Apocalipsis 19:10 - Kashibo-Kakataibo Biblia

¹⁰ Quicëbë cana a rabinux a ángel tanáin rantin purúan. Usai ꞌiabi ca ꞌë caxa: —Usai ꞌiáxma ca ꞌit. Uicaman cara Nucën Papa Dios quicë bana unicama ñuixunia an ca Jesús ñuiquin an ꞌunánmicë banacama uni ñuixunia. Mibëtan ax Jesús quicë banacama quicësabi oi ꞌicë unicaman ꞌacësaribi oquin cana ꞌënribi ax quicësaribi oquin ꞌaquin Nucën Papa Dios rabin. Usa ꞌain ca ꞌë rabixunma Nucën Papa Diosëshi rabit.

Nukën 'Ibu Diosan ain unikama 'inan ain bana

¹⁰ Quicëbë cana a rabinux a ángel tanáin rantin purúan. Usai 'iabi ca 'ë caxa: —Usai 'iáxma ca 'it. Uicaman cara Nucën Papa Dios quicë bana unicama ñuixunia an ca Jesús ñuiquin an 'unánmicë banacama uni ñuixunia. Mibëtan ax Jesús quicë banacama quicësabi oi 'icë unicaman 'acësaribi oquin cana 'ënribi ax quicësaribi oquin 'aquin Nucën Papa Dios rabin. Usa 'ain ca 'ë rabixunma Nucën Papa Diosëshi rabit.

Apocalipsis 19:10 ပူးပေါင်းရင်းမြစ်များ

Éxodo 34:14

Usa ꞌain kamina bëtsi dios rabitima ꞌain, ꞌëx kana mitsun ꞌIbu an ñu ꞌatima ꞌaisama okin mitsu bërúankë a ꞌain. ꞌËn anëx ka Dios an ñu ꞌatima ꞌaisama okin bërúankë a ꞌikën.

Daniel 2:46

Usakin kakëx ka ꞌapu Nabucodonosor Daniel bëtánain, rantinpuruni tëtúbuti memi bëtiki ꞌiakëxa, usai ꞌitankëxun ka ñu bëtankëxun xaronan sanuira ñuribi bëtankëxun xaroxunun ꞌamiakëxa.

Daniel 7:10

usa ꞌain ka tsi ërë́rukë ax ka achúshi baka iskësa ꞌaish a bëtánain chikíaxa. Usa ꞌain ka miles ꞌimainun miles unikaman ñu mëëxumainun, millones ꞌimainun millones unikama a bëtánain sëtë́kë ꞌiaxa, anuxun ka a bana usai anu sëtë́kankë ꞌain bana ñuikin pëukin kirika, anua usai uni ꞌikë kuënëokë akamaribi bakakë ꞌiaxa.

Mateo 4:10

Usaquian cacëxun ca Jesusan cacëxa: —Ñunshin ꞌatimanën ꞌapu, ënuax ca cuantan. Nucën Papa Diosan bana cuënëo ca ësai quia: “Min ꞌIbu Diosëshi camina rabiti ꞌain. Rabiquin camina ashi ax cuëëncësabi oquin ñu ꞌaxunti ꞌain”.

Marcos 5:22

Anu Jesús ꞌain ca anua judíos unicama timë́ti xubunu ꞌicë ꞌapu achúshi, Jairo cacë, ax uacëxa. Uquin a mërai aín bëmánon rantin puruni

Marcos 7:25

Usa ꞌain ca —anu ca —quixun cuabëtsini ñunshin ꞌatimañu xanu tuacën titax uax Jesús tanáin rantin puruni tsóbuacëxa.

Lucas 1:19

Cacëxun ca ángelnën cacëxa: —ꞌËx cana abë ꞌixuan an cacësabi oquin Nucën Papa Dios ñu ꞌaxuncë ángel, Gabriel, a ꞌain. Usa ꞌicë ca an upí bana ënë ñuiquin mi canun quixun ꞌë xuaxa.

Lucas 24:44

Pitancëx sënë́nxun ca Jesusan atu cacëxa: —ꞌËx bamacëma pain ꞌixun ꞌën mitsu cacësabi oi ca ꞌiaxa. ꞌË ñuiquin cuënëo banacama Moisésnën ꞌa, ꞌimainun an Nucën Papa Dios quicë bana uni ñuixuncë unicaman cuënëo banacama, ꞌimainun Salmosribi, acamaxa ꞌë ñui quicë bana axa quicësabi oi ca ꞌiti ꞌicë quixun ꞌën mitsu cacësabi oi cana ꞌian.

