Apocalipsis 22:15 - Kashibo-Kakataibo Biblia

¹⁵ Usa ꞌaínbi ca ꞌaisama unicamax a ëma ëmáinshi ꞌiti ꞌicën. An ñu ꞌaisama sináncë unicama, an ñu xëacë ñubë́ unicama, aín xanuma ꞌicëbi bëtsi xanu cuëëncë unicama, aín bënëma ꞌicëbi bëtsi uni cuëëncë xanucama, an uni ꞌacë unicama, an Nucën Papa Diosmabi bëtsi ñu rabicë unicama, axa uni paránti cuëëni cëmëcë unicama, acamax ca a ëmanu atsíntima ꞌicën. Ca ëmáinshi ꞌiti ꞌicën.

Nukën 'Ibu Diosan ain unikama 'inan ain bana

¹⁵ Usa 'aínbi ca 'aisama unicamax a ëma ëmáinshi 'iti 'icën. An ñu 'aisama sináncë unicama, an ñu xëacë ñubë́ unicama, aín xanuma 'icëbi bëtsi xanu cuëëncë unicama, aín bënëma 'icëbi bëtsi uni cuëëncë xanucama, an uni 'acë unicama, an Nucën Papa Diosmabi bëtsi ñu rabicë unicama, axa uni paránti cuëëni cëmëcë unicama, acamax ca a ëmanu atsíntima 'icën. Ca ëmáinshi 'iti 'icën.

Apocalipsis 22:15 ပူးပေါင်းရင်းမြစ်များ

1 Reyes 22:8

Kixun kakëxun ka Israel kaman ꞌapun Josafat kakëxa: —Anu ka achúshi aribi uisai kara Nukën ꞌIbu kia ñukátisa ꞌikën. Ax ka Micaías Imlá aín bakë bëchikë ꞌikën. ꞌAínbi kana ꞌën a uni istisama tanin an ka uínsaranbi upí bana kakinma, ꞌatima bana ishi ñuikin ꞌë kaia. Kakëxunbi ka Josafatnën kakëxa: —Usai kamina banatima ꞌain.

Proverbios 7:27

Uinu ꞌikë unikamax kara aín xubunu atsínia, ax ka aín ñuti baria anu kuankë ꞌikën.

Malaquías 3:5

Ësai ka Dios kamabi kushiñuira ax kia: ꞌËx kana uisa ñukama kaina mitsun ꞌa kixun isi uti ꞌain. Isanan kana anuxuinshi an ñunshinan ꞌamikëxun ñu ꞌati sinánkë, an aín xanumabi bëtsi unin xanu aín nami ꞌakë, axa këmëi usai ka ñu ꞌiti ꞌikë kiax kikë ꞌimainun tëmixunbi an ñu mëëmikë unikama kupíokëma ꞌimainun, raëmëkë xanukamakëñun ꞌibuñumakë tuákama ꞌianan an bëtsi menu tsókë unikama ꞌatima okë ꞌimainun, an ꞌëmi rakuënkin ꞌëx kikësabiokin ꞌakëma akamaribi kana ꞌatima oti ꞌain.

Mateo 7:6

An Nucën Papa Dios timaquin aín bana cuaisama tancë uni camina ꞌën mitsu cacë banacama ñuixuntima ꞌain, ñuixuncëxbia atux Nucën Papa Dios ꞌusani ami ꞌatimati banai mitsumi nishquin mitsu ꞌatimoti rabanan. Usa unicamax ca an ñu upí pimicëxunbia uni ꞌuchítinën ami nishquin picësaribi ꞌicën. ꞌIanan ca unían aín cënënu niia cuchin ꞌaisamaira cupícë ñu a amáquin chuoórucësa ꞌicën.

Mateo 8:12

Usaía atux ꞌimainun ca judíos unicama axira Nucën Papa Diosan nëtënu ꞌiti ꞌaíshbi ꞌën bana cuaisama tancë, acamax ëman ꞌicë bëánquibucë anu ꞌiti ꞌicën. Anuax ca anu ꞌicë unicamabë tëmërai bënëti inti ꞌicën.

Juan 8:46

¿Uinu ꞌicë micaman caramina ꞌën isana ꞌatima ñu ꞌa quixun ñuiti ꞌain? Camina ꞌatima ꞌain. ¿Cëmëquinma ꞌën cacëxunbi caramina uisa cupí ꞌën banax ca asérabi ꞌicë quixun sinaniman?

Hechos 8:11

Usoquian ꞌitsa baritian an paráncë ꞌixun ca camabi unin aín bana cuacëxa.

Filipenses 3:2

An ñu ꞌaisamaishi ꞌati sináncë uni ꞌimainun axa ꞌatimati banacë unicama ꞌimainun an —Nucën Papa Diosan uni ꞌinux cananuna ꞌunántioracacë ꞌiti ꞌai —quixun sináncë uni, acaman mitsu cacësa oi ꞌitin rabanan camina bërúancati ꞌain.

Colosenses 3:6

Usai ꞌiia, ax cuëëncësabi oi ꞌiisama tancë unicama ca Nucën Papa Diosan uisa cara oti ꞌicë usoquin castícanti ꞌicën.

1 Timoteo 1:10

aín xanuma ꞌaínbi xanubë ꞌicë unicama, aín bënëma ꞌaínbi unibë ꞌicë xanucama, xanúxmabi unibë ꞌicë unicama, an ñu mëcamacë unicama, cëmëcë unicama, axa anun Nucën Papa Diosbë upí ꞌiti bana, ënë́xa quicë ñucama cuëëncëma unicama. Ësa ñu ꞌacë unicaman —usai ꞌiti ca ꞌaisama ꞌicë —quixun ꞌunánun ca Nucën Papa Diosan uni aín bana ꞌináncëxa.

Apocalipsis 21:27

Usa ꞌain ca anu ñu ꞌaisama ꞌitima ꞌicën, ui unix cara ꞌaisama ñu ꞌacë ꞌicë ꞌimainun ui unix cara cëmëia, usa unix ca anu ꞌitima ꞌicën. Ui unicamax cara Nucën Papa Diosan nëtënu ꞌitioquin aín anë Carnero ꞌicësaribitia unin ꞌucha cupí bama, aín quiricanu cuënëo ꞌicë, acamax cuni ca anu ꞌiti ꞌicën.

Apocalipsis 21:8

Usa ꞌaínbi ca racuë́quian an ꞌëmi sinánti ëncë unicama, ꞌimainun an ꞌëmi catamëcëma unicama, ꞌimainun an ñu ꞌatima ꞌacë unicama, ꞌimainun an uni ꞌacëcama, ꞌimainun aín xanuma ꞌicëbi bëtsi xanu cuëëncë unicama ꞌimainun aín bënëma ꞌicëbi bëtsi uni cuëëncë xanucama ꞌimainun ñu xëacë ñubë́ unicama ꞌimainun an Nucën Papa Diosmabi bëtsi ñu rabicë unicama ꞌimainun cëmë unicama, acamax anuaxa ꞌianëmëꞌëosa manë tsi azufrebë rëquirucë anu ꞌiti ꞌicën, anu bamatëcëncë ꞌaish chiquítimoi ꞌinux.