Apocalipsis 2:17 - Kashibo-Kakataibo Biblia

¹⁷ An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana, ënë aín nuitunënbi sinánquin upí oquin cuati ꞌicën. An ꞌëmi catamëquin ꞌëx cuëëncësabi oi ꞌiti ëncëma unicama cana anúan masá nuitutíma upitax ꞌiti a ꞌinánti ꞌain. Bëráma Nucën Papa Diosan camabi nëtën maná cacë piti judíos unicama ꞌinánsaribi oquin cana maná, ꞌën nëtënu unëcë, a unicama ꞌinánti ꞌain. ꞌInánan cana maxax uxua, a unicama achúshi achúshi, anu aín anë itsi cuënëocë, a ꞌinánti ꞌain. Uni itsían ꞌunaniamabi ca acama achúshi achúshinënshi aín anë ꞌunánti ꞌicën.

Nukën 'Ibu Diosan ain unikama 'inan ain bana

¹⁷ An cuaisa tancë unicaman ca axa 'ëmi catamëcë unicama Nucën Papa Diosan Bëru Ñunshin Upitan 'ináncë bana, ënë aín nuitunënbi sinánquin upí oquin cuati 'icën. An 'ëmi catamëquin 'ëx cuëëncësabi oi 'iti ëncëma unicama cana anúan masá nuitutíma upitax 'iti a 'inánti 'ain. Bëráma Nucën Papa Diosan camabi nëtën maná cacë piti judíos unicama 'inánsaribi oquin cana maná, 'ën nëtënu unëcë, a unicama 'inánti 'ain. 'Inánan cana maxax uxua, a unicama achúshi achúshi, anu aín anë itsi cuënëocë, a 'inánti 'ain. Uni itsían 'unaniamabi ca acama achúshi achúshinënshi aín anë 'unánti 'icën.

Apocalipsis 2:17 ပူးပေါင်းရင်းမြစ်များ

Éxodo 16:33

Usakin atu pain katankëxun ka Moisésnën Aarónribi ësokin kakëxa: —Achúshi ñutë bitankëxun kamina anu rabë́ litro maná nanti ꞌain. Usakin ꞌaxun kamina anuxun Dios rabiti ꞌakë anu nanti ꞌain, anu nan ꞌikë ka nun rëbúnki kamanribi anua isti ꞌikën.

Mateo 13:11

Ñucácëxun ca cacëxa: —Uni itsían ꞌunaniamabi camina mitsun Nucën Papa Diosan sinánmicëxun an ꞌunánmicë ñu ꞌunanin. Usa ꞌaínbi ca raíri unin ꞌunanima.

Marcos 7:16

An aín pabitan ënë bana cuacë unin ca aín nuitunënbi sinánquin cuati ꞌicën.

Juan 4:32

Cacëxunbi ca Jesusan cacëxa: —Mitsun ꞌunáncëma pitiñu cana ꞌëx ꞌain.

1 Corintios 2:14

An sinánmicëma uni an ca Nucën Papa Diosan Bëru Ñunshin Upitan sinánmicë ñu ꞌunanima. A ñucamax ca an iscëx ꞌusani ami cuaitisa ꞌicën. Unin ca a ñu ꞌunánti ꞌicën, Nucën Papa Diosan Bëru Ñunshin Upitan ꞌunánmicëxuinshi.

Colosenses 3:3

Mitsun ꞌucha cupía Cristo bama ꞌain camina ꞌuchatëcëntimoi abë bamacësa ꞌain. Usa ꞌaish camina axa baísquitancëx abë ꞌain, mitsúxribi aín Papabë ꞌain, mitsux Cristobë ꞌaish.

Apocalipsis 14:3

Acama ciento cuarenta y cuatro mil unicamax ca anun cantacëma, canta iotan cantaxa. A cantax ca anu Nucën Papa Dios ꞌicë a bëmánon ꞌimainun axa bamatimoi tsócë ꞌitsa bëruñu rabë́ ꞌimainun rabë́ ñu, acama ꞌimainun anu ꞌicë caniacëcë unicama mëcën rabë́ ꞌimainun taë rabë́ ꞌimainun rabë́ ꞌimainun rabë́, acaman bëmánauncüaxa cantacë ꞌiaxa. Uinu ꞌicë unínbi ca a canta ꞌunántima ꞌicën, unicama ciento cuarenta y cuatro mil (144,000) a Nucën Papa Diosan ainan ꞌinun ië́micë, acaman cuni ca a canta ꞌunánxa.

Apocalipsis 19:16

Aín chupanu ꞌimainun ca aín quisinuribi ësaquin cuënëocë ꞌiaxa: “ꞌApucaman ꞌApu ꞌianan ꞌibucaman ꞌIbu”.

Apocalipsis 2:11

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana ënë aín nuitunënbi sinánquin upí oquin cuati ꞌicën. An ꞌëmi catamëquin ꞌëx cuëëncësabi oi ꞌiti ëncëma uni, ax ca bama ꞌaíshbi baísquitancëx Nucën Papa Diosan nëtënu bamatëcëntimoi ꞌiti ꞌicën. A unicamax ca anu axa ꞌëmi catamëcëma unicama bamatëcëncësa ꞌiti anu ꞌitima ꞌicën.

Apocalipsis 2:7

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana, ënë aín nuitunënbi sinánquin upí oquin cuati ꞌicën. An ꞌëmi catamëquin ꞌëx cuëëncësabi oi ꞌiti ëncëma uni, a cana Nucën Papa Diosan nëtënu ꞌicë i, aín bimi a cüax bamatima, a cunun ꞌinánti ꞌain.

Apocalipsis 3:22

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana, ënë aín nuitunënbi sinánquin upí oquin cuati ꞌicën.

Apocalipsis 3:6

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana, ënë aín nuitunënbi sinánquin upí oquin cuati ꞌicën.