Apocalipsis 2:7 - Kashibo-Kakataibo Biblia

⁷ An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana, ënë aín nuitunënbi sinánquin upí oquin cuati ꞌicën. An ꞌëmi catamëquin ꞌëx cuëëncësabi oi ꞌiti ëncëma uni, a cana Nucën Papa Diosan nëtënu ꞌicë i, aín bimi a cüax bamatima, a cunun ꞌinánti ꞌain.

Nukën 'Ibu Diosan ain unikama 'inan ain bana

⁷ An cuaisa tancë unicaman ca axa 'ëmi catamëcë unicama Nucën Papa Diosan Bëru Ñunshin Upitan 'ináncë bana, ënë aín nuitunënbi sinánquin upí oquin cuati 'icën. An 'ëmi catamëquin 'ëx cuëëncësabi oi 'iti ëncëma uni, a cana Nucën Papa Diosan nëtënu 'icë i, aín bimi a cüax bamatima, a cunun 'inánti 'ain.

Apocalipsis 2:7 ပူးပေါင်းရင်းမြစ်များ

Génesis 2:9

A naësa me anu ka Nukën ꞌIbu Diosan bëtsi bëtsi i upíbu ꞌixuan aín bimi upíbu pisabi ꞌinun tuati a koónun ꞌimiakëxa. Imianan ka naësa me a nëbëtsi a pia uni upiti tsóti ꞌimainun, a pikin uisa ñux kara upí ꞌikë a ꞌunánan uisa ñux kara ꞌatima ꞌikë a ꞌunánti aribi kónun ꞌimiakëxa.

Proverbios 13:12

A ꞌati sinánxun ꞌakë ñu ax ꞌikëbëma ka uni masánuitutia, ꞌaínbi ka usakin ꞌati sinánxun ꞌakë ñu ax ꞌikëbë kuni uni kuëënia.

Proverbios 15:4

Uix kara mënin sinánñu ꞌaish kuëmënini banaia ax ka achúshi i bimiñu unin upíokin iskësa usaribi ꞌikën; ꞌaínbi ka uix kara ꞌatima sinánñu ꞌaish ꞌatimati banaia an bëtsi uni masá nuitunun ꞌimia.

Proverbios 3:18

Uix kara ñu ꞌunairakë ꞌikë ax ka i bimiñu unin upí iskë usaribi ꞌixun ꞌatima ñu ꞌaisa tankinbi tënëia; ax ka chuámarua tani usokin ñu ꞌakëma ꞌaish tsóti ꞌikën. ¡Ax ka chuámarua usakin ñu ꞌakë ꞌaish tsotia!

Mateo 11:15

An aín pabitan ënë bana cuacë unin ca aín nuitunënbi sinánquin cuati ꞌicën.

Mateo 13:43

Usai ꞌicëbë ca barin uruquian pëcacëxa upí ꞌicësaribiti an Nucën Papa Diosan bana ꞌacë unicamax abë ꞌaish upíira upí ꞌiti ꞌicën. An aín pabitan ënë bana cuacë unin ca aín nuitunënbi sinánquin cuati ꞌicën.

Mateo 13:9

An aín pabitan ënë bana cuacë unin ca aín nuitunënbi sinánquin cuati ꞌicën.

Marcos 4:9

An aín pabitan ënë bana cuacë unin ca aín nuitunënbi sinánquin cuati ꞌicën.

Marcos 7:15

An ñu aín cuëbitan picë cupí ca Nucën Papa Diosan uni upíma isima. Ama. Aín nuitu ꞌatima ꞌixun ꞌatima ñu ꞌanan ꞌatimati banacë, a cupí ca Nucën Papa Diosan uni upíma isia.

Marcos 7:16

An aín pabitan ënë bana cuacë unin ca aín nuitunënbi sinánquin cuati ꞌicën.

Lucas 23:43

Cacëxun ca Jesusan cacëxa: —Asérabi cana ꞌën mi cain, ënë nëtë́nbi camina anu ꞌëx ꞌicë anu ꞌëbë ꞌiti ꞌain.

