Amós 7:4 - Kashibo-Kakataibo Biblia

⁴ Ënë ñu ka namákësokin Diosan ꞌë ismiaxa: Ismikëxun kana anun ꞌatima okin nu tëmëramiti tsi ënxaira an parúmpapa nëmin abi ë́skakin xaronan kamabi naëkama këñuti xutia isan.

Amós 7:4 ပူးပေါင်းရင်းမြစ်များ

Joel 1:19

¡Usa ꞌain kananuna mixmi Dios ꞌikë ꞌakinun mi ñukatin, barin xanan ka anu uni ꞌikëma menua ꞌikë xubi ꞌimainun naënu ꞌikë ikama chushimiaxa!

Joel 2:30

Usokin ꞌakin kana ꞌën kushi ismikin ñu chaiirabu ꞌakin imi tsi rëkirukë ꞌimainun nëtë kuin tëxëkirukë akama ꞌimiti ꞌain.

Amós 1:4

Usa ꞌain kana Hazael kakë ꞌapu kamabi aín aintsikama ꞌia a ꞌimainun bërí ꞌikë akamaribi ꞌaíma ꞌitánun tsin këñuti ꞌain, usakin ꞌakëxun ka a tsinbi Ben-hadad kakë ꞌapu ain xububi xarokin këñuti ꞌikën.

Amós 1:7

Usa ꞌain kana anun Gaza kakë ëma kënëara a pain tsin bimiti ꞌain, ꞌakëxun ka a tsinbi ꞌapun xubukama këñukin në́nti ꞌikën.

Amós 2:5

Usa ꞌain kana Judá ëma tsin bimiti ꞌain, bimikëxun ka a tsinbi Jerusalénnu ꞌikë ꞌapun xubukama a në́nkin xaroti ꞌikën.”

Amós 4:11

“ꞌAnan kana atu ꞌatimaira okin achúshi ñun Sodoma ꞌimainun Gomorra ꞌasaribiokin ꞌakën; ax ka tsi ënxaira anua aín ëxku ënxaira bikësa ꞌiakëxa, ¡usa ꞌaínbi kamina mitsux ꞌëmi sinanatëkëinsama tankankën!” Usai ka Dios kiaxa.

Amós 5:6

Israel unikama mitsux kamina Diosmi sinanatëkënti ꞌain, usai ami sinánkëbëtama ka Israel unikaman ëma axa ami nishkë unikaman tsin mënuti ꞌikën. Usakin akëbë ka an tsi rëkirukë a Betelnua bënánti ꞌaíma ꞌiti ꞌikën.

Amós 7:1

Ënë ñu ka Diosan ꞌë ismiaxa: Ñu ꞌapákëkama bimikë ꞌapu bixunkë ꞌaia, bërí ꞌapákëkama ax biminux kókëbëtan ka Diosan ꞌaisamaira champu ꞌë namákësokin ismiaxa.

Amós 7:7

Nukën ꞌIbu Diosan ka ësaribiokin ꞌë namákësa okin ismiaxa: Usa ꞌain ka anun ëma kënëarakë rapasu, an xubu ꞌati ꞌunánkë unían anun xubu tupunkë manë tumua a tuianx nikë ꞌiaxa.

Miqueas 1:4

Aín taë shimuküax ka aín bashikamax unin xara tsinu ꞌarukëx charákësa usaribiti ꞌinun ꞌiti ꞌikën, ꞌimainun ka me sapankamaxribi bakan kushiira ꞌëkin panarabëtanun tukakësa usaribiti ꞌiti ꞌikën.

Deuteronomio 32:22

ꞌËx xuamati nishkë ax ka tsi rëkiruia iskësa ꞌiaxa, usai ꞌikin ka kamabi ꞌain bashi chairukë; a menu kookë ñu bimiñu xaronan; ꞌain bashi chairukë a tanain ꞌikë me anubi tsi rëkirukënën ñu këñukësa usa aín nishkë ꞌiti ꞌikën,

Hebreos 1:7

Angelcama ñui ca Nucën Papa Dios ësai quiacëxa: ꞌËn ꞌamicëxun ca ꞌën ángelcaman ꞌën cacësabi oquin ñu ꞌaia. Usa ꞌain cana ꞌaisa tanquin suñusa ꞌimianan ꞌaisa tanquin tsi rëquirucësa ꞌimin. Usa ꞌixun ca ꞌë ñu ꞌaxunia.

Apocalipsis 4:1

A ñucama pain cuatancëxun cana xëcuë xëocacësa ꞌinuan naí panárabëcë isan. Isquin cana anun paían ꞌë cacë bana axa manë banañu banocë́xa banacësari banaia cuatëcëan, ësai qui: —Ënu ca ꞌirui ut, mixmi aia cana uisa ñucama cara ꞌiti ꞌicë quixun mi ismiti ꞌain.