Apocalipsis 13:10 - Kashibo-Kakataibo Biblia

¹⁰ Uicaman cara uni itsi sipuanun ꞌinania, acamaxribi ca sipuacë ꞌiti ꞌicën. An uni itsi manë xëtocën ꞌacë uni, a ca bëtsi unínribi usaribi oquin ꞌati ꞌicën. Usa ꞌaínbi ca axa Nucën Papa Diosmi catamëcë unicaman uisai cara ñu ꞌicëbëtanbi Nucën Papa Diosmi sinánti ëntima ꞌicën.

Nukën 'Ibu Diosan ain unikama 'inan ain bana

¹⁰ Uicaman cara uni itsi sipuanun 'inania, acamaxribi ca sipuacë 'iti 'icën. An uni itsi manë xëtocën 'acë uni, a ca bëtsi unínribi usaribi oquin 'ati 'icën. Usa 'aínbi ca axa Nucën Papa Diosmi catamëcë unicaman uisai cara ñu 'icëbëtanbi Nucën Papa Diosmi sinánti ëntima 'icën.

Apocalipsis 13:10 ပူးပေါင်းရင်းမြစ်များ

Isaías 33:1

¡Mitsun bëtsi unikama masókin ꞌatimokë ꞌikëbi ka mitsu bëtsi unikaman masókin ꞌatimokëma ꞌikën; Mitsun kamina bëtsi unikama ꞌatimo ꞌaínbi ka bëtsi unikamanribi mitsu ꞌatima okëma ꞌikën! Uínsaran kaina bëtsi uni masókin ꞌakin këñuin, anun ka bëtsi unikamanribi mitsu masókin ꞌati ꞌikën; uínsaran kaina bëtsi unikama mi ꞌakësabi okin ꞌati sinánxun ꞌaima, anun ka bëtsi unikaman mi ꞌati ꞌikën.

Jeremías 15:2

Kakëxua uinu karanuna kuanti ꞌai kixun ñukákëxun kamina, ꞌën mi kakë ësokinbi kati ꞌain: Uix kara ꞌinsinan bamati nankë ꞌikë, ax ka anunbi bamati ꞌikën; ꞌimainun ka uix kara ꞌakánanti nankë ꞌikë ax ꞌakanani bamati ꞌikën, ꞌianan ka uix kara numin bamati nankë ax numinbi bamati ꞌikën; ꞌianan ka uix kara axa ami nishkë unikaman ñatanbiankin buánti nankë ꞌikë ax ñatanbiankin buánkë ꞌiti ꞌikën.

Habacuc 2:3

Kamina kuënëoti ꞌain, anúan ꞌiti nëtë ka ꞌikëmapan ꞌikën, usa ꞌaínbi kana anúan ꞌiti nëtë ꞌikëbëtan mi ismiti ꞌain; ꞌaínbi kana ꞌëx kikësa okinbi ꞌati ꞌain. Usa ꞌain kamina min basikëbëtanbi uisaran kara a ñukama ꞌia kaínti ꞌain. Usa ꞌain ka anúan ꞌiti nëtë aka ꞌiti ꞌikën.

Mateo 26:52

Pabíscaiabi ca Jesusan cacëxa: —Min manë xëtocë a ca aín xacánu ꞌarutëcën. Axa manë xëtocën ꞌacanancë unicama ax ca anúnribi ꞌacë ꞌiti ꞌicën.

Mateo 7:2

Mitsúnmi uni itsin ñu ꞌaia isquin a uni ꞌuchoia ca Nucën Papa Dios ꞌimainun unínribi, mitsúnribi caramina uisa ñu ꞌai quixun isti ꞌicën. Mitsun —min usa ñu ꞌati ca ꞌaisama ꞌicë —quixun uni itsi cacë ꞌixunbi usaribi oquin ꞌaia ca Nucën Papa Dios ꞌimainun unínribi mitsúnmi bëtsi uni ꞌuchocësaribi oquin mitsu ꞌuchoti ꞌicën.

Lucas 21:19

Tëmëraquinbi ꞌëmi catamëti ëncëma ꞌaish camina ꞌën Papa Diosan nëtënu ꞌëbë ꞌiti ꞌain.

Colosenses 1:11

ꞌAnan cananuna ax cushiira ꞌixúan, uisa ñu cara ꞌicëbëbi bënëtima cuëënquin tanshinuan mitsu ꞌaquinun quixun a mitsu ñucáxunin.

Hebreos 6:12

Mitsúxmi chiquish ꞌiti cananuna cuëëniman. Cananuna cuëënin, Nucën Papa Diosan aín quicësabi oquin ꞌaquincë́xa aín uni raírinëx a ëníma ami catamëti upiti ꞌia isími usaribiti ꞌiti.

Apocalipsis 1:9

ꞌËx Juan ꞌaish cana mitsúxmi ꞌicësaribiti Jesúsnan ꞌaish mitsun xucë́nsa ꞌain. Mitsúxmi ꞌicësaribiti cana Jesucristonan cupí, unin ꞌatimocë ꞌaíshbi asérabi Nucën Papa Diosan uni ꞌain. Mitsu ꞌacësaribi oquian an cushiocëxun cana uisa ñu cara ꞌicëbëbi bënë́quin ami catamëti ëniman. Usa ꞌixun Nucën Papa Diosan bana ñuixuanan, Jesús ñui quicë banaribi uni ñuixuncë cupí cana Patmos cacë nasínu sipuacësa ꞌinun unin ëncë ꞌain.