Juan 5:39

Uisari caramina ainan ꞌaish xënibua ꞌaínbi abë ꞌiti ꞌai quixun ꞌunánuxun camina Nucën Papa Diosan bana cuënëo upí oquin isin. Usa ꞌaínbi ca a bana ꞌë ñuia quicë ꞌicën.

Hechos 10:43

An Nucën Papa Dios quicë bana uni ñuixuncë unicamaxribi ca Jesús ñui ësai quiacëxa, camabi uni axa aín bana cuati ami catamëcë, a ca aín ꞌuchacama Jesusan tërë́nxunia quixun.

Hechos 13:27

Ësaquinribi ca Pablonën Pisidia menu ꞌicë ëma, Antioquíanu ꞌicë anua judíos unicama timë́ti xubunuxun cacëxa: —Jerusalénu ꞌicë unicamabëtan ca aín cushicamanribi Jesús, ax ca Cristo, axa uti atun caíncë, a ꞌicë quixun ꞌunánma ꞌicën. Anun ñu mëëtima nëtën ꞌicëbë timë́xun an Nucën Papa Dios quicë bana uni ñuixuncë unicaman cuënëo bana iscë ꞌixunbi ca uisai quicë cara quixun ꞌunanimabi —ax ca bamati ꞌicë —quiacëxa, a bana quicësabi oi.

2 Corintios 8:7

Raírinëan ꞌacësamaira oquin camina upí oquin sinani Jesucristomi catamëanan, Nucën Papa Diosan bana ꞌunánquin a bana uni ꞌunánmiti ꞌunánan, asérabi chiquíshquinma cuëënquin ñu ꞌanan, asérabi nu nuiban. Usaquin ꞌaxun camina raírinëan ꞌacësamaira oquinribi Jerusalénu ꞌicë unicama nuibaquin atu buánmiti curíqui timëquin nanti ꞌain.

Efesios 5:15

Sinánñuma unisa ꞌima an Nucën Papa Diosan bana ꞌunáncë unisa ꞌixun camina ax quicësabi oquin ñu upíshi ꞌati ꞌain.

Efesios 5:33

Usa ꞌaínbi cana mitsu cain, min namimi bërúancësaribi oquin camina mitsun xanuribi nuibaquin bërúanti ꞌain. Usaribi oquin ca xanúnribi ami sinánquin aín bënën bana cuati ꞌicën.

Filipenses 3:3

Atúxa judíos uni ꞌicë ꞌunántiocë ꞌaínbi cananuna nux asérabi Nucën Papa Diosan uni ꞌain, aín Bëru Ñunshin Upitan ꞌimicëx. Usa ꞌixun cananuna a rabianan Cristo Jesúsmi catamëcë ꞌixun cuëënquin ꞌunanin, nux ꞌunántioracacë cupíma Cristo Jesúsmi catamëcë cupíshi cananuna Nucën Papa Diosan uni ꞌai quixun.

1 Tesalonicenses 5:15

Mitsu uinu ꞌicënbi camina bëtsi uni mimi nishquian ꞌatimocëxun ami nishquin aribi cupiquin nishananquintima ꞌain. Usai ꞌima bëtsibë bëtsibë ꞌaquiananquin camina camabi uni ꞌaquinti ꞌain.

Hebreos 1:14

Camabi ángelnëx ca an Nucën Papa Dios ñu ꞌaxuncë ꞌicën. Usa ꞌixun ca an xucëxun, uicamax cara an mëníosabi oi Nucën Papa Diosnan ꞌinux ië́nuxun ꞌaia, acama ꞌaquinia.

Hebreos 12:25

Cananuna ꞌunanin, Moisésnëan Nucën Papa Diosan bana ñuixuncëxunbia an a bana timaquin cuaisama tancë, nucën raracamax ca castícancë ꞌiacëxa. Moisésnën ñuiá banasamaira ca Jesucristo ñui quicë bana, Nucën Papa Diosan naínu ꞌixun nu ꞌinan, ax ꞌicën. Usa ꞌain ca nucën raracamaxa ꞌiásamaira oi an Jesucristo ñui quicë bana timaquin cuaisama tancë unicama ië́tima ꞌicën. Usa ꞌain camina asérabi Jesucristo, Nucën Papa Diosan a aín nëtënua xua, a ñui quicë bana timaquinma upí oquin cuati ꞌain.

1 Juan 5:10

Axa aín Bëchicëmi catamëcë uni, an ca Nucën Papa Diosan ꞌunánmicëxun asérabi ꞌunania, Jesucristo ax ca asérabi aín Bëchicë ꞌicë quixun. Usa ꞌaínbi ca an Nucën Papa Diosan bana ca asérabi ꞌicë quixun sináncëma uni, ax —Nucën Papa Dios ca cëmë ꞌicë —quicësa ꞌicën, an aín Bëchicë ñui quicë bana ca asérabima ꞌicë quixun sináncë cupí.

