Apocalipsis 22:20 - Kashibo-Kakataibo Biblia

²⁰ An ënë ñucama ꞌë ismicë, an ca ꞌë caia: —Cana bënëtishi utëcënti ꞌain. Cacëxun cana cuëëinra cuëënquin —asábi ca, usai ca ꞌiti ꞌicën, ca ut —quixun, Nucën ꞌIbu Jesús cain.

Nukën 'Ibu Diosan ain unikama 'inan ain bana

²⁰ An ënë ñucama 'ë ismicë, an ca 'ë caia: —Cana bënëtishi utëcënti 'ain. Cacëxun cana cuëëinra cuëënquin —asábi ca, usai ca 'iti 'icën, ca ut —quixun, Nucën 'Ibu Jesús cain.

Apocalipsis 22:20 ပူးပေါင်းရင်းမြစ်များ

Juan 21:25

ꞌËn mitsu ñuixuncë bana ënë ꞌimainun ca bëtsi ñucamaribi Jesusan ꞌacëxa. A ñucama ñuiquin achúshi achúshi cuënëocëxbi ca a quirica camabi menu sënë́ntima ꞌicën. Ashi.

1 Corintios 16:22

Ui unin cara Nucën ꞌIbu Jesucristo sinaníma ax ca Nucën Papa Diosan iscëx ꞌaisama ꞌicën. Nucën ꞌIbu Jesucristo axa uti cana ꞌëx cuëënin.

2 Timoteo 4:8

Usa ꞌixun cana Nucën ꞌIbu Jesucristonën utancëxun, upí oquin ax cuëëncësabi oquin ꞌën ꞌacë cupí cara uisaira ꞌë ꞌimiti ꞌicë quixun isti ꞌain. An ca asérabi aín quicësabi oquin ꞌati ꞌicën. Usa ꞌixun ca ꞌëishima, an axa uti cuëënquin caíncë unicamaribi, utancëxun uisaira oquin cara aturibi ꞌimiti ꞌicë usoquin ꞌimiti ꞌicën.

Hebreos 10:37

Ësai ca Nucën Papa Diosan bana cuënëo quia: Xënibutíma ca ax bënëtishi uti ꞌicën. A nun caíncë ax ca nëtë́butima uti ꞌicën.

Hebreos 9:28

Usaribiti ca Cristo ënë menuax achúshitishi bamacëxa. Ax ꞌuchañuma ꞌaíshbi ca camabi unin ꞌucha ainansa ꞌaish tërë́ncë ꞌinun bamacëxa. Bamatancëx baísquitancëx ca aín Papa Diosnu cuan ꞌaish amiribishi ënë nëtënu utëcënti ꞌicën. Camabi unin ꞌucha cupí bamatëcëni aima ca an aín uti caíncë unicama abëa ꞌinun bitsi utëcënuxun ꞌaia.

Apocalipsis 1:18

ꞌËx cana axa bamatimoi tsócë a ꞌain. Bamatancëx baísquia ꞌaish cana bamatëcëntimoi tsotin. Ui unicamax cara uiti nëtën tsóti ꞌicë, uisa nëtën cara bamati ꞌicë quixun cana ꞌën mëníoin. Bamatancëx cara aín ꞌucha cupí anuax uni tëmëracë anu cuanti ꞌicë, cara anua aín ꞌucha tërë́ncë uni ꞌicë anu cuanti ꞌicë quixun cana mëníoin.

Apocalipsis 1:2

Xucëxuan ismicëxun ca Juanën uisa ñu cara isaxa quixun cëmëquinma a ñucama cuënëoxa. Usaquin ca Juanën Nucën Papa Dios quicësabi oquian Jesucristonën a ismianan a ñuiquin cacë banacama cuënëoxa.

Apocalipsis 2:16

Usaquin ꞌaquinbi camina sinanaquin acama ënti ꞌain. Usaquinmi ëncëbëtanma cana xënibuiracëma ꞌaínshi mitsunu cuanquin, manë xëtocë ꞌën cuëbínuax chiquícë, anun usa unicama ꞌatimoti ꞌain.

Apocalipsis 22:10

Usaquin catancëxun ca ësaquinribi ꞌë caxa: —Ënë quiricanu cuënëocë ñucama camina unpuquinma chanioquin ñuiti ꞌain, camabi unían ꞌunánun, anun ënë ñucama ꞌiti nëtë ca ꞌurama ꞌicë, usa ꞌain.

Apocalipsis 22:12

Xënibucëma ꞌain cana uti ꞌain. Uquin cana an ñu upí ꞌacë ꞌën unicama uisoquin cara ñucama ꞌaxa, usaribi oquin cupíoquin cuëënun ꞌimiti ꞌain.

Apocalipsis 22:18

An ënë quiricanu cuënëocë bana iscë unicama cana ësaquin cain: —An ënë banacama isquinbi ax quicësama oquin bëtsi banacëñun mëscuquin ñuixuncë, a ca Nucën Papa Diosan ënë quiricanu cuënëocë banacamaxa uni tëmëramiti quicësabi oquin tëmëramiti ꞌicën.

Apocalipsis 22:7

Xënibucëma ꞌaínshi cana uti ꞌain. An, ënë bana quicësabi oi ca asérabi ꞌiti ꞌicë quixun sinánquin a bana cuacë unicama, ax ca cuëëinra cuëënti ꞌicën.