Lucas 8:8

Usa ꞌaínbi ca raíri ñu bëru ax me upínu nipacëaxa. Nipacëax coi canitancëxun ca upí oquin tuaxa. Tuacëx ca aín bimi ꞌitsaira, cien, ꞌiaxa. Usaquin catáncëxun ca Jesusan munuma banaquin cacëxa: —An aín pabitan ënë bana cuacë unin ca aín nuitunënbi sinánquin cuati ꞌicën.

Juan 16:33

ꞌËmi catamëtími chuámashirua ꞌaish upitax ꞌicánun cana ënë banacama mitsu ñuixuan. Ënë nëtënuax camina mitsux ꞌënan cupía mitsumi nishquin unin ꞌatimocë ꞌinuxun ꞌain. Usai ꞌibi camina bënëtima ꞌëmi cushicanti ꞌain. An ënë menu ꞌicë unicama ꞌibuacë ꞌicëbi cana ꞌën ñunshin ꞌatimanën ꞌapu ñusmon.

1 Corintios 2:10

Nucën Papa Diosan mëníocëxun ca unin ꞌunáncëbëtanmabi aín Bëru Ñunshin Upitan nu ꞌunánmiaxa. An ca camabi ñucama ꞌunania, Nucën Papa Diosan sináncë ñucamaribi ca ꞌunania.

2 Corintios 12:4

ꞌËn cana ꞌunanin, an ꞌimicëx ca a uni Nucën Papa Diosan nëtënu cuancëxa. Cuanxun ca uinu ꞌicë unínbia ñuitima bana cuacëxa, cuanan ca uinu ꞌicë unínbia chiquinaquin uni ñuixuntima bana cuacëxa.

1 Juan 2:13

Uni apáncama, mitsúnmi axa ënë mecama unioisama pain ꞌaíshbi ꞌiá, Nucën Papa Dios, a ainan ꞌixun ꞌunáncë cupí cana mitsu quirica cuënëoxunin. Bëná unicama, mitsuribishi cana ñunshin ꞌatimanën ꞌapúan ñu ꞌatima ꞌamitisa tancëxunbimi ꞌacëma cupí quirica cuënëoxunin. ꞌËn bëchicësa ꞌaíshmi ainan ꞌixun Nucën Papa Dios ꞌunáncë cupí cana mitsuribi quirica cuënëoxuan.

Apocalipsis 13:9

Uicaman cara upí oquin ꞌunántisa tania an ca aín pabitan ënë bana cuaquin aín nuitunënbi sinánquin cuati ꞌicën, ësai quicë:

Apocalipsis 14:13

Usai ángel banaia cuatancëxun cana naínuaxa ësaquin ꞌë cai banaia cuan: —Ënë bana ca cuënëot: Ax Nucën ꞌIbu Jesucristomi catamëcë unicamax ca bamatancëx chuámarua tani cuëënti ꞌicën. Naínuaxa banai quicësaribi oi ca Nucën Papa Diosan Bëru Ñunshin Upí ësai quia: Usa unicaman ca bamatancëxun tëmëratëcënquin paë tantëcëntima ꞌicën. Añu ñucama cara Jesucristonan ꞌixun a ꞌaxuanxa, acama ca Nucën Papa Diosan manuquinma sinania. Usa ꞌain ca a unicama chuámarua tani cuëënti ꞌicën.

Apocalipsis 15:2

Usoquin ángelcama isanan cana parúnpapa upí, bëxnan bëxnánquicë iscësa ꞌaíshbi ꞌunpáxma ꞌaish tsi rëquirucëcëñun mëscucë iscësa isan. Anu ca ꞌaisamaira uni, arpa, anun Nucën Papa Dios rabiti, a ñuñu sëtë́axa. A unicamax ca parúnpapanuax uaxa ꞌirucë ñuinacanꞌëo, a rabicëma, ꞌianan a tanquin unin ꞌacë ñu rabicëma, ꞌianan aín número aín bëmánan ꞌimainun aín mëcë́nu ꞌacëma ꞌiaxa.