Apocalipsis 11:18

Axa mimi sináncëma unicamax ca mimi xuamati nishaxa. Nishcë ꞌaínbi ca anun min uisoquin caramina atu ꞌati ꞌai, usoquin ꞌati nëtë uaxa. Anun min camabi uni bama ꞌaíshbia baísquicë isti nëtë ca uaxa. An mix quicë bana uni ñuixuncë unicama, ꞌimainun axa min aín ꞌuchacama tërë́nun mimi catamëcë ꞌixun min bana cuacë unicama, aín cushi unicama ꞌimainun cushima unicamaribi, camabi isquinmi anun mibëa ꞌinun biti nëtë ca uaxa. ꞌImainun ca anúan ꞌuchañu unicama anua atun ñu ꞌatima ꞌacë cupí camabi ꞌuchañu uni ꞌiti anu cuanti nëtëribi uaxa.

Apocalipsis 14:12

Usa ꞌain ca Nucën Papa Diosan unicama, an aín bana quicësabi oquin ꞌanan Jesúsmi catamëcë, acaman uisai cara ñu ꞌicëbë tëmëraquinbi asérabi ami sinánti ëntima ꞌicën.

Apocalipsis 16:6

Minmi usoquin tëmëramicë unicama an ca min uni ꞌitsaira ꞌanan an mixmi quicë bana uni ñuixuncë uni ꞌitsaira bamamiaxa. Usaquian ꞌacë cupí camina a xëanun imi ꞌinan. Atun ꞌucha cupíbi ca usai ꞌia.

Apocalipsis 17:11

Acamax achúshi achúshinëx ꞌicëbë ca acama ꞌicësaribi ꞌaíshbi bëtsi axribi ꞌapu ꞌiti ꞌicën. Ax ca ñuinacanꞌëo, anu a xanu tsócë, axa ꞌiá ꞌaíshbi nëtë́cë, a ꞌiti ꞌicën. ꞌApu ꞌitancëx ca anu ax xënibua ꞌaínbi paëira tani tëmërati anu cuanti ꞌicën.

Apocalipsis 17:8

A ñuinacanꞌëo a min iscë, ax ca ꞌiacëxa, ꞌaíshbi ca bërí ꞌaíma ꞌicën. Ca quini cha nëmíinra anu ꞌicën. Anu ꞌaíshbi ca anu xënibua ꞌaínbi paëira tani tëmërati anu cuanux, quini cha nëmíinra anuax chiquíti ꞌicën. A ñuinacanꞌëo anua xanu tsócë, axa parúnpapanu ꞌia, axa anu ꞌiá, ꞌaíshbi nëtë́a ꞌaish utëcënia isi ca a Nucën Papa Diosan nëtënu ꞌiti oquin nëtë ióñubi aín anë cuënëoma unicama, ax ratúira ratúti ꞌicën.

Apocalipsis 2:19

Mitsúnmi ñu ꞌacëcama cana ꞌunanin, camina ꞌëmi catamëti bëtsibë nuibanani ꞌëx cuëëncësabi oi ꞌin. Uisai cara ñu ꞌicëbëtanbi camina ꞌëmi sinánti ëncëma ꞌain. ꞌËmi catamëtabaquinmi ꞌacësamaira oquin camina bërí mitsun ꞌëx cuëëncësabi oquin ñu ꞌain.

Apocalipsis 2:2

Mitsúnmi ñu ꞌacëcama cana ꞌunanin, chiquíshquinma camina ñu upí ꞌain. Uisa ñu cara ꞌicëbëtanbi camina ꞌëmi sinánti ëncëma ꞌain. An ñu ꞌaisama ꞌacë unicama timaquin camina an ꞌacësaribi oquin ꞌaiman. Usai ꞌiquin camina uni raíri axa —ꞌë ca Nucën Papa Diosan aín bana unicama ñuixunun ꞌimia —quicë, ax cara asérabia Nucën Papa Diosan usoquin ꞌimicë ꞌicë quixun ꞌunánuxun isquinbi camina atúxbia cëmëi quia isan.

Apocalipsis 3:10

Mitsun camina uisa ñu cara ꞌicëbëtanbi ꞌëmi catamëanan ꞌën bana quicësabi oquin ꞌati ëncëma ꞌain. Usaími ꞌicë cupí cana anúan unicama paë tani tëmërati nëtëa ucëbëmi tëmëraxma ꞌinun mitsu ꞌimiti ꞌain.

Apocalipsis 3:3

Usoquin ꞌaquin camina mitsua ꞌën sinánmicëxun ꞌën unicaman ñuixuncë bana a sinánti ꞌain. A sinánquin camina a bana quicësabi oquin ꞌanan sinanaquin mitsun ñu ꞌatima ꞌacëcama ënti ꞌain. Usai ꞌicëbëma cana an ñu mëcamacë uníxa, unin sináncëbëmabi ucësaribicuatsini, ꞌëx mitsun ꞌunáncëma nëtën uisoquin carana ꞌati ꞌai usoquin mitsu ꞌai uti ꞌain.