Apocalipsis 11:15 - Kashibo-Kakataibo Biblia15 Usa ꞌain ca a ángelnënbi aín manë banañu banoxa. Banocëbëtan cana naínuax sharati munuma banaia ësai quia cuan: Bërí ca Nucën ꞌIbu Dios ꞌimainun Cristo, Nucën Papa Dios an uni ië́minun caísa, axëshi ꞌApu ꞌia. Nëtë́timoi usabi ꞌinux ca ꞌia. အခန်းကိုကြည့်ပါ။Nukën 'Ibu Diosan ain unikama 'inan ain bana15 Usa 'ain ca a ángelnënbi aín manë banañu banoxa. Banocëbëtan cana naínuax sharati munuma banaia ësai quia cuan: Bërí ca Nucën 'Ibu Dios 'imainun Cristo, Nucën Papa Dios an uni ië́minun caísa, axëshi 'Apu 'ia. Nëtë́timoi usabi 'inux ca 'ia. အခန်းကိုကြည့်ပါ။ |
Apocalipsis 11:15
54 ပူးပေါင်းရင်းမြစ်များ
¡Naíkamë ꞌëo ax ka munuma kuëëni kuënkënti ꞌikën, usakian Nukën ꞌIbun ñu ꞌakë a isi! ¡Munuma kuënkëni ka me chaiira nankë́kë kamax unix ꞌikësaribiti ꞌiti ꞌikën! ¡Aín bashikama ꞌimainun ninu ꞌikë ikama axribi ka munuma unix ꞌikësai kuëënti ꞌikën, Nukën ꞌIbun ka aín kushi chaiira ismikin Israel unikama Jacobnën rëbúnkikama ië́miaxa usa ꞌain!
Ax ka anua David tsóa anubi tsóti ꞌikën; usa ꞌikë ka ax kushiira ꞌixuan ñu ꞌaia kamabi menuxun kuati ꞌikën ꞌimainun ka chuámarua uni tsóti ax këñutima ꞌikën; usa ꞌixun ka uínsaranbi axa ꞌapu ꞌia ax ënkëma anubi ꞌiti ꞌikën, usa ꞌain ka an ꞌakë ñukama ax upíokin ꞌakë ꞌianan, an bërí pëukin ñu ꞌakë ax uínsaranbi nëtë́tima usabi ꞌiti ꞌikën. Ësokin ka Dios kamabi kushiñuira an ꞌitsaira unikama nuibakin ꞌati ꞌikën.
Usa ꞌain ka ꞌën me ꞌinánkëx anu tsóti ꞌën unikamax ꞌënanshi ꞌiti ꞌikën; usa ꞌain kana mi kana nuibatima kixun kakin ꞌën Lo-ruhama, kakin anëkin Israelkama nuibati ꞌain, ꞌimainun kana. Lo-amí ꞌën unima kamina ꞌai kixun ꞌën kakë Israelkama bërí kamina ꞌën unikama ꞌai kixun kati ꞌain, kakëxun ka atun mix kamina ꞌën Dios ꞌai kixun ꞌë kati ꞌikën. Kiax ka Dios kiakëxa.”
Usaía ꞌicëbëtan cana Nucën Papa Diosan nëtënuaxa ësai munuma banaia cuan: —An ami catamëcë unicama, nucën xucë́antu, ꞌatimaquin ñuiquin nëtë́quinma nëtë́nbi ꞌimë́bi Nucën Papa Dios manóncë, ax ca ënua chiquíncë ꞌicën. Usa ꞌain ca bërí an aín cushínbi ainan ꞌinun uni ië́micë, Nucën Papa Dios, ainshi asérabi aín ꞌApu ꞌixun, aín unicama bërúanan Cristo atun ꞌIbu ꞌinun ꞌimiaxa.
Acamax ca Carnero ꞌicësaribitia unin ꞌucha cupí bama abë ꞌacananti ꞌicën. ꞌAcananquin ca Carnero ꞌicësaribitia unin ꞌucha cupí bama, ax cushiira ꞌaish, ꞌibucaman ꞌIbu ꞌianan ꞌapucaman ꞌApu ꞌixun axa abë ꞌacanancëcama ñusmoti ꞌicën. Axa abë ꞌicëcaman ca a amia catamënun caísquin Nucën Papa Diosan sinánmicë ꞌixun uisai cara ñu ꞌicëbëtanbi a ëncëma ꞌicën. Usa ꞌixun ca Carnero ꞌicësaribitia unin ꞌucha cupí bama abë ꞌicëcaman axa abë ꞌacanancëcama ñusmoti ꞌicën.
Acama istancëxun cana anu tsóti cha bëtsi bëtsi isan. Anu ca an uni raíri ñu upí cara ꞌaxa, ñu upíma cara ꞌaxa quixun isti, acama tsócë ꞌiaxa. Acama isanan cana axa —ꞌëx cana Jesúsnan ꞌai —quiquin bana ñuixuncë cupí tëbíscacë unicama, ꞌimainun axa Nucën Papa Diosan bana cuacë cupí tëbíscacë unicama, acaman ñunshínribi isan. Acamax ca ꞌitsa maxcáñu ꞌianan ꞌitsa matúxca ñuinacanꞌëo a rabima, ꞌianan a tanquin unin ꞌacë ñu a rabima, ꞌianan ainan ꞌinun ꞌunántioquin aín bëmánan ꞌimainun aín mëcën cuënëocëma ꞌiaxa. ꞌËn iscëx ca acamax bama aíshbi baísquiaxa. Baísquitancëx ca Cristobë mil baritia ꞌapu ꞌiaxa.
Usai ꞌicëbëtan ca bëtsi ángelnënribi aín manë banañu banoxa. Banocëbë ca bari, ꞌuxë ꞌimainun ꞌispacamaribi ꞌitsa ꞌaíshbi nëbë́tsi rabë́ ꞌimainun achúshi oquin tëacësa ꞌaíshbi amo ꞌicë achúshi bënamëti pëquicëma ꞌicën. Usa ꞌain ca nëtë ꞌimainun imë́ribi nëbë́tsi rabë ꞌimainun achúshi oquin tëacësa ꞌaíshbi amo ꞌicë achúshi bari, ꞌuxë, ꞌispacaman pëcacëma ꞌiaxa.
ကြော်ငြာတွေ