Apocalipsis 2:11

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana ënë aín nuitunënbi sinánquin upí oquin cuati ꞌicën. An ꞌëmi catamëquin ꞌëx cuëëncësabi oi ꞌiti ëncëma uni, ax ca bama ꞌaíshbi baísquitancëx Nucën Papa Diosan nëtënu bamatëcëntimoi ꞌiti ꞌicën. A unicamax ca anu axa ꞌëmi catamëcëma unicama bamatëcëncësa ꞌiti anu ꞌitima ꞌicën.

Apocalipsis 2:17

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana, ënë aín nuitunënbi sinánquin upí oquin cuati ꞌicën. An ꞌëmi catamëquin ꞌëx cuëëncësabi oi ꞌiti ëncëma unicama cana anúan masá nuitutíma upitax ꞌiti a ꞌinánti ꞌain. Bëráma Nucën Papa Diosan camabi nëtën maná cacë piti judíos unicama ꞌinánsaribi oquin cana maná, ꞌën nëtënu unëcë, a unicama ꞌinánti ꞌain. ꞌInánan cana maxax uxua, a unicama achúshi achúshi, anu aín anë itsi cuënëocë, a ꞌinánti ꞌain. Uni itsían ꞌunaniamabi ca acama achúshi achúshinënshi aín anë ꞌunánti ꞌicën.

Apocalipsis 21:7

Uicaman cara ꞌëmi catamëquin ꞌëx cuëëncësabi oi ꞌiti ëncëma ꞌicë, acama cana ꞌënan ꞌaish ꞌëbë tsóti ꞌimiti ꞌain. ꞌImainun cana ꞌëx aín Dios ꞌiti ꞌain. ꞌImainun ca ax ꞌën bëchicë ꞌiti ꞌicën.

Apocalipsis 22:14

Ui unicamax cara a ëmanu atsínxun, anu ꞌicë anun uni bamatimoi tsóti i bimi biti sinani, chupa uxuira chuañumasa ꞌinun aín nuitua upí ꞌiminun Jesucristomi catamëtia, acamax ca anu ꞌaish cuëëinra cuëënti ꞌicën.

Apocalipsis 22:17

Usoquin caia ca Carnero ꞌicësaribitia unin ꞌucha cupí bama, Cristo, amia ax catamëcë unicamabëtan Nucën Papa Diosan Bëru Ñunshin Upitan —bënëtishi ca ut —quixun a caia. An atun bana cuacë unicamanribi ca —bënëtishi ca utëcën —quixun a cati ꞌicën. Shimaia uni ꞌunpax ꞌacatsi bënë́cësa usaribitia ax Jesuscristonan ꞌicatsi bënë́cë uni, an ca ami catamëquin Jesucristo —ëx cana minan ꞌiisa tani —quixun cati ꞌicën. Usaía ꞌia ca Cristonën ainan ꞌimianan xënibua ꞌaínbi abë ꞌinun ꞌimiti ꞌicën, cupímashi.

Apocalipsis 22:2

A bacax ca a ëmanu ꞌicë bai cha anúnbi xobucë ꞌiaxa. A bacax ca ꞌunpax ꞌaíshbi Nucën Papa Diosan cushi anúan uni bamatimoi tsóti, a ꞌiaxa. A baca aín cuëbí rabë́ amo anu ca i achúshi ꞌiaxa. Camabi baritian ca a in mëcën rabë́ ꞌimainun rabë́ oquin tuaxa, ꞌuxë camabi. A bimix i bimisa ꞌaíshbi ca ax anúan uni bamatimoi tsóti, a ꞌiaxa. A i pëchix ca camabi menuax ucë uníxa anun ꞌinsíntëcëntimoi bucuti a ꞌiaxa.