Apocalipsis 19:15 - Kashibo-Kakataibo Biblia

¹⁵ Ax pain chiquícë aín cuëbínuaxa machítusa manë xëtocë chiquitia cana isan. A manë xëtocë ax ca camabi menu ꞌicë axa ami sináncëma unicama anun ꞌati ꞌiaxa. Ax cushi ꞌixun ca camabi menu ꞌicë unían aín bana cuanun ꞌimiti ꞌicën. ꞌImainun ca ax cushiira ꞌixun axa ami nishcë unicama Nucën Papa Diosan mëníosabi oquin castícanti ꞌicën, uvas bimia taën chacacëx cëñúcësaribi ꞌinun.

Nukën 'Ibu Diosan ain unikama 'inan ain bana

¹⁵ Ax pain chiquícë aín cuëbínuaxa machítusa manë xëtocë chiquitia cana isan. A manë xëtocë ax ca camabi menu 'icë axa ami sináncëma unicama anun 'ati 'iaxa. Ax cushi 'ixun ca camabi menu 'icë unían aín bana cuanun 'imiti 'icën. 'Imainun ca ax cushiira 'ixun axa ami nishcë unicama Nucën Papa Diosan mëníosabi oquin castícanti 'icën, uvas bimia taën chacacëx cëñúcësaribi 'inun.

Apocalipsis 19:15 ပူးပေါင်းရင်းမြစ်များ

Salmos 2:9

Usa ꞌain kamina min kushin kamabi ꞌapu ꞌatimakama; ¡kamina me ꞌakë kënti tukapakësa okinshi ꞌati ꞌain kixun ka ꞌë Diosan kaxa kiax ka ꞌapu kiaxa!

Isaías 11:4

An ka an ꞌakinti ꞌaíma ꞌaia tëmërakë unikama ꞌimainun uni ñuñumakama atun menu ꞌikë akama ꞌakinti ꞌikën. Usa ꞌain ka aín banax achúshi tatsi tuínxun anun bënë́kinshi ñu ꞌakë unikama tëmëramikë usaribi ꞌiti ꞌikën, ꞌimainun ka aín kuëbitan xunkakësa okinshi ꞌatima ñuishi ꞌakë unikama këñunun ꞌimiti ꞌikën.

Joel 3:13

Atux ka ꞌatima ñuira ꞌakë unibu ꞌikën, usa ꞌikë ka trigo bimi pëkë́kë tëakin bikësaribi okin ꞌati ꞌikën; usa ꞌain ka anun biti nëtë ꞌikëbëtan bikëxa trigo bimi nëtë́kë usaribi okin ꞌanan, uvas bimi aín baka vino ꞌati bitishi ꞌikë chakakë usaribi okin ꞌakánti ꞌikën.

Malaquías 4:6

ꞌImainun ka aín papakama ꞌimainun aín bëchikëkamaribi upiti mëníonanti ꞌikën. Usai ꞌikëbëtama kana ukin a unikama atun me ꞌatima okin këñuti ꞌain. Usai ka Dios kiakëxa.

2 Tesalonicenses 2:8

Usoquin ëncëx pain aia cëmën tapun ꞌatima uni a camabi unin isiabi ca Nucën ꞌIbu Jesusan axira uquin aín cuëbitan uíncënëinshi ꞌaquin aín cushían pëcabëtsincë anúinshi cëñuti ꞌicën.

Apocalipsis 1:16

Aín mëcën mëqueunën mëcën achúshi ꞌimainun rabë́ ꞌispa tuíanan aín cuëbínuax machítusa manë xëtocë, amo rabë́bi cuënucë ꞌaish, chiquitia cana isan. Isanan cana aín bëmánanëxa barin cushíinra pëcacësaribiti pëquia isan.

Apocalipsis 12:5

Niracëxuan caínmainun ca a xanu bëbu tuá bacë́anxa, ax canitancëx cushi ꞌixun ca camabi menu ꞌicë unían aín bana cuanun ꞌimiti ꞌicën. Usa ꞌain ca aín tita bacë́ncë ꞌicë, anua ax ꞌicë anu abë ꞌApu ꞌinun Nucën Papa Diosan buánxa.

Apocalipsis 14:10

a unicama ca Nucën Papa Diosan ꞌaisamairai ami nishquin castícanti ꞌicën. Acaman ca anuaxa manë tsi ꞌimainun azufre rëquirucë, anuxun ꞌaisamaira oquin paë tanti ꞌicën. Nucën Papa Diosan ángelcama ꞌimainun Carnero ꞌicësaribitia unin ꞌucha cupí bama, acaman ca atúxa usai ꞌia isti ꞌicën.

Apocalipsis 19:21

A rabë́a anu ꞌinun nicë ꞌain ca axa caballo uxuanu tsócë an aín cuëbínuaxa chiquícë manë xëtocë anun axa ꞌacananux timë́cëcama cëñuquin ꞌaxa. Usaquian ꞌacë aín nami pi ca camabi ñuina pëchiucamax pucháxa.

Apocalipsis 2:12

Usaquin catancëxun ca ësaquinribi cuënëonun Jesusan ꞌë caxa: —An axa Pérgamonuax ꞌëmi catamëcë unicama ꞌë ñui quicë bana ñuixuncë uni, a buánminuxun camina ësoquin cuënëoti ꞌain: Axa machitusa manë xëtocë amo rabë́bi cuënucëñu an ca ësaquin mi caia:

Apocalipsis 2:16

Usaquin ꞌaquinbi camina sinanaquin acama ënti ꞌain. Usaquinmi ëncëbëtanma cana xënibuiracëma ꞌaínshi mitsunu cuanquin, manë xëtocë ꞌën cuëbínuax chiquícë, anun usa unicama ꞌatimoti ꞌain.

Apocalipsis 2:27

ꞌËn Papa Diosan aín cushi ꞌë ꞌináncësabi oquin cana a unicama ꞌën cushi ꞌinánquin unían aín bana cuanun ꞌimiti ꞌain. ꞌËn usaquin ꞌimicëxun ca atun, camabi unían aín bana cuanun ꞌimiti ꞌicën, uni itsían uni itsi aín bana cuanun quixun aín manë xo tuínxun racuë́ocësaribi oquin.