Apocalipsis 17:18 - Kashibo-Kakataibo Biblia

¹⁸ Ami iscë xanu a sinánquin camina ëma cha, anu ꞌicë unicama ꞌaisama ꞌixun camabi menu ꞌicë ꞌapucama ꞌimainun atun unicama, asaribia ꞌinun ꞌunánmicë, a sinánti ꞌain.

Nukën 'Ibu Diosan ain unikama 'inan ain bana

¹⁸ Ami iscë xanu a sinánquin camina ëma cha, anu 'icë unicama 'aisama 'ixun camabi menu 'icë 'apucama 'imainun atun unicama, asaribia 'inun 'unánmicë, a sinánti 'ain.

Apocalipsis 17:18 ပူးပေါင်းရင်းမြစ်များ

Daniel 7:23

Usa ꞌain ka ësai kiaxa: A ñuinakan ꞌëo achúshinëx ka raíripan ꞌia ꞌain, axribi ënë menu ꞌapu ꞌiti ꞌikën, ax ka bëtsi ꞌapukama ꞌiásama ꞌiti ꞌikën. Usa ꞌixun ka an kamabi menu ꞌikë ꞌapukama uisa kara okatsia usakin ꞌain taën amákësokin masókin këñuti ꞌikën.

Lucas 2:1

Ënë menua Jesús uti ca ësai ꞌiacëxa: Romanu ꞌicë ꞌapu, César Augusto, aín bana ca cuacocancëxa, camabi unix ca aín anë quiricanu ꞌai cuanti ꞌicë quixun.

Apocalipsis 11:8

Bamamicë ꞌaíshbi maíncëma ꞌaish ca a ëma cha, anu Nucën ꞌIbu Jesús i curúsocënu matása, Jerusalén, anu ꞌicë bainu racáti ꞌicën. A ëmax ca Sodoma ꞌimainun Egipto caquin anëcëribi ꞌicën, anu ꞌicë unicamaxa Sodoma ꞌimainun Egiptonu ꞌicë uníxa ꞌiásaribiti Nucën Papa Diosmi sináncëma ꞌain.

Apocalipsis 12:4

Aín ina chaira anun ca maë́ncësoquin ꞌispacama nëbë́tsi, rabë́ ꞌimainun achúshi oquin tëacësa ꞌaíshbi amo ꞌicë achúshi menua nipacënun rëupaxa. Usoquin ꞌispa rëupatancëx ca bacënia aín tuá ꞌenux, tuñu xanu bëmánon niracëaxa.

Apocalipsis 16:19

ꞌIcëbë ca Babilonia cacë ëma, ax achúshi ꞌaíshbi rabë́ ꞌimainun achúshisa ꞌitánun tuquimainun camabi menu ꞌicë ëma chanu ꞌicë xubucamax rurucubuaxa. Usaribi oquin ca Nucën Papa Diosan Babilonianu ꞌicë unicamami nishquin, atun ñu ꞌatima ꞌacë a manucëma ꞌixun paë tanía tëmëratanun castícanxa.

Apocalipsis 18:2

Ai ca munuma banai quiaxa: —Babilonianu ꞌicë unicaman ꞌaisamaira oquin ñu ꞌatima ꞌacë ꞌixun ca bëtsi mecamanu ꞌicë unicamanribia usaquin ꞌanun sinánmiaxa. Camabi nëtënu ꞌicë ꞌapucamaxribi ca Babilonianu ꞌicë unicaman ꞌaia isi aín unicamabë usaribiti ꞌi cuëëanxa. Babilonianu ꞌicë an ñu marucë unicamax ca ꞌitsa ñu upíira ꞌimainun cupíira bianan maruanan aín nuitunën upí oquin sinanima ꞌitsa curíquiñuishi ꞌiti sinánxa. Atúxa usai ꞌia isi ca camabi menu ꞌicë an ñu marucë uni, Babilonianu ꞌicë ñu biquin marui ꞌitsa curíquiñu ꞌiaxa. A ëmanu ꞌicë unicamaxa usai ꞌi ꞌaisama ꞌicë ca Nucën Papa Diosan ñusmoxa. Ñusmocëbë ca anu ꞌicë xubucama rurucubuaxa. Usa ꞌain ca ñunshin ꞌatimacama anu bërí ꞌia, uisaira ñunshin ꞌatimacama cara, ax ca anu ꞌia, ꞌimainun ca uisa ñu pëchiu ꞌatima cara unin cuëëncëma, axribi anu ꞌia.