Apocalipsis 18:24 - Kashibo-Kakataibo Biblia

²⁴ An Nucën Papa Dios quicë bana uni ñuixuncë unicama ꞌimainun axa ami sináncë unicama ꞌimainun camabi menu ꞌicë unia unin ꞌacë, ax ca Babilonianu ꞌicë unicaman ꞌucha ꞌiaxa. Usa ꞌain ca Babilonianu ꞌicë unicama Nucën Papa Diosan cëñuaxa.

Nukën 'Ibu Diosan ain unikama 'inan ain bana

²⁴ An Nucën Papa Dios quicë bana uni ñuixuncë unicama 'imainun axa ami sináncë unicama 'imainun camabi menu 'icë unia unin 'acë, ax ca Babilonianu 'icë unicaman 'ucha 'iaxa. Usa 'ain ca Babilonianu 'icë unicama Nucën Papa Diosan cëñuaxa.

Apocalipsis 18:24 ပူးပေါင်းရင်းမြစ်များ

Jeremías 2:34

Mitsun chupax ka uni ñuñuma ꞌimainun ñu ꞌatima ꞌakëmabi, ꞌaxun aín imin pukukësa ꞌikën, a unikamax ka ñu ꞌatima ꞌaiabi uni mërakëmasa ꞌiakëxa.

Daniel 7:21

Usa ꞌain kana a manchankaman abë ꞌakanankin Diosan unikama kanania isan,

Daniel 7:25

Usa ꞌixun ka an Dios manámi ꞌikë kushiira ꞌatimakin ñuianan an rabikë unikama këñukin pëuti ꞌikën; ꞌanan ka Dios kia bana aribi bëtsiokin nainsa tanan usakin unikaman fiesta ꞌatia Dios kia aribi bëtsiokin nainsa tanti ꞌikën, usa ꞌain ka an Dios rabikë unikaman ꞌapu an kakësokinshi ꞌati ꞌikën, rabë́ ꞌimainun achúshi baritia ꞌirukë anua mapai achúshi ꞌimainun achúshi ꞌuxë sënë́mi kiti ꞌikën.

Mateo 23:27

An Moisésnën cuënëo bana ꞌunáncë unicama ꞌimainun fariseo unicama, mitsun camina usabi oquin ꞌacë ꞌixun unicama paranin. Anu uni maíncë me ax ca upí oquin mëníocë ꞌianan ëman upíira upí uxua ꞌinun roncë ꞌaíshbi ꞌucë mëu, uni bamacënën xo ꞌimainun ñu chëquicë ꞌaisama ꞌicën.

Mateo 23:35

Usa ꞌixun camina mitsun raran ꞌásaribi oquin ꞌain. Abel pain ca ꞌuchañuma ꞌicëbi mitsun rara achúshinën ꞌacëxa. Usaribi oquin ca mitsun raran an Nucën Papa Dios quicësabi oquin ꞌacë unicama bari itsi bari itsi inúmiquin ꞌacëxa. ꞌA ꞌaían ca raírinënribi Zacarías, Baraquíasnën bëchicë, a anuxun Nucën Papa Dios rabiti xubu rapasunuxun ꞌacëxa. Usaribi oquin camina mitsun ꞌain.

Hechos 7:52

An Nucën Papa Dios quicë bana uni ñuixuncë unicama ca mitsun raracaman bëtsi bëtsi ocëxa. Bëtsi bëtsi onan ca axa, Nucën Papa Diosan Bëchicë Upíira ca uti ꞌicë quicë unicama aribi ꞌacëxa. A unicama quiásabi oía uá ꞌicëbi camina mitsun a bamamicasquin unían i curúsocënu matásnun ꞌinan.

1 Tesalonicenses 2:15

Aín raran bëráma an Nucën Papa Dios quicë bana uni ñuixuncë uni raíri ꞌásaribi oquin ca Judeanu ꞌicë unin Nucën ꞌIbu Jesús ꞌacëxa. Usa ꞌixun ca nuribi nun bana cuaisama tanquin aín ëmanuax cuantánun quixun bëtsi bëtsi ocëxa. Usa ꞌaish ca Nucën Papa Dios cuëëncësa oquin ꞌati sinanima unicamamiribi nishia.

Apocalipsis 11:7

Atúan unicama bana ñuixuncë nëtëcama inúcëbë ca piánancë ñuinasa ñu, ax quini chaira ꞌaish nëmíinra, anuax chiquíti ꞌicën. Chiquítancëxun ca an unicama bana ñuixuncë rabë́, ami nishi abë ꞌacánanquin ñusmoquin bamamiti ꞌicën.

Apocalipsis 16:6

Minmi usoquin tëmëramicë unicama an ca min uni ꞌitsaira ꞌanan an mixmi quicë bana uni ñuixuncë uni ꞌitsaira bamamiaxa. Usaquian ꞌacë cupí camina a xëanun imi ꞌinan. Atun ꞌucha cupíbi ca usai ꞌia.

Apocalipsis 17:6

A xanúxa, Nucën Papa Diosan uni ꞌicëa unin ꞌacë ꞌimainun an Jesucristo ñuiquin uni bana ñuixuncë cupía unin ꞌacëx bamacë unicaman imi xëax, anun paë́anx cuëëinra cuëënia cana isan. Isi, cana ratúira ratúan.

Apocalipsis 19:2

Ax aín sinan upíira ꞌixun ca uisa cara oti ꞌicë usoquin ꞌaia. Ñu ꞌatima cuëënquinma ca usoquin ꞌaia. Usa ꞌixun ca Babilonia ëmanu ꞌicë unicama, an camabi menu ꞌicë unicama ꞌatima ñu ꞌanun ꞌunánmianan ami sinánxma ꞌinun ꞌunánmicë cupí acama ꞌuchoquin castícanxa. Usaquin ꞌaquin ca an aín unicama ꞌacë unicama cupiaxa.