Amós 6:6 - Kashibo-Kakataibo Biblia

⁶ ꞌanan kamina uvas baka ꞌakë ami xëati chaiira ami xëakanin, ꞌianan kamina sanuira rokama anúnribi ꞌikanin, ¡usai ꞌikin kamina uisai kara ënë ëma ꞌiti ꞌikë kixun abi sinánkaniman!

Amós 6:6 ပူးပေါင်းရင်းမြစ်များ

Génesis 49:22

José min rëbúnki kamaxribi ka achúshi i baka kuëbí nikë, axa ꞌitsaira ꞌinun bimikësa usaribi ꞌianan, pëñanakëkin anun xubu bëarakë me mapubuinkë usarabi ꞌiti ꞌikën. Usaribiti ka min rëbúnki kamax mekama tsitsirui bukunuxun ꞌaia.

Isaías 28:1

¡Uisai kara Samarianu ꞌikë unikama bëtsi unikaman, atux isa upí uni ꞌikë kixun kakë axa ëma chaiira Efraín kakin anëkë anu tsókë paë́ntinën kuëëirabu uni atux ꞌiti ꞌikën; ꞌaínbi ka Samaria ëma ax me sapan upíira anu ꞌikën, usa ꞌaish ka ñu ua buinarakin mañutinu ꞌakëxbia bënëtishi núkai chushikë usa ꞌikën, usa ꞌixun ka anu ꞌikë unikaman paë bata ꞌaxun xëai paë́nkë a ënima!

Oseas 3:1

Ësokin ka Diosan amiribishi ꞌë katëkëankëxa: “Min xanu min ꞌunánkë unibëa ꞌikë a kamina nuibatëkënti ꞌain. Ax ka bëtsi bëtsi uni kuëënkë xanu ꞌikën. Usaribi okin kana ꞌën kamabi Israel unikama nuibatin, atúxa bëtsi bëtsi ñu rabikë ꞌikëbi, ꞌimainun ka batokin pán uvas ë́skakë këñun mëskukin chookin atun dios ꞌaxunkë ꞌikëbi pia.

Amós 2:8

Usakin ꞌanan ka kuríkiñuma ꞌikëa aín chupa ñuñuma uni bikuankë a ꞌapáxun atúnribi dioskama rabikin pianan añu kara ꞌakania anuribi atúxribi ꞌikania; ꞌanan ka ati kupíoti nankë a inumikian uni mëkamakin bikë kuríki anun uvas baka maruxun anuxun atun dios rabiti xubu anuxun xëakania.

Amós 4:1

Samarianu ꞌikë xanukama ësokin mitsu kamainun kamina kuati ꞌain: Mitsux kamina Basán menu ꞌikë vaca ain xanu xuabu usaribi ꞌaish xubairabu ꞌain, usa ꞌixun kamina uni ñuñuma ꞌatima onan, an ñu kuëënkin bisatankë a ꞌianan, mitsun bënëkamaribi a xëati uvas baka paëokin ꞌakë bëxunun kixun kain.

Juan 12:3

Pimainun ca Maríanën ꞌitsaira cupícë ꞌinínti ro sanuira, nardo cacë, a medio kilosa bëacëxa. Bëxun anun tachabotancëxun ca Jesús aín bun tatërëancëxa. Usoquian ꞌacëxa xubu namë́ camabi tsitsirui bëqui sanuia ca xëcancëxa.

Romanos 12:15

Axa chuámarua ꞌaish cuëëncë uni abë camina cuëënti ꞌain. Axa masá nuituti incë uni a camina abë masá nuituquin nuibati ꞌain.

1 Corintios 12:26

Nun mëcënaxa paëia ca camabi nun namin tania. Usaribiti ca nun pabitax paëia camabi nun namin tania. Usaribiti cananuna unían —min bu, min bëmána, min pëñan ca upí ꞌicë —quixun cacëx nun namicamabëbi chuámarua tani cuëënin.

1 Timoteo 5:23

Min pucu ꞌaisama ꞌiquin camina ꞌunpáxëshi ꞌaquinma vino chamara ꞌunpáxcëñun mëscuxun ꞌati ꞌain.