Apocalipsis 11:19 - Kashibo-Kakataibo Biblia

¹⁹ Usai ꞌicëbë ca naínu ꞌicë anuxun Nucën Papa Dios rabiti xubu aín xëcuë xëoquiaxa. Xëoquicëbëtan cana bunánti, anua Nucën Papa Diosan cuënëo maxax pará rabë́ nancë, a isan. Iscëbëa munuma caná mëriti banacëbë ca bëtsi ñuribi sharámainun mecama shaíquiaxa. ꞌImainun ca ꞌuí ꞌaíshbi matsiira ꞌaish iru ax rëucubuaxa.

Nukën 'Ibu Diosan ain unikama 'inan ain bana

¹⁹ Usai 'icëbë ca naínu 'icë anuxun Nucën Papa Dios rabiti xubu aín xëcuë xëoquiaxa. Xëoquicëbëtan cana bunánti, anua Nucën Papa Diosan cuënëo maxax pará rabë́ nancë, a isan. Iscëbëa munuma caná mëriti banacëbë ca bëtsi ñuribi sharámainun mecama shaíquiaxa. 'Imainun ca 'uí 'aíshbi matsiira 'aish iru ax rëucubuaxa.

Apocalipsis 11:19 ပူးပေါင်းရင်းမြစ်များ

Salmos 105:32

ꞌImainun ka Diosan ꞌuñe ꞌibúnun ꞌimikinma, matsin tita bëruñu ꞌibúnun ꞌimianan ka, mëríru mëriruia tsi ëxku iskësai kaná a menu ꞌibúnun ꞌimiakëxa.

Isaías 28:2

Ësokin mitsu kamainun kamina kuati ꞌain: Nun ꞌIbun kaískë achúshi uni kushiira ka anu ꞌikën, ax ka matsi bëruñunëxa masákuatsinkë usaribi ꞌikën, ꞌianan ka nëtë masákuatsinkëbë ukian suñuanën ñu masókë usaribi ꞌianan, nëtë́timaira uñe ꞌibúkian me mapukë usaribi ꞌiti ꞌikën. Usa ꞌixun ka ꞌain mëkënan menu nipakëisokin ꞌanan,

Isaías 32:19

ꞌianan ka nikama unin tëapakin këñúkëbëbi ëmanu ꞌikë unikama rabinkë bërútima ꞌikën.

Números 10:33

Usa ꞌain ka Nukën ꞌIbun bashi Sinaí kakë anuax kuani rabë́ ꞌimainun achúshi nëtë ꞌikiani kuankëxa. Kuankian levita uni raírinën Nukën ꞌIbu Diosan bunántisa kurin ratakakakë anua aín ñukama purukë a rëkuë́mibiani kuani uinu kara tantiti ꞌikë kixun baribiamainun ka ꞌaisamaira uni atu kaxú kuankëxa.

Josué 10:11

ꞌAkëbëa amorreo suntáru rairinëxribi abati Bet-horón kakë ëma ratanbiani israel suntárukaman ꞌakëx abati kuankëbëtanbi ka Nukën ꞌIbun matsin tita aín bëru chaiirabu ꞌibúkin aín manë xëtokën israel suntárukaman ꞌakësamaira okin këñunun ꞌamiakëxa.

Apocalipsis 11:13

Usai ꞌicëbë ca me ꞌaisamaira shaíquiaxa. Shaíqui ca Jerusalén ëma nëbë́tsi rabë́, mëcën rabë́ oquin tëacësa ꞌaíshbi amo ꞌicë achúshi rurucubuaxa. Rurucubucëbë ca ꞌaisamaira uni siete mil bamaxa. Acama bamacëbëtan ca bamacëma unicaman racuë́quin, Nucën Papa Dios naínu ꞌicë rabiaxa.

Apocalipsis 11:15

Usa ꞌain ca a ángelnënbi aín manë banañu banoxa. Banocëbëtan cana naínuax sharati munuma banaia ësai quia cuan: Bërí ca Nucën ꞌIbu Dios ꞌimainun Cristo, Nucën Papa Dios an uni ië́minun caísa, axëshi ꞌApu ꞌia. Nëtë́timoi usabi ꞌinux ca ꞌia.

