Apocalipsis 14:13 - Kashibo-Kakataibo Biblia

¹³ Usai ángel banaia cuatancëxun cana naínuaxa ësaquin ꞌë cai banaia cuan: —Ënë bana ca cuënëot: Ax Nucën ꞌIbu Jesucristomi catamëcë unicamax ca bamatancëx chuámarua tani cuëënti ꞌicën. Naínuaxa banai quicësaribi oi ca Nucën Papa Diosan Bëru Ñunshin Upí ësai quia: Usa unicaman ca bamatancëxun tëmëratëcënquin paë tantëcëntima ꞌicën. Añu ñucama cara Jesucristonan ꞌixun a ꞌaxuanxa, acama ca Nucën Papa Diosan manuquinma sinania. Usa ꞌain ca a unicama chuámarua tani cuëënti ꞌicën.

Nukën 'Ibu Diosan ain unikama 'inan ain bana

¹³ Usai ángel banaia cuatancëxun cana naínuaxa ësaquin 'ë cai banaia cuan: —Ënë bana ca cuënëot: Ax Nucën 'Ibu Jesucristomi catamëcë unicamax ca bamatancëx chuámarua tani cuëënti 'icën. Naínuaxa banai quicësaribi oi ca Nucën Papa Diosan Bëru Ñunshin Upí ësai quia: Usa unicaman ca bamatancëxun tëmëratëcënquin paë tantëcëntima 'icën. Añu ñucama cara Jesucristonan 'ixun a 'axuanxa, acama ca Nucën Papa Diosan manuquinma sinania. Usa 'ain ca a unicama chuámarua tani cuëënti 'icën.

Apocalipsis 14:13 ပူးပေါင်းရင်းမြစ်များ

Salmos 19:11

ꞌIanan ka a banakamaxribi an ꞌë ꞌunánmikë ꞌikën, usa ꞌain kana ñu ꞌaisama ꞌaisa tankinbi, min uni ꞌixun ax kikësokinbi ꞌati ꞌain.

Isaías 35:10

a unikamax ka Nukën ꞌIbun ainan ꞌinun bitëkënkë unikama ꞌiti ꞌikën; usa ꞌaish ka Jerusalén ëmanu atsini kantai kuëënkanti ꞌikën, usai ꞌika anu kuëëni xënibua ꞌaínbi tsóti ꞌikën. Usai kuëëni chuámarua tani anu tsókëbë ka uínsaranbi masá nuituti inkë ax atunu ꞌitëkëntima ꞌikën.

Mateo 3:17

Usai ꞌicëbëtan ca Jesusan naínuaxa banaia cuacëxa, ësai qui: “Ënëx ca ꞌëx amiira sináncë bacë bëchicë ꞌicën. Ami sinani cana chuámarua tani cuëënin”.

Lucas 16:25

Cacëxun ca Abrahamnën ñuñu ꞌiá uni cacëxa: Mix bamacëma pain ꞌaish camina Lázaronëxa ñuñuma ꞌianan ꞌinsíncë ꞌaish nuibacamainun mix ꞌitsa ñuñu ꞌianan ꞌinsíncëma ꞌaish upitax tsoócën. Usai ꞌiá ꞌaíshbi ca bërí mixmi ꞌaisamaira paë tani tëmëramainun Lázaro ax asábiira ꞌicën.

Lucas 16:9

ꞌËn cana mitsu cain, mitsun curíqui anun camina uni itsi ꞌaquinsa ꞌicë ꞌaquinti ꞌain. ꞌAquincëx mitsubë nuibanancë ꞌianan ꞌënan ꞌaish bamatancëxun ca mitsúxribimi ꞌëbë ꞌinun, ꞌën ꞌiti anuxun mitsu caínti ꞌicën.

Romanos 14:8

Usa ꞌaish cananuna nux bamacëma pain ꞌaish Nucën ꞌIbu Jesucristo cuëëncësabi oi ꞌin. ꞌIanan cananuna nux anun bamati nëtë ucëbë ax cuëëncësabi oi abë ꞌinux bamati ꞌain. Nuxnu tsotax ꞌicësaribiti cananuna bamatancëxribi aín uni ꞌain.

1 Corintios 15:18

Cristo baísquiama ꞌain ca axa ami catamëti bama unicamax abëma ꞌitsíanxa.

1 Corintios 15:20

Usama ca. Bamatancëxbi ca Cristo asérabi baísquiacëxa. Cristo baísquia usaribiti ca axa ami catamëcë unicama bama ꞌaíshbi ax utëcëncëbë baísquinuxun ꞌaia.

