Apocalipsis 19:14 - Kashibo-Kakataibo Biblia

¹⁴ Axa naínu ꞌicë caballo uxuanu tsócë ax chiquitia ca aín caballo uxuanu tsotax naínuax chiquíquin axa abë ꞌicë unicaman a nuibianxa. An nuibiancëcamax ca chupa uxua upíira upí chuañuma pañucë ꞌiaxa.

Nukën 'Ibu Diosan ain unikama 'inan ain bana

¹⁴ Axa naínu 'icë caballo uxuanu tsócë ax chiquitia ca aín caballo uxuanu tsotax naínuax chiquíquin axa abë 'icë unicaman a nuibianxa. An nuibiancëcamax ca chupa uxua upíira upí chuañuma pañucë 'iaxa.

Apocalipsis 19:14 ပူးပေါင်းရင်းမြစ်များ

Proverbios 31:22

ꞌAínbi ka anúan rakuti chupa aín mëkënanbi ꞌaia, ꞌanan ka chupa upíira aín mëkënanbi ꞌakë aribi pañuia.

Mateo 21:5

Sión cacë ëma, anu ꞌicë unicama camina cati ꞌain: Bërí ca mitsun ꞌapu aia, uni chacama ꞌicësaríma ca burro xanun tuánu tsotax aia.

Mateo 26:53

¿Caramina ꞌunaniman, ꞌën cana ꞌën Papa aín ángelcama ꞌë ꞌaquinun xunun ñucáquin cati ꞌain? ꞌËn ñucácëxun ca aín ángelcama uitishi cara ꞌë ꞌaquinun bëríbi xuti ꞌicën.

Mateo 28:3

A ángelnëx ca caná mëritia iscësa ꞌianan aín chupa uxuira uxu ꞌiacëxa, matsi uxuira iscësaribi ꞌiacëxa.

2 Tesalonicenses 1:7

Usoquin ꞌanan aín ángelnën cushicamabëtan, tsi rëquirucësa ꞌixuan pëcacë nëbë́tsi, Nucën ꞌIbu Jesús naínuax ucëbëtan, an nucëñun unían tëmëramicë ꞌicëbi mitsu chuámarua ꞌimiti ca asábi ꞌicën.

Judas 1:14

Ax pain unia nucën rara Adán aín rëbúnqui nucën rara Enoc, ax ca Nucën Papa Diosan sinánmicëx usa uni ñui ësai quiacëxa: “ꞌËn iscëx ca Nucën ꞌIbu Dios camabi ꞌaisamaira aín uni upícaman nëpúamainun uaxa.

Apocalipsis 14:1

Usaquin istancëxun istëcënquin cana Carnero ꞌicësaribitia unin ꞌucha cupí bama, a matá me Sión cacë, anua Jerusalén ꞌicë, anu nicë isan. ꞌËn iscëx ca abë ꞌaisamaira uni, ciento cuarenta y cuatro mil (144,000) unicama, axa aín bëmánanu Cristonën anë ꞌimainun Nucën Papa Diosan anënribi cuënëocë, a unicamax ꞌiaxa.

Apocalipsis 14:20

Usoquian anuxun uvas bimi chinínti anu bucunia cana isan. Iscëx ca ëmanuax anuxuan chiníncancëx ꞌaisamaira imi ëbánquianxa. A imi ëbanquianxa racácë, aín nëmin ca caballo nicë aín cuëbí sënën ꞌiaxa. Usa ꞌaish ca a imia me mapubiani ëbánquiancë, ax trescientos kilómetros sënën ꞌiaxa.

Apocalipsis 17:14

Acamax ca Carnero ꞌicësaribitia unin ꞌucha cupí bama abë ꞌacananti ꞌicën. ꞌAcananquin ca Carnero ꞌicësaribitia unin ꞌucha cupí bama, ax cushiira ꞌaish, ꞌibucaman ꞌIbu ꞌianan ꞌapucaman ꞌApu ꞌixun axa abë ꞌacanancëcama ñusmoti ꞌicën. Axa abë ꞌicëcaman ca a amia catamënun caísquin Nucën Papa Diosan sinánmicë ꞌixun uisai cara ñu ꞌicëbëtanbi a ëncëma ꞌicën. Usa ꞌixun ca Carnero ꞌicësaribitia unin ꞌucha cupí bama abë ꞌicëcaman axa abë ꞌacanancëcama ñusmoti ꞌicën.

Apocalipsis 19:11

Usaquin ángelnën cacëxun cana naí panárabëcë isan. Anuaxa caballo uxua chiquitia cana isan. Ax a caballonu tsócë, ax ca Aín Quicësabi Oquin ꞌAcë caquin anëcë ꞌianan ca An Uni Paráncëma caquin anëcë ꞌiaxa. Usa ax ꞌixun ca ꞌatima unicama a uisoquin cara ꞌaisa tania usoquin castícanan axa upí sinánñucama a upí oia.

Apocalipsis 19:8

Usa ꞌain ca aín unicama chupa chuañuma, uxua upíira pañucësa ꞌicën. Banaia ësai quia cana cuan. Axa Jesucristomi catamëcë unicaman pañucë chupa, ax ca aín nuitu upí ꞌixun upí ñu ꞌacë a ꞌunántiocë ꞌicën.

Apocalipsis 3:4

Mitsúnmi ꞌëx cuëëncëma ñu ꞌacë ꞌaínbi ca Sardisnu ꞌicë uni ꞌitsamashinën ñu ꞌaisama ꞌacëma ꞌicën. Usa ꞌaish ca aín nuitu upí ꞌain chupa uxua pañucësa ꞌaish ꞌëbë niti ꞌicën.

Apocalipsis 4:4

Anu ax tsócë aribi nëbë́tsioracë ca mëcën rabë́ ꞌimainun taë rabë́ ꞌimainun rabë́ ꞌimainun rabë́ anu tsóti itsi ꞌiaxa. Axa a anu tsótinu tsócëcamax ca mëcën rabë́ ꞌimainun taë rabë́ ꞌimainun rabë́ ꞌimainun rabë́ caniacëcë unicama ꞌiaxa. Acamax ca aín chupa uxua ꞌianan curi ꞌacë mañuti mañucë ꞌiaxa.

Apocalipsis 7:9

Usaquin cuatancëxun cana unin tupúntisama, ꞌaisamaira uni isan. Acamax ca camabi menuax ucë ꞌaish bëtsi bëtsi unibu ꞌiaxa. Usa ꞌaish ca bëtsi bëtsi banan bananan anua Nucën Papa Dios, ax ꞌApuira ꞌicë, a ꞌimainun Carnero ꞌicësaribitia unin ꞌucha cupí bama, aín bëmánon sëtë́cë ꞌiaxa. A camáxbi ca aín chupa uxua ꞌianan xëbin pëchisa ñu pëchi tuíncë ꞌiaxa.