Amós 8:5 - Kashibo-Kakataibo Biblia

⁵ Mitsux kamina ësai kikanin: “¿Uínsaran kara nun trigo marunun ꞌuxë ió ꞌikëbëtan fiesta ꞌati nëtë ax inuti ꞌik? ¿Uínsaran kara anun ñu mëëtima nëtë sábado ax anun nun trigo bimi kupíira marukinbi anun tupúnti anun tupunkinbi mëkamanun a nëtë inuti ꞌik?

Amós 8:5 ပူးပေါင်းရင်းမြစ်များ

2 Reyes 4:23

—¿Uisa kupín kaina bëríbi abë banai kuankatsi kin? —kixun ka aín bënën kakëxa—. Bërí ka ꞌuxë ió ꞌianan anun tantiti sábado nëtëma ꞌikën. —ꞌËn kana uisai karana ꞌiti ꞌai a ꞌunanin usa ꞌain kamina ꞌëmi ꞌitsaira sinántima ꞌain kixun ka —aín xanun kakëxa.

Isaías 1:13

ꞌË nanxuinshikatsi kixun mitsun ꞌaisamaira ñu bëkankë ax ka ñankáishibimi bëkankë ꞌikën; usa ꞌain kana a ñukama xarokëxa kuínkë aín kuin a xëisama tanin. Mitsun kamina unikama ꞌuxë ió ꞌikëbëtan ꞌanan anun ñu mëëtima nëtë ꞌikë anun kuëënin, ꞌaínbi kana ꞌën an ñu ꞌatima ꞌakë unikaman usakin fiesta ꞌakin ñu ꞌatima ꞌakë a kuëënima.

Isaías 58:13

Anun ñu mëëtima nëtë ꞌikëbëtan kamina; mitsun maruti ñu marutima ꞌain: ax ka ꞌën nëtë upíira ꞌikën. Usa ꞌain ka a nëtë anun kuëënti nëtë, kakin anëkë ꞌain Nukën ꞌIbun anun rabiti nëtë ꞌain añu ñubi uinu ꞌikë unínbi ꞌatima ꞌikën; usa ꞌain kamina a nëtën mintsun sinánkësa ꞌoíshi bananan, mitsunan ꞌiti ñuishi ꞌanan mitsun ñu marutishi ꞌakantima ꞌain.

Levítico 19:36

Mitsun anun ñu tupúnti anun tupunkin kamina anu sënën tupuntia ꞌakë anubia aín xumúx ꞌitánun tupúnti ꞌain. ꞌËx kana mitsun Dios an Egipto menua mitsu chikían a ꞌain.

Malaquías 1:13

Mitsux kamina ësai kikanin: ¡Nukamax kananuna ësokin ñu ꞌakëkama ënën atsan! Usai kikin ka ꞌë timakania. Usai ꞌikinbi ka ñuina mëkamakë ꞌimainun vaca ꞌatimai nikë ꞌimainun ꞌinsínkë akama ꞌë ꞌinánti bëi ꞌëx isana a ñuinakama ꞌinánkëx kuëënti ꞌai kiax kikania.

Colosenses 2:16

Atúan ꞌacësaribi oquinmi ñu pianan ñu xëaima ꞌianan camabi nëtë ca bëtsi nëtësaribi ꞌicë quixun sinánan ꞌuxë isícëbëa atux ꞌicësai ꞌima ꞌianan anun tantiti nëtën atux ꞌicësaribiti ꞌiama oquian unin ñuicëxunbi camina tantima ꞌain.

1 Samuel 20:5

Kakëxun ka Davidtan kakëxa: —Ka kuat, imë́ishi ka ꞌuxë ió ꞌikëbëtan fiesta ꞌaia, usa ꞌain kana ꞌapubëtan pinux anu ꞌiti ꞌain. Usa ꞌaínbi kana ꞌëx anu ꞌitima ꞌain, kamina imë́ishi ꞌibaitia pë́karakë a xupibutamainun unë́tanun ꞌë xuti aín,