1 Juan 5:21

ꞌËn bëchicësa ꞌicë cana mitsu cain, anbi sinánxuan dios isa quixun a rabinuxun unínbi ꞌacë ñucama camina rabitima ꞌain. Ashi, Juan.

Apocalipsis 1:1

Nucën Papa Diosan ca ënë quiricanu cuënëocë ñucama Jesucristo ismiaxa, xënibuiracëma ꞌaínshi ca ësai ꞌiti ꞌicë quixuan aín unicama isminun. Nucën Papa Diosan a ismicë ñucama aín unicaman ꞌunánun ca Jesucristonën aín ángel achúshi Juan isminun xuaxa.

Apocalipsis 1:9

ꞌËx Juan ꞌaish cana mitsúxmi ꞌicësaribiti Jesúsnan ꞌaish mitsun xucë́nsa ꞌain. Mitsúxmi ꞌicësaribiti cana Jesucristonan cupí, unin ꞌatimocë ꞌaíshbi asérabi Nucën Papa Diosan uni ꞌain. Mitsu ꞌacësaribi oquian an cushiocëxun cana uisa ñu cara ꞌicëbëbi bënë́quin ami catamëti ëniman. Usa ꞌixun Nucën Papa Diosan bana ñuixuanan, Jesús ñui quicë banaribi uni ñuixuncë cupí cana Patmos cacë nasínu sipuacësa ꞌinun unin ëncë ꞌain.

Apocalipsis 12:11

Aín unicama, nucën xucë́antu, ax ca Carnero ꞌicësaribitia unin ꞌucha cupí bama, ami catamëcë cupí atun ꞌucha tërë́ncë ꞌianan aín bana ënquinma sináncë ꞌaish, ñunshin ꞌatimanën ꞌapúan ꞌatima ñu ꞌamicëma ꞌiaxa. Atun ca axa ami nishcë unin bëtsi bëtsi ocëx bamatisa ꞌixunbi Nucën Papa Diosmi sinánti ëncëma ꞌicën.

Apocalipsis 12:17

Usai ꞌia isi ca ñuina chaira capë́sa ax ꞌaisamairai xuamati xanumi nishaxa. Nishi ca a xanun rëbúnqui raíri, an Nucën Papa Diosan bana quicësabi oquin ꞌacë ꞌianan an Jesucristomi sinánti ëncëma, a unicamabë ꞌacanani cuanxa.

Apocalipsis 14:7

ca ësai munuma banaquin caxa: —Anun Nucën Papa Diosan camabi uni aín ñu ꞌacësabi oquin, uisa cara oti ꞌicë usoquin ꞌati nëtë ca uaxa. Usa ꞌain camina ami racuë́quin a rabiti ꞌain. An naícama, mecama, parúnpapacama, xëxácama unio, a camina rabiti ꞌain.

Apocalipsis 15:4

Nucën ꞌIbu Dios, ¿uix cara mimi racuë́tima ꞌic? ¿Uin cara mi rabitima ꞌic? Mixëshi camina upíira upí sinánñu ꞌain. Mix upí sinánñu ꞌixun ñu upíshi ꞌaia iscë ꞌixun ca camabi menu ꞌicë unicaman mimi sinánquin mi rabiti ꞌicën.

Apocalipsis 19:9

Usai quicëbëtan ca ángelnën ꞌë caxa: —Ësaquinribi ca cuënëot: “Uicamax cara Carnero ꞌicësaribitia unin ꞌucha cupí bama, anúan aín unicama abë ꞌiti nëtë́an abë ꞌinun camicë ꞌicë, acamax ca cuëëinra cuëënti ꞌicën, unían xanu biquin abëtan pi unun camicë unicamax cuëëncësamaira oi”. Ësaquinribi ca ꞌë caxa: —Ënë bana a ꞌën mi cacë ax ca Nucën Papa Diosaxa quicë ꞌicën. Ca asérabi ꞌicën.

Apocalipsis 4:10

ca mëcën rabë́ ꞌimainun taë rabë́ ꞌimainun rabë́ ꞌimainun rabë́ a caniacëcë unicama an axa xënibua ꞌaínbi bamatimoi tsócë Nucën Papa Dios ami bësui, rantin puruni tsóbuquin a rabiia. Rabiquin ca curi ꞌacë mañuti atúan mañucë Nucën Papa Dios ꞌinánquin anua ax ꞌicë aín bëmánon nanquin rabiquin ësaquin caia: