Amós 6:4 - Kashibo-Kakataibo Biblia

⁴ Mitsun kamina anu uxti ñu xëta ꞌakë upíira anu rakáxun nëtë inúmin, usai ꞌikin kamina oveja tuá bërí kanikëkama a ꞌimainun vaca bërí kanikëkama xuairabu a ꞌaxun pikanin;

Amós 6:4 ပူးပေါင်းရင်းမြစ်များ

Génesis 37:25

Usokin ꞌatankëx ka anuxuan ꞌakë anubi pi. Buküakëxa bukuxun iskëxbi ka an ñu marukë ismaelita unikama Galaab kakë me anuax uakëxa. Ukin ka aín camellonën bëakëxa ꞌinínti ro sanuira ꞌimainun sanu ro i baka ꞌakë tsëpasa akama Egipto menu maruti ubani kuani uakëxa.

Salmos 73:7

atux ka ꞌaímai xuati atun bëru bëtsëkërës kikësabu ꞌianan; atun ñu ꞌatima ꞌati sinánkë ax ꞌaisamaira ꞌikën.

Isaías 28:1

¡Uisai kara Samarianu ꞌikë unikama bëtsi unikaman, atux isa upí uni ꞌikë kixun kakë axa ëma chaiira Efraín kakin anëkë anu tsókë paë́ntinën kuëëirabu uni atux ꞌiti ꞌikën; ꞌaínbi ka Samaria ëma ax me sapan upíira anu ꞌikën, usa ꞌaish ka ñu ua buinarakin mañutinu ꞌakëxbia bënëtishi núkai chushikë usa ꞌikën, usa ꞌixun ka anu ꞌikë unikaman paë bata ꞌaxun xëai paë́nkë a ënima!

Amós 3:12

Ësai ka Nukën ꞌIbu kia: “An ñuina bërúankë unían paru ꞌinúanën pikëbi aín, taë rabë́ bianan aín pabí rëbura bikë usaribiti ka Israel unikama axa Samaria menu tsókë akamax ꞌitsamashi abáti ꞌikën, ꞌianan ka an xubu upíirakama anu tsóti ꞌanan, ami tëpi rakati Damasconu ꞌikë xubukama anu ꞌakë atúxribi abáti ꞌikën.”

Amós 8:3

Usa ꞌain ka a nëtë ꞌikëbë ꞌapun xubunuaxa kantakë a nëtë́ti ꞌitsaira uni bamakë ain inkë ꞌiti ꞌikën. Usa ꞌain ka ꞌitsaira uni bamakëbë bana nëtë́këbëtan bamakë unikama an maínti aíma ꞌain ëman pukë ꞌiti ꞌikën. Usai ka Dios kiaxa.

Lucas 16:19

Jesusan ca ësaquinribi cacëxa: —Ënëx ca ësa ꞌicën. Achúshi uni ñuñuira ꞌaish chupa upíira upí minanën pucucësa ꞌimainun xapu ꞌacësa pañucë ꞌianan ꞌaisamaira piti upíira upíñu ꞌixun camabi nëtën upí oquin pucháquin picë ꞌiacëxa.

Santiago 5:5

Ënë menuax camina ꞌaisamaira ñu upíñu ꞌaish mitsux cuëëncësabi oi ꞌian. Usa ꞌaish camina aín ꞌibúan ꞌaracacë ñuina anun ꞌati nëtë sënë́ncëbëtan ꞌanuxun rëracamicësa ꞌain.