Apocalipsis 12:1

Usai ꞌicëbëtan cana achúshi ñu naínu ꞌicë isan, ax ca xanu ꞌiaxa. Xanu ꞌaíshbi bari mëu nicësa ꞌianan ca aín taë shimú ꞌuxë ꞌiaxa. Aín maxcánu ca mëcën rabë́ ꞌimainun rabë́ ꞌispa mañutiocë ꞌiaxa.

Apocalipsis 16:1

Usai ꞌicëbëtan cana anuxun Nucën Papa Dios rabiti xubu ꞌucë mëúcüax munuma banaquin a ángelcama caía ësai quia cuan: —Mitsun xanpa buani camina anu ꞌicë ñucama, anun Nucën Papa Diosan an ñu ꞌatima ꞌacë unicama castícanti, acama menu tutucai cuanti ꞌain.

Apocalipsis 16:18

Usai ꞌicëbë ca caná mëriti banacëbë bëtsi ñuribi sharámainun mecama shaíquiaxa, uisa nëtë́nbia unin tansamaira oi.

Apocalipsis 16:21

ꞌImainun ca ꞌuí ꞌaíshbi matsiira ꞌaish iru, acamax naínuax achúshi achúshinëx cuarenta (40) kilosa ꞌaish rëucubuaxa. Rëucubucëbëtan ꞌaisamaira oquin paë tani ca ami nishi a unicamax Nucën Papa Diosmi ꞌatimati banaxa.

Apocalipsis 19:11

Usaquin ángelnën cacëxun cana naí panárabëcë isan. Anuaxa caballo uxua chiquitia cana isan. Ax a caballonu tsócë, ax ca Aín Quicësabi Oquin ꞌAcë caquin anëcë ꞌianan ca An Uni Paráncëma caquin anëcë ꞌiaxa. Usa ax ꞌixun ca ꞌatima unicama a uisoquin cara ꞌaisa tania usoquin castícanan axa upí sinánñucama a upí oia.

Apocalipsis 4:1

A ñucama pain cuatancëxun cana xëcuë xëocacësa ꞌinuan naí panárabëcë isan. Isquin cana anun paían ꞌë cacë bana axa manë banañu banocë́xa banacësari banaia cuatëcëan, ësai qui: —Ënu ca ꞌirui ut, mixmi aia cana uisa ñucama cara ꞌiti ꞌicë quixun mi ismiti ꞌain.

Apocalipsis 4:5

Anu tsóti upíira upí anuaxa caná mëriti banaia cana cuan. Cuanan cana anuaxribia bëtsi ñuribi sharatia cuan. Anu Nucën Papa Dios ꞌicë aín bëmánoncüa, cana mëcën achúshi ꞌimainun rabë́ i tëacënu nanxun bimicë́xa ꞌapú rëquirucësaria rëquiruia isan. Isquin cana anu ca Nucën Papa Diosan Bëru Ñunshin Upí ꞌicë quixun ꞌunan.

Apocalipsis 7:15

Usa ꞌaish ca anua Nucën Papa Dios ꞌicë anubi ꞌicën. Anuxun ca nëtë́nbi, imë́bi rabiquin, ax cuëëncësabi oquin a ñu ꞌaxunia. Usoia ca Nucën Papa Dios ax ꞌApuira ꞌaish cushi ꞌixun, acama ënquinma bërúanti ꞌicën.

Apocalipsis 8:5

Usai ꞌicëbëtan ca ángelnën anuxun sanutanun tsëpasa ñu nëënti, anua tsisu rëquirucë biquin, a xanpanu ꞌaruquin buácatancëxun menu niaxa. Nicëbëa caná mëriti banacëbë ca bëtsi ñuribi sharámainun mecama shaíquiaxa.

Apocalipsis 8:7

Achúshi ángelnën pain ca aín manë banañu banoxa. Banocëbë ca ꞌuí ꞌaíshbi matsiira ꞌaish iru, a ꞌimainun tsi rëquirucë, acamabë imi mëscúcë, acamax meu nicëx rëucüaxa. Rëucucëbë ca ꞌaisamaira ꞌaíshbi mecama nëbë́tsi, rabë́ ꞌimainun achúshi oquin tëacësa ꞌaíshbi amo ꞌicë achúshi nëëmëti nëtë́axa. Icama ꞌimainun basi paxacamaribi nëbë́tsi, rabë ꞌimainun achúshi oquin tëacësa ꞌaíshbi, amo ꞌicë achúshi ca nëëmëaxa.