Amós 7:10 - Kashibo-Kakataibo Biblia

¹⁰ Amasías sacerdote Betelnu ꞌikë an ka Jeroboam Israel unikaman ꞌapu ësokin katánun uni xuakëxa: “Amós an ka Israel unikama mix ꞌapu ꞌain ꞌatimai mimi banakin atu ësëia. Usa ꞌain kananuna Israel unikama nun usaía bananun ëntima ꞌain.

Amós 7:10 ပူးပေါင်းရင်းမြစ်များ

Génesis 37:8

Ësokian ñuixunkëxun ka aín xukën apan achúshinën kakëxa: —¿Usa ꞌain karamina mix nukaman ꞌapuira ꞌianan an nu ñumëmikë uni ꞌiti ꞌain? Usakian ain namákë ñuixunkëx ka atiaira ami xuamati aín xukë́nkama nishakëxa.

1 Reyes 18:17

Banakin ka Ahabnën Elías kakëxa: —¿Mix karamina an Israelkama ꞌaisama unin ꞌakësokin ñu ꞌamikin ꞌaisama okë a ꞌain?

Jeremías 18:18

Ësai ka unikama kiakëxa: “Bërí kananuna uisoxun karanuna an Dios kikë bana ñuikë Jeremías ꞌati ꞌai kixun sinánti ꞌain. Uinsaranbi ka nunu sacerdotekama an bana nu ñuixunti ꞌianan, an bana ꞌunánkë an nu ꞌësëti ꞌianan, an bana ñuikë unikama an Diosan bana nu ñuixunti akama nunu ꞌima ꞌitima ꞌikën. Usa ꞌain kananuna unikaman ꞌanun nun ꞌuchoti ꞌain. Usa ꞌain kananuna uisai kara ax kia abi aín bana tantima ꞌain.”

Jeremías 36:16

usokin ꞌaxunkëxun kuatishi ka ꞌitsaira rakuë́ti bëtsibë bëtsibë isánani kanankankëxa. —Ënë banakama kananuna ꞌapu bënë́kin kati ꞌain.

Jeremías 38:4

Usa ꞌain ka aín unikama raírinën ꞌapu kakëxa: —Ënë uni kananuna ꞌati ꞌain, aín bana kuakin ka suntáru axa ëmanu bërúkëkama ꞌimainun kamabi unikama atúnribi bëtsiokin sinania. Ënë unin bana kuati ka suntárukama axa ëmanu bërúkë ꞌimainun kamabi unikama rakuë́tia.

Amós 1:1

Ënë banax ka Amós kakë uni an ñuina bërúankë Tecoanu ꞌikë uni a Diosan usokin ka Israel kama ꞌati ꞌikë kixun, rabë́ baritia anúan me shaíkiti ꞌisama pain ꞌain ká bana ꞌikën, usa ꞌain ka a barikaman Ozías ax Judá menu ꞌapu ꞌimainun Jeroboam Joásnën bëchikë axribi Israel menu ꞌapu ꞌiakëxa.

Amós 3:14

uisa nëtën karana ꞌën Israel unikama atun ꞌucha kupín tëmërami anun kana, anuxua atun dios rabikin ñuina xarokë Betelnu; ꞌikë a ꞌaisama onan masókin; ain mancha akamaribi tukapakëxa menu rëukubutanun ꞌimiti ꞌain. (Manchan kikë ax ka aín kushi ki kikë ꞌikën.)

Amós 5:10

¡Mitsun kamina an asérabi ñu ꞌakë ꞌimainun, axa asérabi banakë unikama a kuëënkaniman!

Amós 5:5

Betel kakë anu kuanxma ꞌianan kamina, Guilgal kakë anu ꞌikë anuribi kuankantima ꞌain usai ꞌi kamina Beerseba anu ꞌikë anunribi inútima ꞌain, Guilgalnu ꞌikë unikama ka ñatanbiankin uankë ꞌiti ꞌikën, ꞌimainun ka Betel ax uniñuma ñankáishi bërúti ꞌikën.”

Amós 7:11

Ax ka ësai ki nitsia: Jeroboam ax ka manë xëtokën ꞌakëx bamati ꞌikën, ꞌimainun ka kamabi Israel unikamaxribi ñatanbiankin atun menu buánkë ꞌiti ꞌikën.”

Mateo 21:23

Jerusalénuxun ca Jesusan anuxun Nucën Papa Dios rabiti xubunu atsínxun anu ꞌicë unicama ꞌunánmiacëxa. ꞌUnánmia ca judíos sacerdotenën cushicama ꞌimainun ampan caniacëcë unicaman anu cuanxun ñucáquin Jesús cacëxa: —¿Uin banan caramina min usa ñu ꞌain? ¿Uin cara ësoquinmi ñu ꞌanun mi cax?

Lucas 23:2

Buanx bëbax aín bëmánon ꞌixun ca Jesús ñuiquin ësaquin Pilato cacëxa: —Ënë unían judíos unicama nun caibu bëtsi oquian sinánun quixun ꞌunánmia cananuna nunbi cuan. Nun nu a César buánmiti curíqui ꞌinánxunma ꞌanun nu canan ca ax isa Cristo ꞌaish ꞌapu ꞌicë quiaxa.

Hechos 24:5

Ënë unix ca nun iscëx an camabi menua judíos unicama bëtsi bana ñuixunquin ubíoquin tsuáquirumicë ꞌianan nazareno cacë unicaman cushi a ꞌicën.

Hechos 5:28

—Nun cananuna mitsu amiribishi Jesús ñuiquin bana ñuixunxunma ꞌanun quixun can. Cacëxunbi mitsun nëtë́quinma a bana uni ñuixunia chanioia ca Jersualénu ꞌicë unicaman cuaxa. Usa ꞌaish camina nun isanuna uni Jesús ꞌamia quiaxribi quicanin.

Hechos 7:54

Usaquían cacëxun cuati ca ꞌapucama xuamati Estebanmi nishacëxa.