Amós 7:7 - Kashibo-Kakataibo Biblia

⁷ Nukën ꞌIbu Diosan ka ësaribiokin ꞌë namákësa okin ismiaxa: Usa ꞌain ka anun ëma kënëarakë rapasu, an xubu ꞌati ꞌunánkë unían anun xubu tupunkë manë tumua a tuianx nikë ꞌiaxa.

Amós 7:7 ပူးပေါင်းရင်းမြစ်များ

Génesis 28:13

Usakin namákin isanan ka Nukën ꞌIbu a rapasu nixun ësokin kakëxun kuakëxa: ꞌËx kana min ꞌIbu ꞌain, ꞌianan kana min xuta Abraham aín Dios ꞌianan min papa Isaac ainanribi ꞌain. Usa ꞌixun kana mi ꞌimainun min rëbúnkikama anumi ꞌuxi rakákë me ënë ꞌinánti ꞌain.

Isaías 28:17

ꞌËn kana xubu ꞌakënu a unían, anun xubu ꞌakin sënën ꞌitánun tupunkë manë tumua risiñu usaribi ꞌën ꞌakë ñukama ax upí ꞌinun ꞌimiti ain, ꞌimainun anun xubu puntëkin mëníoti usaribi ka uin kara upí ñu ꞌaia ax ꞌiti ꞌikën. Mitsun mi këmëi banai ismina uisa ñubi ꞌinútima ꞌai kixun sinánkë, a ka matsin titan masókin këñuti ꞌikën, ꞌimainun ka ami katamëtimi bukúnkë aribi bakan chinanti ꞌikën.

Amós 7:6

Ësokin kakëx ka Nukën ꞌIbu nu nuibati ësai kiaxa: —¡Asabi ka usa ꞌain kana usaira okin mitsu ꞌatima ꞌain!

Amós 7:8

Anuxun ka ꞌë ñukáxa: —¿Añu kaina isin Amós? An xubu ꞌati ꞌunánkë unían tuinkë manë tumua achúshi kana isin, —kixun kana ꞌën kakën. Kakëxun ka an ësokin ꞌë kakëxa: —Manë tumua an xubu ꞌati ꞌunán unin tuinkë ꞌën tuinkë ënën kana, ꞌën uisai kara ꞌën uni Israelkama ꞌuchaxa kara ꞌuchakëma ꞌikë kixun tanti ꞌain. Usokin tantankëxun kana, kana nuibati ꞌai kixun sinántëkënkima ꞌatimoti ꞌain.

Apocalipsis 11:1

Usai ꞌicëbëtan cana Nucën Papa Diosan ꞌináncëxun i tsatisa biquin ësaia quiaribi cuan: —Tsatisa ënë i bixun camina anun anuxun Nucën Papa Dios rabiti xubu aín chaxcë́ tupúnti ꞌain. Tupúanan camina anuxun ñu sanutanun nëënti, aín chaxcë́ribi tupúnti ꞌain. Tupúanan camina an anuxun Nucën Papa Dios rabicë unicama cara uiti ꞌicë quixun ꞌunánuxun tupúnti ꞌain.

Apocalipsis 21:15

Axa ꞌëbë banacë ángel ax ca curi ꞌacë tsatiñu ꞌiaxa, anúan a ëma tupúanan aín xëcuëcama tupúanan aín cënëcamaribi tupúnti.