoteo 1:13

ꞌËn mi ñuixuncë banacama quicësabi oquin camina manuquinma ꞌati ꞌain. ꞌAnan camina ainan ꞌicëa Cristo Jesusan mibë ꞌixun cushiocëx ami catamëti camabi uni nuibacë ꞌiti ꞌain.

Hebreos 2:1

Usa ꞌain cananuna Nucën Papa Diosan Bëchicë ñui quicë bana a upí oquinra bëmë́quin cuati ꞌain, a bana manuquinma ax quicësabi oquin ꞌanuxun.

2 Pedro 1:13

Nucën ꞌIbu Jesucristonën ꞌunánmicëxun cana ꞌunanin, ꞌën bamati nëtë ca ꞌurama ꞌicë quixun. Usa ꞌain ca ꞌën sináncëx bamaquin ënë nëtë ëncëma pan ꞌixuinshi ënë ñucama ꞌën mitsu sinánmitëcënti asábi ꞌicën.

2 Pedro 3:1

ꞌËn nuibacë xucë́antu, bëtsi quirica pan buánmixunbi cana ënë quiricaribi mitsu buánmin. Quirica buánmiquin cana asérabi Jesucristomi sináncë ꞌixunmi aín banacama manuquinma upí oquin sinánun mitsu ꞌësëan.

2 Pedro 3:10

Usaquin caíntancëx ca unin sinánmabi, an ñu mëcamacë uni imë́ ucë usaribiti unían sinánmabi Jesucristo uti ꞌicën. A nëtë ucëbë ca canacamëꞌëo ꞌicësaía anuax banacëbë naíu ꞌicë ꞌuxë, bari, ꞌispa acama, manë tsin cëñumainun anu ax ꞌiti ꞌaíma ꞌiti ꞌicën. Usaribiquin ca camabi mecëñun anua ꞌicë ñucamaribi tsin cëñuti ꞌicën.

Apocalipsis 16:15

“Ësai ca ꞌiti ꞌicën: An ñu mëcamacë uníxa unin sináncëma ꞌaínbi ꞌicësaribicuatsini cana ꞌëx uti ꞌain. ꞌËx ucëbë ca an upí ñu ꞌaquin ꞌëx uti caíncë uni, ax cuëënti ꞌicën. Ax ca chupa upí pañucësa ꞌaish rabíntima ꞌicën. Usa ꞌaish ca chupañuma ꞌicëa uni raírinën iscë́xa uni rabíncësaribi ꞌitima ꞌicën”.

Apocalipsis 2:25

ꞌËx utëcëntámainun camina usabii ꞌiti ꞌain.

Apocalipsis 2:5

Usa ꞌain camina uisairai caramina ꞌëmi sináancë quixun sinani usai ꞌëmi sinántëcënux ꞌëmi sinanatëcënti ꞌain. Usai ꞌëmi sinanaquin camina mitsúnmi ꞌëmi sinánquin ꞌëx cuëëncësabi oquin ꞌásabi oquin ꞌatëcënti ꞌain. Usai mitsux ꞌëmi sinanacëbëtanma cana a anu lamparín nanti mitsu ꞌunántioquin nancë, a raíri ꞌura ꞌinun nanti ꞌain.

Apocalipsis 22:7

Xënibucëma ꞌaínshi cana uti ꞌain. An, ënë bana quicësabi oi ca asérabi ꞌiti ꞌicë quixun sinánquin a bana cuacë unicama, ax ca cuëëinra cuëënti ꞌicën.

Apocalipsis 3:11

Xënibucëma ꞌaínshi cana utëcënti ꞌain. ꞌËx umainun min ꞌacësabi oquin ꞌëmi sinánti ënquinma ꞌën mitsu cacë bana ꞌacë ꞌaish camina ꞌëbë ꞌën nëtënu ꞌi cuëënti ꞌain. Usai ꞌimi ꞌiti cupí camina unían mitsu sinanaminun ꞌamitima ꞌain.

Apocalipsis 3:19

Uicama carana nuibatin, acama cana ñu ꞌatima ꞌatëcënxunma ꞌanun ꞌësëanan uisoquin carana ꞌati ꞌai usoquin ꞌain. Usoquin ꞌën ꞌacëxmashi camina sinanati ꞌëx cuëëncësabi oi asérabi ꞌiti ꞌain.

Apocalipsis 3:2

Mitsux axa ꞌuxcë unisa ꞌaíshbi camina bësucësa ꞌiti ꞌain. ꞌËn iscëxun ca mitsúnmi ꞌacë ñucama ꞌën Papa Diosan upí isima. Usa ꞌain camina mitsúnmi bërí ꞌacë ñu axribia an iscëx ꞌaisama ꞌitin rabanan, upí oquin sinánquin ax cuëëncësabi oquin ꞌati ꞌain.