Amós 8:10 - Kashibo-Kakataibo Biblia

¹⁰ Usokin ꞌanan kana fiesta ꞌaia kuëënkankë aribi uni bamakë ꞌain nitë́xëkë usaribi ꞌinun ꞌimiti ꞌain, ꞌimainun ka atúxa kantakë axribi maínnuxun bamaia uni bënini rarumakë usaribi ꞌiti ꞌikën; usakin ꞌimikëx kamina uni ñukëbëtan pañukë chupa a pañuanan mitsux, ka nitë́xëtia kixun unin istánun anun paëi ꞌën ꞌimikëx nikin mitsun bu tëai maxkúkanti ꞌain, usai ꞌika aín bakë bëchikë achúshira ñumiaxa uni masá nuituti inkë usai ꞌikanti ꞌikën, usai ꞌika kamaxi aín sinan nishkëoi ꞌikanti ꞌikën.

Amós 8:10 ပူးပေါင်းရင်းမြစ်များ

Génesis 21:16

tsónbiani ka uri tsóti ax kuankëxa, ꞌën tuá kana ñuia istima ꞌai kixun sinánbiani. ꞌUri kuantankëx anu tsóbukinshi ka aín tuá munuma kuënkëni inia kuakëxa.

Job 3:5

¡Uisati kara bëánkibukë këxtuira an ꞌibúkin a nëtë mapumainun, kuin tunan ꞌibúkin anribi mapukë ꞌinun ꞌimianan, ꞌimëa nëtë bëankikëbë ami rakuë́kë usaribi ꞌitánun maputi ꞌiakëxa!

Jeremías 2:19

Min ñu ꞌatima ꞌai ꞌuchakë anbi mi ꞌatima oti ꞌikën, mix ꞌatimakë anbi mi ꞌatima oti ꞌikën. Usa ꞌain kamina min sinánti ꞌain, ꞌëmi ënkin rabikëma ax ka ꞌaisama ñu ꞌikë kixun isti ꞌain, ꞌëx kana min ꞌIbu Dios a ꞌain. ꞌËx Dios kamabi kushiñu ꞌaish kana usai kin.

Jeremías 6:26

¡ꞌËn unikaman ꞌini bëchikë xanukama mitsun kamina anun paë masá nuitukin, pañukë anun chupa xëni pañutankëx, chimapunuax kuainakë bëkini anun chuati ꞌain. Usai ꞌi kamina masánuituti nishi inkanti ꞌain, usai ꞌi kamina ꞌain bakë bëchikë achúshira ꞌaíshbi ñukëbëa uni ꞌikë usaribiti ꞌikanti ꞌain; an nu ꞌatima okin masóti unikama ka basirakëma ꞌaínshi ukanti ꞌikën!

Oseas 2:11

ꞌËn kana kuëënkian fiestakama ꞌakë a ꞌimainun ꞌuxë ió ꞌikëbëtan akë akama ꞌianan anun ñu mëëtima nëtë́an timë́kë akama këñuan, kamabi atux a ꞌai timë́kë akamaribi këñuti ꞌain.

Oseas 2:13

Usa ꞌain kana bëráma nëtë inumikin atun bëtsi dioskama rabia a kupín tëmëramiti ꞌain, atun ka bëtsi dioskama a rabikin, mëñusuti ꞌimainun aín tëñuti akama ꞌamiakëxa, usakin ꞌai ka bëtsi ñu diosmabi rabi ꞌëmi manúkankëxa ꞌëx Dios ꞌaish kana ësai kin, kiax Dios Israel unikama ñui kiakëxa.

Joel 1:8

Achúshi xanux ꞌain mërati an biti uni ñukë ꞌain, inkin uni ñukëbëtan pañuti chupa pañuax inkë,

Amós 5:21

ꞌËn kana mitsunmi timë́xun fiesta ꞌakë a asérabi kuëëniman; ꞌimainun kana ñu rabi timëkankë abi istisama tankin timain.

Amós 5:23

¡ꞌËn kana kantai shárakankë abi kuaisamatankin timain! ¡ꞌIanan kana mitsun arpa banamikin mëëkë abi kuëëniman!

Amós 8:3

Usa ꞌain ka a nëtë ꞌikëbë ꞌapun xubunuaxa kantakë a nëtë́ti ꞌitsaira uni bamakë ain inkë ꞌiti ꞌikën. Usa ꞌain ka ꞌitsaira uni bamakëbë bana nëtë́këbëtan bamakë unikama an maínti aíma ꞌain ëman pukë ꞌiti ꞌikën. Usai ka Dios kiaxa.