Apocalipsis 18:19 - Kashibo-Kakataibo Biblia

¹⁹ Quianan ca masá nuitucë uníxa ꞌicësaribiti me cupúcë bitancëx aín maxcánu mapucuti rarumati ini quiaxa: —Usai ꞌimari ꞌitibi ca ꞌia. A ëmanu ꞌicë unicamax ꞌaisamaira curíquiñu ꞌixun ca an aín manë nuntin maruti ñu bëcë unicaman ñu biaxa. Bicëbë ca a unicamaxribi ꞌaisamaira curíquiñu ꞌiaxa. Usa ꞌaínbi ca bënëtishi a ëmanu ꞌicë unicamax cëñúaxa.

Nukën 'Ibu Diosan ain unikama 'inan ain bana

¹⁹ Quianan ca masá nuitucë uníxa 'icësaribiti me cupúcë bitancëx aín maxcánu mapucuti rarumati ini quiaxa: —Usai 'imari 'itibi ca 'ia. A ëmanu 'icë unicamax 'aisamaira curíquiñu 'ixun ca an aín manë nuntin maruti ñu bëcë unicaman ñu biaxa. Bicëbë ca a unicamaxribi 'aisamaira curíquiñu 'iaxa. Usa 'aínbi ca bënëtishi a ëmanu 'icë unicamax cëñúaxa.

Apocalipsis 18:19 ပူးပေါင်းရင်းမြစ်များ

Nehemías 9:1

A ꞌuxënbia veinticuatro nëtë ꞌikëbë ka anun Israel unikamax añu ñubi pima samanux timë́tëkënkankëxa; usai ꞌikin chupa xënikama pañuanan me bitankëx atun maxkánu anun matakakiakëxa;

Job 2:12

Kanankiani anua ꞌikë anu bëbai kuankinbi ka ꞌuranxunshi anu Job tsókë iskinbi ax ka a ꞌikë kixun ꞌunani ka munuma kuënkëni a kamaxi iankëxa, usai ꞌi ꞌitsaira atúxribi masá nuituti atun tari tukakin a kamaxunbi manámi mësukin me putu puti anunbi matakakikankëxa.

Apocalipsis 17:16

A mëcën rabë́ matúxca a isquinmi mëcën rabë́ ꞌapu sináncë, acaman ca ami nishquin a xanu ñusmoti ꞌicën. Ñusmonan ca chupañuma ꞌimianan aín nami pianan tsin nëënti ꞌicën.

Apocalipsis 18:10

Ianan ca racuëti ꞌuracëox quiti icën: —Usai ꞌimari ꞌitibi camina ꞌin. Babilonia chaira, mix bëtsi ëmasama ꞌiá ꞌaíshbi camina bënëtishi Nucën Papa Diosan ꞌuchoquin castícancë ꞌain. Usai ca ꞌapucama quiti ꞌicën.

Apocalipsis 18:8

Usaquian sináncëbëbi ca anúan atu tëmëramiti nëtë uti ꞌicën. A nëtën ca ꞌitsa uni bamati ꞌicën. ꞌImainun ca raíricamax rarumati tëmëranan ꞌacëñuma ꞌaish bamatisa tanti ꞌicën. A nëtën ca a ëmacamax tsin picë ꞌiti ꞌicën. Usaquin ca Nucën ꞌIbu Diosan ax cushiira ꞌixun atun ꞌuchacama cupí atu ꞌuchoquin castícanti ꞌicën. Usai náinuaxa banaia cana cuan.

1 Samuel 4:12

Usokian ꞌakëbë ka Benjamínën rëbúnkinën aintsi suntáru achúshinëx anuaxa ꞌakanankë anuax abákëxa, abátankëx ka aín aintsikama Siló kakë ëmanu bukukë a nëtënbi bëbaxun chanioi kuankëxa. Kuania iskankëxbi ka aín chupa nushi nushira ꞌianan aín maxká men chuarukë ꞌiakëxa.