Amós 6:10 - Kashibo-Kakataibo Biblia

¹⁰ Usa ꞌain ka unin aín aintsi xubu ꞌukëmëu bamakë biruti ax rakuë́ chaiira ꞌiti ꞌikën, usa ꞌain ka aín aintsi an bëtsi ñukáti ꞌikën: ñukákëxun ka bëtsin ꞌukëmëu kamina kuanti ꞌai kixun kati ꞌikën. “¿Anu kara bëtsi uniribi mibë ꞌaíma ꞌik?” Aíma ka kixun ka bëtsi kati ꞌikën. Kakëxun ka ax pain atsínkë an bëtsi kati ꞌikën: “¡Ka nëtët, Diosan anë ñuimina ꞌatimati banai kixun!”

Amós 6:10 ပူးပေါင်းရင်းမြစ်များ

2 Reyes 23:16

Usakin ꞌakë ꞌain ka Josíasnën matá me anua uni ñukë mainkëkama a isakëxa, iskin ka abëa nikë unikama anua uni maínkë anua xokama bëxunun kixun kakëxa, kakëxun bëia ka xokama anuxun ñuina xaroti ꞌakë anuxun xarokëxa. Usakin ka an Dios kia bana ñuikë uni usai ka ꞌinuxun ꞌaia kia sënë́nkëbëtan ꞌakëxa.

2 Reyes 6:33

Kixun atu kaia sënë́nkë ꞌaímabi ka, anua Eliseo ꞌikë xubunu bëbakin Eliseo kakëxa: —Diosanbi ka ësainu nux ꞌinun nu ꞌimiaxa, ¿añu karanuna nua ꞌakinun kixun kainkin nun ꞌati ꞌain?

Jeremías 9:21

Usai ꞌikëbë ka uni aín xubunu atsínkësa ꞌinun nukamax ñuti axribi nun xubukamanu atsíankëxa, ꞌimainun ka anu ꞌapu ꞌikë ꞌapun xukamanuribi ꞌianan, tuá ëman niabakë akamaribi ñumainun, uni bënábu anu tantiti plazanu bukukë akamaribi këñuti ñuakëxa.

Amós 5:13

Usa ꞌain ka uix kara sinánñuira ꞌikë ax banaima nëtë́kë ꞌiti ꞌikën, ënë nëtë ka ꞌaisama ꞌikë usa ꞌain.

Amós 8:3

Usa ꞌain ka a nëtë ꞌikëbë ꞌapun xubunuaxa kantakë a nëtë́ti ꞌitsaira uni bamakë ain inkë ꞌiti ꞌikën. Usa ꞌain ka ꞌitsaira uni bamakëbë bana nëtë́këbëtan bamakë unikama an maínti aíma ꞌain ëman pukë ꞌiti ꞌikën. Usai ka Dios kiaxa.

1 Samuel 31:12

kuabiani ka uni kushi sinánñubu atux ishi kanankiani imë́ kuanëkin Bet-sán kakë ëma anun bëararakë anua Saúl këñunbia aín bakë bëchikëkama ñukë bëntankankë a nanpabëtsinkin bëxun Jabés kakë ëma anuxun xarokankëxa.