Apocalipsis 21:25 - Kashibo-Kakataibo Biblia

²⁵ A nëtënu ca baquish ꞌaíma ꞌiti ꞌicën. Usa ꞌaish ca a nëtënu ꞌicë aín xëpúti ax xënibua ꞌaínbi usabi xëocacë ꞌiti ꞌicën, a nëtëx ca baquishima, usa ꞌain.

Nukën 'Ibu Diosan ain unikama 'inan ain bana

²⁵ A nëtënu ca baquish 'aíma 'iti 'icën. Usa 'aish ca a nëtënu 'icë aín xëpúti ax xënibua 'aínbi usabi xëocacë 'iti 'icën, a nëtëx ca baquishima, usa 'ain.

Apocalipsis 21:25 ပူးပေါင်းရင်းမြစ်များ

Isaías 60:11

Jerusalén ëma kënëkë aín xëpútikama ax ka uínsaranbi xëpúkëma ꞌiti ꞌikën; usa ꞌain ka nëtë ꞌimainun ꞌimë́bi xëpúkëma xëókikë ꞌiti ꞌikën, usa ꞌain ka bëtsi bëtsi menu ꞌikë uni ñuñuirakama atun ñu buani atsínti ꞌikën, anun bëtsi bëtsi menu ꞌikë ꞌapukama aín unikamabë ꞌatsínti ꞌikën.

Isaías 60:20

An mi pë́kakë bari ax ka uínsaranbi ain pë́kakë nëtë́tima ꞌikë ꞌimainun ka ꞌuxën pë́kakë axribi nëtë́tima ꞌikën, ꞌëx min ꞌIbu ꞌaish kana an mi pë́kakë ꞌixun uínsaranbi nëtë́kinma pë́kati ꞌain; ꞌianan ka anun uni ñukëbë masá nuituti nëtëkama axribi nëtë́ti ꞌikën.

Apocalipsis 21:12

Anun cënëcë ax ca manáinra ꞌiaxa. ꞌImainun ca aín xëcuë anun atsínti mëcën rabë́ ꞌimainun rabë́ ꞌiaxa. A xëcuëcamanu ca mëcën rabë́ ꞌimainun rabë́ ángel, ax achúshi achúshitax nicë ꞌiaxa. A xëcuëcamanu cuënëocë ax ca Israelnën bëchicë, mëcën rabë́ ꞌimainun rabë́, aín anëcama ꞌiaxa.

Apocalipsis 21:15

Axa ꞌëbë banacë ángel ax ca curi ꞌacë tsatiñu ꞌiaxa, anúan a ëma tupúanan aín xëcuëcama tupúanan aín cënëcamaribi tupúnti.

Apocalipsis 21:23

A ëma ca Nucën Papa Diosanbi pëcaia. Carnero ꞌicësaribitia unin ꞌucha cupí bama, anribi ca a ëma pëcaia. Usa ꞌain ca baribëtan ꞌuxën a ëma pëcaima.

Apocalipsis 22:5

Anu ca bëánquicë ꞌaíma ꞌiti ꞌicën. Anuxun ca Nucën ꞌIbu Diosanbi a ëma pëcati ꞌicën. Usa ꞌain ca lamparín ꞌimainun barin pëcacë anu ꞌaíma ꞌiti ꞌicën. Nucën Papa Diosbë ca anuax aín unicama xënibua ꞌaínbi ꞌapu ꞌiti ꞌicën.