Amós 7:8 - Kashibo-Kakataibo Biblia

⁸ Anuxun ka ꞌë ñukáxa: —¿Añu kaina isin Amós? An xubu ꞌati ꞌunánkë unían tuinkë manë tumua achúshi kana isin, —kixun kana ꞌën kakën. Kakëxun ka an ësokin ꞌë kakëxa: —Manë tumua an xubu ꞌati ꞌunán unin tuinkë ꞌën tuinkë ënën kana, ꞌën uisai kara ꞌën uni Israelkama ꞌuchaxa kara ꞌuchakëma ꞌikë kixun tanti ꞌain. Usokin tantankëxun kana, kana nuibati ꞌai kixun sinántëkënkima ꞌatimoti ꞌain.

Amós 7:8 ပူးပေါင်းရင်းမြစ်များ

Isaías 28:17

ꞌËn kana xubu ꞌakënu a unían, anun xubu ꞌakin sënën ꞌitánun tupunkë manë tumua risiñu usaribi ꞌën ꞌakë ñukama ax upí ꞌinun ꞌimiti ain, ꞌimainun anun xubu puntëkin mëníoti usaribi ka uin kara upí ñu ꞌaia ax ꞌiti ꞌikën. Mitsun mi këmëi banai ismina uisa ñubi ꞌinútima ꞌai kixun sinánkë, a ka matsin titan masókin këñuti ꞌikën, ꞌimainun ka ami katamëtimi bukúnkë aribi bakan chinanti ꞌikën.

Jeremías 15:6

Mitsux kamina ꞌën kakëxun kuaisama tani ꞌëmi manúkankën. ꞌËx Min ꞌIbu ꞌaish, kana asérabi ësai kin. Usa ꞌain kana ꞌurainra mitsu nuibati tënëxun, ꞌën ꞌakësa ꞌitanua axa mimi nishkë unikaman këñukin ꞌanun mitsu ëankën.

Oseas 1:6

Usa ꞌain ka Oseasnën xanu Gómer kakë ax amiribishi tutëkëntankëx achúshi xanu tuá bakë́ankëxa. Bakënkë ꞌain ka Diosan Oseas kakëxa: “Min ini bëchikë bakënkë a kamina Lo-ruahama kakin anëti ꞌain, ꞌën kana amiribishi Israel menu ꞌikë ꞌapu nuibatëkëntima ꞌain, ꞌianan kana atun ꞌakë ñu ꞌatimakama tërënxunkin mëníotima ꞌain.

Amós 7:7

Nukën ꞌIbu Diosan ka ësaribiokin ꞌë namákësa okin ismiaxa: Usa ꞌain ka anun ëma kënëarakë rapasu, an xubu ꞌati ꞌunánkë unían anun xubu tupunkë manë tumua a tuianx nikë ꞌiaxa.

Amós 8:2

usa ꞌain ka an ꞌë ñukákëxa: —¿Amós añu kaina isin? —Achúshi tasánu ñu bimi pëkë́kë purukë —kana isi kixun kana ꞌën kakën. Kakëxun ka Diosan ësokin ꞌë kakëxa: —Israel unikamax ka ñu bimi pëkë́kë usaribi ꞌikën usa ꞌain ka anun ꞌën ꞌatimoti nëtë ꞌiaxa.

Miqueas 7:18

Misaribi bëtsi Dios ka ꞌaíma ꞌikën, min kamina nux kuëënkësa oí ꞌikë a mëníokin, nuxnu ꞌuchakëkama a manuin, nukamax kananuna min unikama ꞌitsamashi tikikë a ꞌain. Min kamina nukama nuibatin usa ꞌain kamina mix xënibua ꞌaish nishkëma a ꞌain.