Amós 9:10 - Kashibo-Kakataibo Biblia

¹⁰ ꞌImainun ka kamabi uni ꞌuchañukama ax ꞌën unikamabë tsókëkama: ax ka manë xëtokën ꞌakëx bamati ꞌikën. ꞌImainun ka axa usa ñuka nunu: inútima kianan, ꞌaisama ñu kananuna nux ꞌinutima ꞌai kikë akamaxribi bamati ꞌikën.

Amós 9:10 ပူးပေါင်းရင်းမြစ်များ

Isaías 33:14

Jerusalén ëmanu ꞌikë unikama ꞌimainun Judá menu ꞌikë unikama atúxribi ka ꞌuchakë ꞌaish ꞌitsaira rakuë́ti bërëia, ꞌimainun ka an Diosan bana ꞌunánkëma unikama atúxribi ꞌitsaira rakuëtan bamai ësai kia: “¿Uinu ꞌikë nukamax kara tsi ërë́kin an ñu xarokin këñúkë anu ꞌianan, këñutima oia ërë́kë anu ꞌiti ꞌit?”

Jeremías 18:18

Ësai ka unikama kiakëxa: “Bërí kananuna uisoxun karanuna an Dios kikë bana ñuikë Jeremías ꞌati ꞌai kixun sinánti ꞌain. Uinsaranbi ka nunu sacerdotekama an bana nu ñuixunti ꞌianan, an bana ꞌunánkë an nu ꞌësëti ꞌianan, an bana ñuikë unikama an Diosan bana nu ñuixunti akama nunu ꞌima ꞌitima ꞌikën. Usa ꞌain kananuna unikaman ꞌanun nun ꞌuchoti ꞌain. Usa ꞌain kananuna uisai kara ax kia abi aín bana tantima ꞌain.”

Jeremías 23:17

Uikaman kara ꞌën bana kikësabiokin ꞌaisama tankin timaia, atun ka mitsu kati ꞌikën: Kamabi mitsun ꞌakë ñukama ax upí ꞌia. ꞌImainun ka ꞌain sinánkësa okinshia, an ñu ꞌakë unikamanribi mitsu kaia: Uisa ñu ꞌatimabi ka mitsunu ꞌitima ꞌikën.”

Amós 6:1

¡Axa Jerusalén ꞌikëbi Sión kakë anu tëmëraima bukukë unikama! ¡ꞌianan Samaria ëmanu uisaibi kananuna ꞌima kixun sinani bukukë ꞌapukama, amia Israel unikama katamëkë atux ka kuanti ꞌikën!

Amós 6:3

Mitsun kamina upiti bukukinbi uisa ñu kara inuti ꞌikë a ꞌunánkaniman, usa ꞌain ka a sinanimami bukukë a ñunbi mitsu ꞌatima oti ꞌikën.

Amós 9:8

ꞌËn kana ënë ëmanu ꞌikë unikama ꞌuchañu isan, usa ꞌain kana ësai kin: “ꞌËn kana ënë menua atu këñuti ꞌain, usa ꞌaínbi kana Jacobnën rëbúnkikama kamaira këñutima ꞌain. ꞌËx Dios ꞌaish kana, ësai kin.

Miqueas 3:11

Axa Jerusalén ëmanu ꞌikë an bana mëníokë unikama an ka uin kara kupíoia a ëanan an kupíokë a ꞌatima oti sinania, ꞌimainun ka sacerdotekaman kupíokëxunshi uni ꞌunánmiti kuëënia, ꞌianan ka an Dios kikë bana ñuikë unikamanribi kuríki kupíshi abi sinántankëx ësai kia: Nukën ꞌIbu ka nubë ꞌikën usa ꞌixun ka ñu ꞌatima inútima rabanan Nukën ꞌIbun nu bërúaia.

Malaquías 3:15

Nukaman kananuna axa rabiakakë unikamaxa kuëënia isanan, an ñu ꞌatima ꞌakë unikama axa ñuñu ꞌia isan, usai ꞌikin ka atun uisa kara oia iskatsi kixun Dios tania, usakin tankëxubi ka an uisabi okin ꞌatima oima.

Malaquías 4:1

Dios kamabi kushiñuira ax ka ësai kia: “Kamina kuakanti ꞌain: ënuax basimashi ka kininuaxa tsi ërë́rukë usa nëtë ꞌiti ꞌikën, an ka axa rabiakakë unikama ꞌimainun an ñu ꞌatima ꞌakë akama basi chushikë nëmëkë usai ꞌitánun ꞌati ꞌikën. Usa ꞌain axa uti nëtë ax ukin ka kamabi ñu këñuti ꞌikën, usakin ꞌakëx atunan añu ñubi ꞌaíma ꞌiti ꞌikën.