Amós 6:13 - Kashibo-Kakataibo Biblia

¹³ Mitsux kamina këmëishi kikanin: “Nun kushínbi kananuna achúshi ëma biti ꞌain bianan kananuna ëma kushiirakama abi ꞌati ꞌai kiax kikanin.”

Amós 6:13 ပူးပေါင်းရင်းမြစ်များ

Job 31:25

Uinsaranbi kana kuríkiñu ꞌianan ꞌaisamaira ñuñu ꞌaishi, anun rabiakati usa kana ꞌëx ꞌai kiama ꞌain.

Job 31:29

Uinsaranbi kana axa ꞌëmi nishkë uníxa ñu ꞌatima inuti tëmërakëbë ami kuai kuëëni ꞌiama ꞌain; ꞌianan kana unían ꞌatima okin ñuikëbëbi a kuati kuëëanma ꞌain.

Salmos 2:2

Ënë menu ꞌikë ꞌapukama an bana mëníokën ka atúnbi timë́xun uisakin kara, ꞌain ꞌIbukëñun an kaískë ꞌapu ꞌati ꞌikë kixun sinánkania.

Isaías 7:1

Sirianu ꞌikë ꞌapu Resín kakë ꞌimainun ka Israelkaman ꞌapu Pécah Remalíasnën bakë bëchikë a rabëxun ka ꞌain suntárukamabë kuanxun Jerusalén ꞌaisa tankëxa, ꞌaínbi ka atun ꞌaisama okëxa. Ax ka ꞌiakëxa Ahaz Jotamnën bakë bëchikë ꞌianan Ozíasnën baba axa Judá ëmanu ꞌapu ꞌain.

Isaías 7:4

kuanxun kamina anua kai kuanti ꞌain: ꞌËn mi kakëx kamina bërúankati ꞌain, ꞌaínbi kamina ratutima ꞌain; ꞌianan kamina ami rakuë́ti ñusma kantima ꞌain a ꞌapu rabë́ ax ka tsi bimikëxa aín kuin tëxëkirui ënxakë usaribi ꞌikën, ꞌitankëx nëtë́kë usaíshi ka Resín aín suntáru siriokamabë, ꞌianan Remalíasnën bëchikë akamax tsi ërë́rukësaribi ꞌitánun nishaxa.

Isaías 8:6

“Judá menu ꞌikë unikamax ka Resín ꞌimainun Remalíasnën bëchikë ami rakuë́tia, usa ꞌain ka aín suntárukamabëtan Judá ꞌakatsia, ꞌaínbi ka Judánu ꞌikë unikaman Dios, Siloé kakë baka pakaxkima rakákë usaribi ꞌikëbi kuëënima,

Jeremías 9:23

Ësai ka Nukën ꞌIbu kiaxa: Uixi ka rabiakati an ñu ꞌunairakë anun ꞌëx kana ñu ꞌunánkë ꞌai kiax rabiakatima ꞌikën, ꞌimainun ka kushiira uni axi ꞌëx kana kushiira ꞌai kiax rabiakatima ꞌikën, uix kara ñuñuira ꞌikë axi ka ꞌëx kana ñuñuira ꞌai kiax anun rabiakatima ꞌikën.

Daniel 4:27

Usa ꞌain kamina ꞌën mi kakësokinbi ꞌati ꞌain, ꞌai kamina amiribishi ꞌuchatëkënkinma ꞌupiokin ñu ꞌati ꞌain, ꞌakin kamina ꞌatima okinmi ñu ꞌakë ënkin uni ñuñumakama ꞌakinti ꞌain, usokin ꞌai kamina ꞌapu ꞌaish uínbi uisabi okëma kuëëni tsóti ꞌain kixun ka Danielnën ꞌapu kakëxa.

Daniel 4:30

nitsax ësai kiakëxa: ¡Ka kuat, chaiira cha ka Babilonia ëma ꞌikën! ꞌËx kushiira ꞌixun kana anu ꞌëx ꞌapu ꞌia ꞌikëa unin ax kushiira ꞌixun ka usakin ꞌamiakëxa kixuan unin ꞌunánun kana ꞌamia kiakëxa.

Jonás 4:6

Usa ꞌain ka Diosan achúshi itsi ꞌain pëchi chabu anua Jonásnën aín mapanati okin ꞌakë anu koonun ꞌimiakëxa, usokëxun aín pëi tupënkë an Jonásnëa xanaira tanima ꞌitánun tupë́onkëxa. Usakian tupëonkëx ka Jonás ꞌitsaira kuëëankëxa.

Juan 16:20

Asérabi cana ꞌën mitsu cain, ꞌë cupí camina masá nuituti bëunan mëscúcanti ꞌain. Mitsúxmi usai ꞌimainun ca an Nucën Papa Diosan bana cuacëma unicama cuëënti ꞌicën. Masá nuitutáncëxbi camina mitsux ꞌë cupí chuámarua tani cuëënti ꞌain.

Santiago 4:16

Usa ꞌaínbi camina mitsux —ꞌënbi cana usaquin ñu ꞌati ꞌai —quiax cërúanan rabitin. Usai ꞌiti ca ꞌaisama ꞌicën.

Apocalipsis 11:10

A rabëtan Nucën Papa Diosan bana ñuixunquin atun ꞌuchacama sinánmicë cupí ca axa Nucën Papa Diosmi sináncëma unicama a rabë́ bamacë isi cuëënti ꞌicën. Cuëëni ca abëa nuibanancë unicamabë ñu ꞌinánanti ꞌicën.

1 Samuel 4:5

Usakin bëia isi anua atux bukukë anu bunántisa okin ꞌakë kurin ratakakakë a nukukëbë ka, Israel suntárukamax ꞌitsaira kuëëni me banami chirinkin me shaíkaisa oi ꞌikankëxa.