Apocalipsis 16:14 - Kashibo-Kakataibo Biblia

¹⁴ A ñunshin ꞌatimacama tuan tita iscësa, acaman ca unicama paránuxun unin ꞌacëma ñu ꞌaxa. Usoquin ꞌanan ca camabi menu cuanquin, anu ꞌicë ꞌapucama aín suntárucamaxa bëtsi menu ꞌicë suntárubë ꞌacananux tsuáquirunun sinánmiaxa. Usa ꞌixun ca camabi uni timëaxa, axa aín cushi chaira ꞌaish bëtsi cushisamaira Nucën Papa Dios, an anun ꞌaisamaira oquin atu castícanti nëtë sënë́ncëbëtan.

Nukën 'Ibu Diosan ain unikama 'inan ain bana

¹⁴ A ñunshin 'atimacama tuan tita iscësa, acaman ca unicama paránuxun unin 'acëma ñu 'axa. Usoquin 'anan ca camabi menu cuanquin, anu 'icë 'apucama aín suntárucamaxa bëtsi menu 'icë suntárubë 'acananux tsuáquirunun sinánmiaxa. Usa 'ixun ca camabi uni timëaxa, axa aín cushi chaira 'aish bëtsi cushisamaira Nucën Papa Dios, an anun 'aisamaira oquin atu castícanti nëtë sënë́ncëbëtan.

Apocalipsis 16:14 ပူးပေါင်းရင်းမြစ်များ

1 Reyes 22:6

Ësakin kakëxun ka Ahab Israel unikaman ꞌapu an Dios kikë bana uni ñuixunkë unikama cuatrocientos ꞌiti ꞌurama a timëtankëxun ñukákëxa: —¿Ramot ëmanu ꞌikë suntárukama an Galaad me bërúankë atubë karana ꞌakánanti ꞌain karana ꞌakanantima ꞌain? Kakëxun ka atun kakëxa kamina ꞌakánanti ꞌain, Nukën ꞌIbun ka mi ꞌaia ꞌakinti ꞌikën.

Mateo 24:14

Uicamax cara ꞌëmi catamëtia acamax ca Nucën Papa Diosan nëtënu ꞌëbë ꞌiti ꞌicë quixun ꞌën mitsu cacë bana ënë ca ꞌën unicaman camabi menu ꞌicë unicaman cuanun ñuixunti ꞌicën. Usaquian camabi menu ꞌicë unicama ñuixuncëbë ca ꞌëx utëcëncëbë ënë mecama cëñúnuxun ꞌaia.

Mateo 24:24

Anúan usoquin unicaman tëmërati nëtë ucëbëtan ca unin ax asérabi ama ꞌixunbi —ꞌëx cana Cristo ꞌai —quixun paránti sinánquin unicama canuxun ꞌaia. Usaribiquin ca uni raírinën cëmëquin —ꞌën cana Nucën Papa Dios quicë bana unicama ñuixunin —quixun unicama canuxun ꞌaia. Cana ca unicama paránti sinánquin, uni itsían ꞌacëma ñu ꞌanuxun ꞌaia. ꞌAquin ca Nucën Papa Diosan ainan ꞌinun caíscë unicamaribi paránti sinánuxun ꞌaia.

Marcos 13:22

Anúan usoquin unicaman tëmërati nëtë ucëbëtan ca unin ax asérabi ama ꞌixunbi —ꞌëx cana Cristo ꞌai —quixun paránti sinánquin unicama canuxun ꞌaia. Usaribiquin ca uni raírinën cëmëquin —ꞌën cana Nucën Papa Dios quicë bana unicama ñuixunin —quixun unicama canuxun ꞌaia. Canan ca unicama paránti sinánquin, uni itsían ꞌacëma ñu ꞌanuxun ꞌaia. ꞌAquin ca Nucën Papa Diosan unicamaribi paránti sinánuxun ꞌaia.

Lucas 2:1

Ënë menua Jesús uti ca ësai ꞌiacëxa: Romanu ꞌicë ꞌapu, César Augusto, aín bana ca cuacocancëxa, camabi unix ca aín anë quiricanu ꞌai cuanti ꞌicë quixun.

Juan 8:44

Mitsun papax ca ñunshin ꞌatimanën ꞌapu ꞌicën. Ainan ꞌixun camina axa cuëëncësa oquinshi ꞌaisa tanin. An ca nëtë ióñubi uni ꞌati sináncëxa. Ax ca cëmë ꞌaish axa ꞌiásabi cëmëia. Cëmëi ca an sináncësa oquinshi sinani banaia. Ainra ca cëmë́ntapun ꞌixun unían uni itsi cëmëquin paránun ꞌimia.

Romanos 1:8

Ësoquin pain cana mitsu cain, mitsux camina asérabi Jesucristomi catamëti quixun camabi menu ꞌicë unicaman chanioia cuaquin, cana ꞌëxribi Jesucristonan ꞌixun Nucën Papa Dios —asábi ca —quixun caquin a rabin.

