Amós 6:11 - Kashibo-Kakataibo Biblia

¹¹ Usa ꞌain ka Diosax xubu cha akama ꞌimainun xubu chukúmakama ax ka ꞌatimokëx kamáxbi ꞌaíma ꞌiti ꞌikë kiax kiti ꞌikën.

Amós 6:11 ပူးပေါင်းရင်းမြစ်များ

2 Reyes 25:9

usakin xukëx kuanxun ka anuxun Dios rabiti xubu akëñun anua ꞌapu tsókë aín xubu a ꞌanan kamabi uni ñu ꞌunánkë a ëmanu ꞌikë xubukamaribi nëankëxa,

Salmos 105:16

ꞌIanan ka, a menua numi chaiira ꞌinun, ꞌimikin atun piti ñu ꞌaíma ꞌinun ꞌimiakëxa.

Salmos 105:31

Usakin ꞌimiax ka Dios kiakëxa chipë ꞌimainun sëbë ka uniti ꞌikën kikëbëa, nëtë kuin tunankuatsini ukësa usaribi kuatsini ukin egipcio unikaman me tsitsirunun ꞌimiakëxa.

Salmos 105:34

Usakin ꞌanun ꞌamitankëxa Dios kikëbë ka ꞌaisamaira champu uakëxa; ¡usa ꞌaish ka nun tupun tupun kaisamaira ꞌiakëxa!

Isaías 55:11

usaribiti ka ꞌëx kikë bana ax ꞌia, usai ꞌi ka ꞌën kuëënkësa okin ñu upí ꞌatankëxma ꞌënu kuantëkënima, ꞌaínbi ka ꞌëx kuëënkësabi okin pain ꞌaia, ꞌakin ka kuankima a ꞌanun ꞌën xukë a pain ꞌaia.

Oseas 13:16

Israelkama ka aín Diosmi ꞌatimati banakë kupí ꞌatima okë ꞌiti ꞌikën. Usa ꞌain ka anu ꞌikë unikamax ꞌakanankin manë xëtokën ꞌakëx bamati ꞌikën, ꞌimainun ka aín bakë bëchikëkamax bixun memi shipënkakin rëkë ꞌiti ꞌikën, ꞌanan ka xanu tuñukama aribi paná rabë́ okin tukakë ꞌiti ꞌikën.

Amós 3:15

ꞌAnan kana anuxun mita inúmiti ꞌanan, anu baritia inúmi tantiti xubukamaribi ꞌati ꞌain, ꞌanan kana xubukama ñuina xëtakëñun mëskukin, kuríkiñu unikaman ꞌamikë akamaribi ꞌimainun ꞌapu chaiirabu akamaribi këñuti ꞌain.” Kiax ka Dios kiaxa. (Xubu kuríki.)

Amós 5:11

Mitsun kamina kuríkiñu ꞌixun ñuñuma unikama a ꞌatima okin atun trigo kupísa mitsu kupíonun kixun ꞌamin, usa ꞌain kamina mitsun xubu maxá upíokin ꞌakë anubi ꞌima ꞌianan, mitsun ꞌapákë uvas baka abi xëakantima ꞌain.

Amós 6:8

Usa ꞌain ka Dios ax asérabi sinanatëkëntima oi ësai kiaxa; Dios kamabi kushiñu ax ka usai kia: ꞌËn kana Jacobnën rëbúnkikamaxa rabiakakë a kuëëniman usa ꞌain kana ꞌapun xubukamanua ꞌikë ñu upíbu; a axa ami nishkë unikaman atun ëmanua buántanun ꞌamiti ꞌain.”

Amós 9:1

Usokin a ñukama istankëxun kana Dios. Anuxun ñuina xaroti rapasu nikë isan, iskëxun ka ësokin ꞌë kaxa: “Anuxun ꞌë rabiti xubu akamina aín ꞌirakantikama manámi ꞌikë a tinkati ꞌain, usakin ꞌakëbë ka anu nankë ikama ax shaíkiti ꞌikën; ¡shaíki ka ikama ax túukibuti ka unin maxkánu aín sanikama pakëti ꞌikën! Usokin ꞌakëbëa bamakëmakama atux abáti sinanx kuaniabi kana manë xëtokën ꞌakin rëtëti ꞌain: usokin ꞌakëbë ka axa abáti sinanx abákë axbi achúshirabi ië́tima ꞌikën;

Amós 9:9

ꞌËn kana ꞌën uni Israelkama bëtsi ëma kamanua bëkin anun tuanti ꞌakë anun ñu tuankëxa ñu bëru pakëkëma usaribi okin uinu ꞌikë ax kara inutia isti ꞌati ꞌain ꞌaínbi ka uinu ꞌikë axbi inútima ꞌikën.

Malaquías 1:4

Esaúnën rëbúnki edomitakama ax ka kisatani ësai kiti ꞌikën: “Nukamax kananuna numi nishkë unikaman këñúkë ꞌian, ꞌaínbi kananuna amiribishi nun ëma birutëkënti ꞌain kiax ka kiti ꞌikën,” ꞌaínbi ka Dios kamabi kushiñu an atu kati ꞌikën: “Mitsun kamina amiribishi birutëkënti ꞌain, ꞌaínbi kana amiribishi ꞌën rurupatëkënti ꞌain.” Usakin ꞌakë ka unin a me anua uni ñu ꞌatima ꞌakëishi tsókë kakin a me anëti ꞌikën, anëanan ka amia Dios sënënima nishkë me kakin anëti ꞌikën.