Amós 6:8 - Kashibo-Kakataibo Biblia

⁸ Usa ꞌain ka Dios ax asérabi sinanatëkëntima oi ësai kiaxa; Dios kamabi kushiñu ax ka usai kia: ꞌËn kana Jacobnën rëbúnkikamaxa rabiakakë a kuëëniman usa ꞌain kana ꞌapun xubukamanua ꞌikë ñu upíbu; a axa ami nishkë unikaman atun ëmanua buántanun ꞌamiti ꞌain.”

Amós 6:8 ပူးပေါင်းရင်းမြစ်များ

Génesis 22:16

kuënkin ka kakëxa: —Nukën ꞌIbu ka kiaxa: Kana isa kamina min bëchikë achúshira ꞌikëbi mi ñukákëxun ꞌën mi kakësabiokin ꞌan, usa ꞌaish kana ꞌëxbi asérabi sinanatëkëntima oi kin,

Salmos 47:4

an ka anu nux ꞌiti me nu kaisxuankëxa nun chaitiokë Jacob nuibakin kásabiokin, usa ꞌain kananuna ꞌitsaira kuëënin.

Proverbios 8:13

Uin kara Diosan kakësokin ꞌaia an ka ñu ꞌatimakama a timati ꞌikën. ꞌËx kana rabiakakë ꞌimainun, bëtsi unibëtan sënë́nma kana ꞌai kikë uni ami ꞌianan, ꞌatima ñu ꞌakë ꞌimainun këmëi banakë uni amiribi nishin.

Isaías 28:1

¡Uisai kara Samarianu ꞌikë unikama bëtsi unikaman, atux isa upí uni ꞌikë kixun kakë axa ëma chaiira Efraín kakin anëkë anu tsókë paë́ntinën kuëëirabu uni atux ꞌiti ꞌikën; ꞌaínbi ka Samaria ëma ax me sapan upíira anu ꞌikën, usa ꞌaish ka ñu ua buinarakin mañutinu ꞌakëxbia bënëtishi núkai chushikë usa ꞌikën, usa ꞌixun ka anu ꞌikë unikaman paë bata ꞌaxun xëai paë́nkë a ënima!

Oseas 11:6

Usokin ꞌakëbëtan ka atumi nishkë unikama aín ëmakamanua ꞌain manë xëtokën ꞌakin, anúan ëma kënëara aín xëpútikama ꞌatima okin masóti ꞌikën, usakin ꞌakëx ka atun ñu ꞌatima ꞌati sinánkë anunbi ꞌatimati ꞌikën.

Amós 3:10

Ësai ka Dios kia: “Atun ka upíokin ñu ꞌati ꞌunanima; usa ꞌixun ka ꞌapun xubukamanu bënë́kinshia mëkamakin bikë ñukama bukunruaxa.”

Amós 3:11

Usa ꞌain ka ësai Nukën ꞌIbu Dios kia: “Axa ami nishkë Samaria ëmanu ꞌikë suntárukama me tsitsiru bëtsini amami amamiax ukin ka anun ëma bëararakë a rurupabiani atsínxun ꞌapun xubukamanu ꞌikë ñukama biti ꞌikën.”

Amós 4:2

ꞌAínbi ka Dios upíira kamabi kushiñu ax ësai sinanatëkëntima oi kiakëxa: “Anun ꞌën mitsu kuëkinan bikësa obiankin uanan, mitsun bakë bëchikëkamaribi mishkitinën bëmë́ti nëtë ka ꞌiti ꞌikën.

Amós 5:21

ꞌËn kana mitsunmi timë́xun fiesta ꞌakë a asérabi kuëëniman; ꞌimainun kana ñu rabi timëkankë abi istisama tankin timain.

Amós 8:3

Usa ꞌain ka a nëtë ꞌikëbë ꞌapun xubunuaxa kantakë a nëtë́ti ꞌitsaira uni bamakë ain inkë ꞌiti ꞌikën. Usa ꞌain ka ꞌitsaira uni bamakëbë bana nëtë́këbëtan bamakë unikama an maínti aíma ꞌain ëman pukë ꞌiti ꞌikën. Usai ka Dios kiaxa.

Amós 8:7

ꞌËx kana Israel unikaman Dios ꞌain: “usa ꞌixun kana atun ꞌatima ñu ꞌakëkama uínsaranbi manutima ꞌain.”

Deuteronomio 32:19

Usokëxun isi ka Dios ꞌitsaira nishakëxa, nishkin ka mitsun bakë bëchikë bëbu ꞌimainun xanukama ꞌakinkima ëankëxa;