2 Tesalonicenses 2:9

Cëmëi paránanti ꞌunáinra uni ax ca ñunshin ꞌatimanën ꞌapu, Satanás, an ꞌimicëx aín cushibë uti ꞌicën. Uquin ca cushiira ꞌixun unían ꞌacëma ñu ꞌitsaira aín cushínbi ꞌaquin uni paránti ꞌicën.

1 Timoteo 4:1

Nucën Papa Diosan Bëru Ñunshin Upitan ca nu upí oquin ꞌunánun ꞌunánmia, Jesucristo utëcënti nëtë ꞌurama ꞌain ca ñunshin ꞌatima, an uni paráncë, acaman sinananmicëxun, uni raírinën ꞌatima ñu ꞌaquin Jesucristomi catamëti ënti ꞌicë quixun.

Santiago 3:15

Usaquin sináncë unix ca Nucën Papa Diosan sinánmicëma ꞌicën. Ax ca an ënë menu ꞌicë ñuishi sináncë unin sináncësa ꞌicën. Ñunshin ꞌatimanën sinánmicë ca usa uni ꞌicën.

1 Juan 5:19

Cananuna ꞌunanin, nuxnu Nucën Papa Diosnan ꞌaínbi ca camabi menu ꞌicë unicamax ainanma ꞌaish ñunshin ꞌatimanën ꞌapunan ꞌicë quixun.

Apocalipsis 12:9

Anua atux ꞌiti ꞌaíma ꞌain ca pianancë ñuina chaira maxë capë́sa a aín ángelcamacëñunbi Nucën Papa Diosan chiquínxun menu niaxa. A capë́sa ñuina ax ca an bëráma Nucën Papa Diosan uniotabatia uni paran ꞌaish ñunshin ꞌatimanën ꞌapu, Satanás, an camabi menu ꞌicë unicama paráncë a ꞌicën.

Apocalipsis 13:3

ꞌËn iscëx ca a parúnpapanuax uax ꞌirucë ñuinacanꞌëo aín maxcá achúshi, unin motisama oquin tëacësa ꞌaíshbi mooxa. Mocëbë ratúquin ca camabi menu ꞌicë unin —cushiira ca ax ꞌicë —quixun sinánxa. Usaquin sinánquin ca aín bana cuaxa.

Apocalipsis 16:16

Ñunshin ꞌatimacama tuan tita iscësa, an sinánmicëx ca camabi menu ꞌicë ꞌapucama ꞌimainun aín suntárucamax Armagedón cacë me anu timë́axa. A mex ca hebreo banan Armagedón cacë ꞌicën.

Apocalipsis 16:7

Usaquin cuanan cana anuxun tsëpasa ñu sanutanun nëënti, anuax ësai qui banaia cuan: —Usa ca. Nucën ꞌIbu Dios ꞌaish camina min cushi chaira ꞌaish, bëtsi cushisama ꞌain. Min sinan upíira ꞌixun camina uisa caramina oti ꞌai usoquin ꞌan. Mixmi ñu ꞌatima cuëëncëma cupí camina usoquin ꞌan.

Apocalipsis 17:14

Acamax ca Carnero ꞌicësaribitia unin ꞌucha cupí bama abë ꞌacananti ꞌicën. ꞌAcananquin ca Carnero ꞌicësaribitia unin ꞌucha cupí bama, ax cushiira ꞌaish, ꞌibucaman ꞌIbu ꞌianan ꞌapucaman ꞌApu ꞌixun axa abë ꞌacanancëcama ñusmoti ꞌicën. Axa abë ꞌicëcaman ca a amia catamënun caísquin Nucën Papa Diosan sinánmicë ꞌixun uisai cara ñu ꞌicëbëtanbi a ëncëma ꞌicën. Usa ꞌixun ca Carnero ꞌicësaribitia unin ꞌucha cupí bama abë ꞌicëcaman axa abë ꞌacanancëcama ñusmoti ꞌicën.

Apocalipsis 20:8

Chiquítancëxun ca camabi menu ꞌicë unicama paránquin bëtsi oquin sinánmiti ꞌicën. Usoquin ꞌanan ca Gog cacë ꞌapu ꞌimainun Magog cacë ꞌapu ꞌimainun aín unicama paránquin tsuáquirumiquin axa Nucën Papa Diosmi sináncë unicamabëa ꞌacananun timëti ꞌicën. An timëcë unicamax ca ꞌaisamaira ꞌaish parúnpapa masisaribi ꞌiti ꞌicën.

Apocalipsis 3:10

Mitsun camina uisa ñu cara ꞌicëbëtanbi ꞌëmi catamëanan ꞌën bana quicësabi oquin ꞌati ëncëma ꞌain. Usaími ꞌicë cupí cana anúan unicama paë tani tëmërati nëtëa ucëbëmi tëmëraxma ꞌinun mitsu ꞌimiti ꞌain.