Amós 7:16 - Kashibo-Kakataibo Biblia

¹⁶ Usa ꞌain kamina, ësai ka Dios kiaxa aín bana kuati ꞌain. Diosan bana ñuikin kamina Israel unikama katima ꞌain, ꞌianan kamina Isaacnën rëbúnkikamaribi ñui uisa bananbi banatima ꞌain.

Amós 7:16 ပူးပေါင်းရင်းမြစ်များ

1 Reyes 22:19

Kia ka Micaíasnën kakëxa: —Mix kamina usai kian, usa ꞌain kamina ꞌën ꞌIbun iskë ñu ñuikin mi kamainun upíokin kuati ꞌain: ꞌËn kana Nukën ꞌIbu anua tsótinua tsókë isan, isanan kana aín ángel naínua ꞌikë kamaribi a rapasu sëtë́kë aín mëkeu raíri ꞌimainun aín mëmiu sëtë́kë isan.

Isaías 30:10

Usa ꞌixun ka an Dios kikë bana ñuikë unikama kaia: “Namákësa okin kamina istima ꞌain.” Kanan ka an bana uni ñuixunkë unikama kaia: “Nukama kamina mitsun mi asérabi iskë ñukama ñuixuntima ꞌain; nu kamina an ꞌatima okin sinánmitima upí bana kati ꞌain; ꞌianan kamina nun ꞌaisa tankin sinánkë banakama nu ëmitima ꞌain.

Amós 2:12

ꞌAínbi kamina mitsun uvas baka paëokin ꞌakë a nazareo unikama abi ubioxun xëamianan an ꞌën bana ñuikë unikama ꞌën bana ñuixuma ꞌanun kixun kakankën.

Amós 7:13

ꞌaínbi kamina Betelnuxun bana ñuixuntëkëntima ꞌain, a ëmanu ka anuxua ꞌapun aín dios rabikë xubu ax ꞌikën, usa ꞌain ka anu ꞌapu aín dios rabi kuania.

Miqueas 2:6

¡Usa ꞌain ka ësai kia an Diosan bana uni ñuixunkë unikaman ka paránkin nu bana ñuixuntima ꞌikën! —kiax ka atux kia—. Usa ꞌain ka nunu ꞌatima ñukama ꞌinútima ꞌikën.

Deuteronomio 32:2

ꞌËn ꞌunánmikë banakamax ka ꞌuí ꞌibúkësaribi ꞌikën, ꞌimainun ka ꞌëx kikë bana ënëx ꞌuí ꞌibúti sainkësaribi ꞌikën, ꞌimainun ka kuénkuru bërí ꞌibúkin ñu ꞌapákë chabókë usaribi ꞌiti ꞌikën, ꞌianan ka ꞌumpax tus kikin anu ꞌibúkin basi chabokësaribi ꞌiti ꞌikën.

1 Samuel 15:16

Usokian kakëx ami nishkin ka Samuelnën Saúl kakëxa —¡Nëtë́xun kamina usokin mi kanun ꞌë kakë mi kamainun kuati ꞌain, Nukën ꞌIbun ënë imë́ ꞌë kakë kana mi kati ꞌain! Ësokin kakin ka kiabi nëtë́miakëxa. —Asabi ka kamina ꞌë kati ꞌain —skixun ka an kakëxa.