Amós 8:13 - Kashibo-Kakataibo Biblia

¹³ ꞌImainun ka xanu xuntaku upíirabu ꞌimainun uni bënábu aín sinan kushibu akamax ꞌën bana kuatima shimax ꞌikësai bënánkanti ꞌikën.

Amós 8:13 ပူးပေါင်းရင်းမြစ်များ

Salmos 63:1

¡ꞌËn ꞌIbu Dios, mix kamina ꞌën Dios ꞌain! Usa ꞌikë kana mi ꞌaisabi tankin kuëënkin barin: ꞌën kana shimaxun ꞌumpax barikë usaribi okin mi barin; usa ꞌain ka anu ꞌumpax ꞌikëma me ëskikë usa ꞌën nán ꞌikën.

Isaías 40:30

Uni bënákama atúxribi ka atsanx kushiñumasa ꞌiti ꞌikën, ꞌianan ka kushiira unikama atúxribi pakëti ꞌikën,

Oseas 2:3

Usakin ꞌaiama kana achúshi uni chupañuma ꞌikë usaribi ꞌitánun atiaira ënti ꞌain: usakin ꞌakin kana anuan bakë́an nëtë́a ꞌiásaribitia ꞌinun ꞌimiti ꞌain, ꞌimianan kana anu uni ꞌikëma mesa ꞌinun bëtsiokëbë, aín me ëskinun ꞌimiti ꞌain, usakin ꞌakëbë ka shiman bamati ꞌikën.

Oseas 2:5

Aín titax ka bëtsi bëtsi uni aín nami ꞌamikë ꞌiakëxa; usa ꞌaínbi ka upí sinánñu xanu ꞌikë a nëtë́ti kiakëxa: Abë ꞌëx ꞌikë unikama a kana bari kuanti ꞌain, atun ka ꞌën piti ꞌimainun ꞌumpax, ꞌianan ꞌën pañuti chupa lino ꞌakë a ꞌianan, xëni ꞌimainun a ꞌën xëati akama ꞌë ꞌinania.

Zacarías 9:17

¡Upíira upí ka anu aín unikama ꞌiti ax ꞌikën! Usa ꞌain ka aín trigo bimi ꞌitsaira ꞌimainun a xëati uvas baka ꞌaisamaira ꞌikëbë aín bakë bëchikë ꞌimainun ꞌini bëchikë kama upí ꞌinun kanikanti ꞌikën.

Deuteronomio 32:25

ꞌImianan ka atun bëchikëkama ëma nëbë́tsibia manë xëtokën ꞌakëx bamanun ꞌimiti aín, usai ꞌikëbë ka xubunuax unikama ꞌitsaira rakuë́ti ꞌikën; usakëbë ka tuá atun bakë bëchikë ꞌimainun xanu chipashkama, uni xëni ꞌimainun tuá xúma akamabëbi rakuë́ti bërëi këñuti ꞌikën.