Apocalipsis 21:24 - Kashibo-Kakataibo Biblia

²⁴ Usaquin pëcacëx ca camabi menuaxa Nucën Papa Diosnan ꞌinux ië́cë unicama aín pëcacënu niti ꞌicën. ꞌImainun ca axa ië́cë ꞌapucamaxribi anu ꞌiti ꞌicën.

Nukën 'Ibu Diosan ain unikama 'inan ain bana

²⁴ Usaquin pëcacëx ca camabi menuaxa Nucën Papa Diosnan 'inux ië́cë unicama aín pëcacënu niti 'icën. 'Imainun ca axa ië́cë 'apucamaxribi anu 'iti 'icën.

Apocalipsis 21:24 ပူးပေါင်းရင်းမြစ်များ

Salmos 22:27

Kamabi ñakánu ꞌikë Israel unibu ꞌimainun, bëtsi nëtënu tsókë unikamanribi ka ami sinánkin Dios rabiti ꞌikën; ¡usakin ꞌai ka an ismainunbi rantinpuruni tsóbukanti ꞌikën!

Isaías 2:2

Nëtë xënibukëbë ka anúan ꞌiti nëtë ꞌikëbë anua Diosan xubu ꞌikë bashi ax bëtsi bashikamasamaira ꞌinuxun ꞌaia. Usa ꞌain ka a bashixa bëtsi bashikamasama ꞌain bëtsi menu ꞌikë kamabi unikamax anu uti ꞌikën;

Isaías 2:5

¡Usa ꞌain kamina ꞌën aintsi Israel unikama mitsun kuati ꞌain, Diosan nu ꞌunánmikësabi oi kananuna ami sinánishi tsóti achúshi tirítan nu pëkakësa ꞌinun añu karanuna ꞌati ꞌai kixun ꞌunánti ꞌain!

Isaías 49:23

ꞌApukaman ka kanioti atu biti ꞌikën, ꞌimainun ꞌapun xubunu ꞌikë xanu upíbu akamaxribi ka an tuá xukama bërúankë ꞌiti ꞌikën. Usakin ꞌai ka mitsu bëtánain ñanati ꞌikë ax mitsun kakësabi oi kananuna ꞌiti ꞌai kixun sinania ꞌikë ꞌiti ꞌikën. Usai ꞌikin ka ꞌëx kana Nukën ꞌIbu ꞌai kixun ꞌunánan, uix kara ꞌëmi katamëtia ax ka uínbi paránkëma ꞌiti ꞌikë kiax kiakëxa.”

Isaías 52:15

Usairibi ka kamabi menu ꞌikë unikama atúxribi ratuti ꞌikën; usai ꞌimainun ka ꞌapukamaxribi a isi uisa banarabi banatima ꞌikën, usai ꞌikin ka uinsaranbia unin ñuixuama ñu isti ꞌikën, ꞌimainun ka uinsaranbia kuama bana a kuati ꞌikën, kiax ka Dios kiakëxa.

Isaías 55:10

ꞌUí ꞌimainun nibí ax ka naíkamë ꞌëonuax ꞌibútankëx, me chaboima kuarutëkënkima me chabóia, usakin chabókëxa ñu bërukama komainun, a ꞌapátëkënti aín bimi biti axribi koia, komainun ka ꞌapáxun aín bimi piti akamaribi tuaia,

Isaías 55:5

Min kamina ëma ꞌunánkëma kamanua; ꞌikë an mi ꞌunánma ëmakamanua bënëkuatsinia ukanun kuëënti ꞌain, usokëx ka atux abákuatsini minu ꞌuti ꞌikën, ꞌëx min ꞌIbu ꞌianan Israel unikaman Dios upíira ꞌixun kana ꞌën mi uisakinbi katima ꞌimian.

Isaías 60:13

Nukën ꞌIbun ka Jerusalén ëmanu tsókë unikama ësokin kaxa: “Líbano menu ꞌikë unikaman ka anu ꞌikë ñu upíbu a mitsu bëxúnti ꞌikën, ax ka ꞌiti ꞌikën, pino kakë i ꞌimainun abeto kakë i ꞌimainun ciprese kakë i akaman anuxun ꞌë rabiti xubu ꞌupíira ꞌitánun mëníokin ꞌati ꞌikën, usakin ꞌaxun kamina anuxun ꞌë rabikanti ꞌain, ax ka ꞌëx anu ꞌikë xubu ꞌiti ꞌikën.

Isaías 60:16

Bëtsi bëtsi menu tsókë unikaman atun piti upíira a bëxun ꞌinámainun, ka ꞌapukamanribi ñu upíbu akama mitsu bëxúnti ꞌikën; bëxunkëxun kamina mitsun ꞌëx kana Nukën ꞌIbu a ꞌai kixun ꞌunánkanti ꞌain, ꞌunánan ka ꞌëx kushiira ꞌixun kana Israel unikama ië́mikin bitëkëa kixun ꞌunánkanti ꞌikën.

Romanos 15:16

aín bana judíosma unibu ñuixunun quixun ꞌë cacëxa. Nucën Papa Diosan ca axa Jesucristomi catamëcë unicama ainan ꞌinun ië́mia quixun judíosma uniburibi ꞌunánminun ca an ꞌë ꞌimiacëxa. Nucën Papa Diosan ꞌë usaquin ꞌanun casabi oquin cana judíosma unicama, mitsuribi a bana ñuixunin, aín Bëru Ñunshin Upitan sinánmicëxunmi upiti ami catamëquin a rabinun.

Romanos 15:26

A curíqui ca Macedonia ꞌimainun Acaya nëtënuaxa ax Jesucristomi catamëcë unicaman Jerusalénu ꞌicë ñuñuma unicama a buánmiti timëaxa.

Deuteronomio 32:43

Usa ꞌain ka Moisés Nukën ꞌIbu rabi kantatankëx sënënishi ësai ki kantakëxa: ¡Kamabi menu ꞌikë unikamaxribi ka Diosan kaískë ꞌaíshmabi aín unikamabë a rabi kantai kuëënti ꞌikën! ¡Usa ꞌain ka Diosan aín unikama an ꞌakë uni a ꞌanan, ain ëmanubi tsókë aín uni Israelkama nuibakin ꞌakinti ꞌikën usakin ꞌakin ka axa aín unikamami nishkë unikamaribi ꞌati ꞌikën!

Apocalipsis 21:26

Aín tucuricu unicamaribi Jesucristonan ꞌaish ca anu ꞌiti ꞌicën.

Apocalipsis 22:2

A bacax ca a ëmanu ꞌicë bai cha anúnbi xobucë ꞌiaxa. A bacax ca ꞌunpax ꞌaíshbi Nucën Papa Diosan cushi anúan uni bamatimoi tsóti, a ꞌiaxa. A baca aín cuëbí rabë́ amo anu ca i achúshi ꞌiaxa. Camabi baritian ca a in mëcën rabë́ ꞌimainun rabë́ oquin tuaxa, ꞌuxë camabi. A bimix i bimisa ꞌaíshbi ca ax anúan uni bamatimoi tsóti, a ꞌiaxa. A i pëchix ca camabi menuax ucë uníxa anun ꞌinsíntëcëntimoi bucuti a ꞌiaxa.