Amós 7:13 - Kashibo-Kakataibo Biblia

¹³ ꞌaínbi kamina Betelnuxun bana ñuixuntëkëntima ꞌain, a ëmanu ka anuxua ꞌapun aín dios rabikë xubu ax ꞌikën, usa ꞌain ka anu ꞌapu aín dios rabi kuania.

Amós 7:13 ပူးပေါင်းရင်းမြစ်များ

1 Reyes 12:29

Usokin atu katankëxun ka achúshi Betel kakë ëma anu nitsimianan ka bëtsi aribi Dan kakë ëma anu nitsínun ꞌamiakëxa.

1 Reyes 12:32

ꞌAnan ka anbi ꞌati kuëënxun anun bëtsi ñu rabikin fiesta ꞌati nëtë nankëxa, a ka mapai achúshi ꞌimainun rabë́ ꞌuxë ꞌirukë axa mapai rabë́ nëtë ꞌikë a nëtë nankëxa, nankë ꞌain ka anuxun Judánu ꞌikë unikaman fiesta ꞌakëxa, ꞌakin ka anuxun xaroti ꞌakë anuxun ñuina xarokëxa. Ësokin Betelnuxun ꞌakin ka vaca bakë tankin ꞌakë a ñuina xaroxuankëxa, ꞌanan ka an vaca bakë tankin ꞌakë rabikin ñuina xaroxunti sacerdote anëakëxa.

Isaías 30:10

Usa ꞌixun ka an Dios kikë bana ñuikë unikama kaia: “Namákësa okin kamina istima ꞌain.” Kanan ka an bana uni ñuixunkë unikama kaia: “Nukama kamina mitsun mi asérabi iskë ñukama ñuixuntima ꞌain; nu kamina an ꞌatima okin sinánmitima upí bana kati ꞌain; ꞌianan kamina nun ꞌaisa tankin sinánkë banakama nu ëmitima ꞌain.

Jeremías 26:9

¿Uisa ꞌaish kaina mix rakuë́timaishi Nukën ꞌIbun anë ñui anuxun a rabiti xubu ënëx ka Silónu ꞌikë ax ꞌiásaribiti ꞌiti ꞌikë, kianan ënë ëmaxribisa anu uni ꞌikëmasa ꞌitánun masókë ꞌiti ꞌikë kiax kin?” Usai kiax sënë́nkë ka kamabi unikaman anuxun Dios rabiti xubunu Jeremías bëararakankëxa.

Amós 2:12

ꞌAínbi kamina mitsun uvas baka paëokin ꞌakë a nazareo unikama abi ubioxun xëamianan an ꞌën bana ñuikë unikama ꞌën bana ñuixuma ꞌanun kixun kakankën.

Amós 3:14

uisa nëtën karana ꞌën Israel unikama atun ꞌucha kupín tëmërami anun kana, anuxua atun dios rabikin ñuina xarokë Betelnu; ꞌikë a ꞌaisama onan masókin; ain mancha akamaribi tukapakëxa menu rëukubutanun ꞌimiti ꞌain. (Manchan kikë ax ka aín kushi ki kikë ꞌikën.)

Amós 5:5

Betel kakë anu kuanxma ꞌianan kamina, Guilgal kakë anu ꞌikë anuribi kuankantima ꞌain usai ꞌi kamina Beerseba anu ꞌikë anunribi inútima ꞌain, Guilgalnu ꞌikë unikama ka ñatanbiankin uankë ꞌiti ꞌikën, ꞌimainun ka Betel ax uniñuma ñankáishi bërúti ꞌikën.”

Amós 7:16

Usa ꞌain kamina, ësai ka Dios kiaxa aín bana kuati ꞌain. Diosan bana ñuikin kamina Israel unikama katima ꞌain, ꞌianan kamina Isaacnën rëbúnkikamaribi ñui uisa bananbi banatima ꞌain.

Amós 7:9

Usokin ꞌanan kana anuxun Israelnën rëbúnkikaman ñu tankin ꞌaxun rabiakama masókin rurupanan, anuxua Israel unikama ñu tankin unioxun rabia xubukama axribi ka rurupakë ꞌiti ꞌikën: ¡Usakin ꞌanan kana axa ami nishkë unikama Jeroboamnën aintsikama manë xëtokën anun ꞌamiti ꞌain!

Hechos 5:28

—Nun cananuna mitsu amiribishi Jesús ñuiquin bana ñuixunxunma ꞌanun quixun can. Cacëxunbi mitsun nëtë́quinma a bana uni ñuixunia chanioia ca Jersualénu ꞌicë unicaman cuaxa. Usa ꞌaish camina nun isanuna uni Jesús ꞌamia quiaxribi quicanin.

Hechos 5:40

Ësai quia cuaquin ca —asérabi ca usa ꞌicë —quixun sináncëxa. Usaquin sinánquin ca Jesusan aín bana ñuixunun caíscë unicama cuënxun rishquitancëxun, Jesús ñuiquin unicama bana ñuixuntëcënxunma ꞌanun catancëxun, cuantánun xuacëxa.