1 Corintios 15:58

ꞌËn nuibacë xucë́antu, uisa ñu cara ꞌicëbëbi camina ëníma ami catamëti Nucën ꞌIbu Jesucristo cuëëncësabi oi ꞌiquin aín bana unicama ñuixunti ꞌain. Camina ꞌunanin, usaquinmi Cristonëan cushiocëxun ꞌacë ax ca ñancábimi ꞌacëma ꞌicën. Usaquin ꞌunánquin camina ënquinma mitsun ꞌacësamaira oquin nëtë camabi ꞌati ꞌain.

2 Corintios 5:8

Usa ꞌaish cananuna —an ca abë ꞌinun nu ꞌimiti ꞌicë —quixun ꞌunani chuámashi tani cuëënin. Usai ꞌi cananuna ënë nëtënu ꞌima Nucën ꞌIbu Jesúsbë aín nëtënu ꞌiisa tanin.

Filipenses 2:17

Mitsun camina tëmëraquinbi Jesucristomi catamëquin ax cuëëncësabi oquin ꞌaquin Nucën Papa Dios rabin. Mitsúxmi usai ꞌicëbë cana ꞌën mitsu ꞌaquincë cupí mitsux ꞌicësaribiti cuëënin. Cristomi sináncë cupí sapi cana bamati ꞌai quixun ꞌunanibi cana masá nuitutíma mitsúxmi ꞌicësaribiti cuëënin.

1 Tesalonicenses 4:14

Jesús ax ca bamatancëx baísquiacëxa quixun ꞌunáncë ꞌixun cananuna, a ꞌimiasaribi oquin ca axa ami catamëcë ꞌaish bama unicama Jesucristo utëcëncëbëtan Nucën Papa Diosan baísquimiti ꞌicë quixun ꞌunanin.

1 Tesalonicenses 4:16

Nucën Papa Dios axbi quicëbëtan, aín ángelcaman cushi an munuma banaquin aín manë banañu, anun Nucën Papa Dios rabiti, a bana obëtsinmainun ca Nucën ꞌIbu Jesucristo axbi naínuax unuxun ꞌaia. Usai ꞌicëbë ca axa Jesucristomi catamëcë ꞌaish bama unicamax pain baísquiti ꞌicën.

1 Tesalonicenses 5:10

Jesucristo ax ca nuxnu bamacëma pain ꞌaish abë ꞌianan bamatancëxbi abë tsónun nu cupí bamacëxa.

1 Timoteo 5:24

Uni raírinëan unë́quinma ñu ꞌaisama ꞌaia ca a unicama policíanën buáncëma ꞌaínshi unin isia. Isananbi ca uni raírinënribi unë́xun ñu ꞌaisama ꞌaiabia policíanën a unicama buáncëbëtan cuni unin ꞌunania.

1 Timoteo 5:25

Usaribiquin ca unían ñu upíshi ꞌaia camabi unin isia. Usaquian iscëma ꞌaíshbi ca unían upí oquin ꞌacë ñu ax raíri unían ꞌunáncëma ꞌitima ꞌicën.

Apocalipsis 1:11

Banai ësai quia cana cuan: —ꞌËx cana uisa ñubia ꞌaíma ꞌaínbi ꞌiacën, usa ꞌaish cana ënë menu ꞌicë ñucama cëñúcëbë usabi ꞌiti ꞌain. Usa ꞌaish cana a pain ꞌunánti bana “A” ꞌimainun tsiánquinribi ꞌunánti bana “Z” asaribi ꞌain. Ënuxunmi min iscë ñucama ñuiquin camina quiricanu cuënëoti ꞌain. Cuënëotancëxun camina axa ꞌëmi sinani ꞌëmi catamëcë unicama, mëcën achúshi ꞌimainun rabë́ ëmanu ꞌicë, acamami cuënëocë quirica buánmiti ꞌain, Efeso, Esmirna, Pérgamo, Tiatira, Sardis, Filadelfia, Laodicea, a ëmacamanu ꞌicë unicama a.

Apocalipsis 10:4

Caná banacëbëtan a banacama cuënëoti ꞌixunbi cana naínuaxa ësai banaia cuan: —Canacaxa quicëcama camina uisai quicë cara quixun unin ꞌunánun cuënëotima ꞌain.

Apocalipsis 11:15

Usa ꞌain ca a ángelnënbi aín manë banañu banoxa. Banocëbëtan cana naínuax sharati munuma banaia ësai quia cuan: Bërí ca Nucën ꞌIbu Dios ꞌimainun Cristo, Nucën Papa Dios an uni ië́minun caísa, axëshi ꞌApu ꞌia. Nëtë́timoi usabi ꞌinux ca ꞌia.

Apocalipsis 11:19

Usai ꞌicëbë ca naínu ꞌicë anuxun Nucën Papa Dios rabiti xubu aín xëcuë xëoquiaxa. Xëoquicëbëtan cana bunánti, anua Nucën Papa Diosan cuënëo maxax pará rabë́ nancë, a isan. Iscëbëa munuma caná mëriti banacëbë ca bëtsi ñuribi sharámainun mecama shaíquiaxa. ꞌImainun ca ꞌuí ꞌaíshbi matsiira ꞌaish iru ax rëucubuaxa.

Apocalipsis 16:17

Usai ꞌicëbëtan ca anuxun Nucën Papa Dios rabiti xubunuax chiquícë ángel itsínribi aín xanpanu ꞌicë ñu tutucaxa. Tutucacëbëa naínu ꞌicë anuxun Nucën Papa Dios rabiti xubu anua Nucën Papa Dios ꞌicë anuax ësai banaia cana cuan: —Anuishi sënë́nquin cana ꞌan.

Apocalipsis 19:9

Usai quicëbëtan ca ángelnën ꞌë caxa: —Ësaquinribi ca cuënëot: “Uicamax cara Carnero ꞌicësaribitia unin ꞌucha cupí bama, anúan aín unicama abë ꞌiti nëtë́an abë ꞌinun camicë ꞌicë, acamax ca cuëëinra cuëënti ꞌicën, unían xanu biquin abëtan pi unun camicë unicamax cuëëncësamaira oi”. Ësaquinribi ca ꞌë caxa: —Ënë bana a ꞌën mi cacë ax ca Nucën Papa Diosaxa quicë ꞌicën. Ca asérabi ꞌicën.

Apocalipsis 2:1

Catancëxun ca ësaquinribi ꞌë caxa: —An axa Efesonuax ꞌëmi catamëcë unicama ꞌë ñui quicë bana ñuixuncë uni, a buánminuxun camina ësoquin cuënëoti ꞌain: An aín mëcën mëqueu ꞌicë anun mëcën achúshi ꞌimainun rabë́ ꞌispa tuíncë ꞌianan axa mëcën achúshi ꞌimainun rabë́ anu lamparín nanti nëbë́tsi nicë, Jesús, an ca anuaxa timë́cë unicamami ësaquin a caxúnun quixun mi caia:

Apocalipsis 2:7

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana, ënë aín nuitunënbi sinánquin upí oquin cuati ꞌicën. An ꞌëmi catamëquin ꞌëx cuëëncësabi oi ꞌiti ëncëma uni, a cana Nucën Papa Diosan nëtënu ꞌicë i, aín bimi a cüax bamatima, a cunun ꞌinánti ꞌain.

Apocalipsis 20:6

Uicamax pain cara baísquicë ꞌicë, acamax ca Nucën Papa Diosan ꞌimicëx aín nuitu upíira ꞌaish cuëëinra cuëënti ꞌicën. Bamatëcëntimoi ca xënibua ꞌaínbi Nucën Papa Diosbë ꞌiti ꞌicën. Bamatëcëntimoi ca Nucën Papa Dios ꞌimainun Cristo cuëënquin rabianan abë mil baritian ꞌapu ꞌiti ꞌicën.

Apocalipsis 21:5

A bana ꞌën cuacëbë ca Nucën Papa Dios, axa anu ꞌApuira ꞌaish tsócë, ax ësai quiaxa: —Camina ꞌunánti ꞌain, cana camabi ñu ió ꞌinun ꞌatëcënin. Quianan ca ësairibi quiaxa: —ꞌËx quicësabi oi ca asérabi ꞌiti ꞌicën. Usa ꞌain camina ꞌëx quicë banacama ënë cuënëoti ꞌain.

Apocalipsis 22:17

Usoquin caia ca Carnero ꞌicësaribitia unin ꞌucha cupí bama, Cristo, amia ax catamëcë unicamabëtan Nucën Papa Diosan Bëru Ñunshin Upitan —bënëtishi ca ut —quixun a caia. An atun bana cuacë unicamanribi ca —bënëtishi ca utëcën —quixun a cati ꞌicën. Shimaia uni ꞌunpax ꞌacatsi bënë́cësa usaribitia ax Jesuscristonan ꞌicatsi bënë́cë uni, an ca ami catamëquin Jesucristo —ëx cana minan ꞌiisa tani —quixun cati ꞌicën. Usaía ꞌia ca Cristonën ainan ꞌimianan xënibua ꞌaínbi abë ꞌinun ꞌimiti ꞌicën, cupímashi.

Apocalipsis 6:11

Usai quia Nucën Papa Diosan ꞌináncëxun ca acama achúshi achúshinën chupa uxua biaxa. ꞌInáncëxuan bicëbëa ësoquin atu cai banaia cana cuan: —Mitsu ꞌacësaribi oquin axa Cristomi catamëcë raíri uniribi, unin ꞌaquin sënë́ontamainun, camina caínpainti ꞌain.