Amós 6:1 - Kashibo-Kakataibo Biblia

¹ ¡Axa Jerusalén ꞌikëbi Sión kakë anu tëmëraima bukukë unikama! ¡ꞌianan Samaria ëmanu uisaibi kananuna ꞌima kixun sinani bukukë ꞌapukama, amia Israel unikama katamëkë atux ka kuanti ꞌikën!

Amós 6:1 ပူးပေါင်းရင်းမြစ်များ

Proverbios 1:32

Axa bënë́kinshi ñu ꞌatima ꞌamitisa unikama ax ka ñuti ꞌikën upíokin sinánxun ñu ꞌakëma kupí, ꞌimainun ka an bana kuakëma unikama atúxribi anbi bërúankakin ñu ꞌakëma anunbi ꞌaisama orakakë ꞌiti ꞌikën,

Isaías 33:14

Jerusalén ëmanu ꞌikë unikama ꞌimainun Judá menu ꞌikë unikama atúxribi ka ꞌuchakë ꞌaish ꞌitsaira rakuë́ti bërëia, ꞌimainun ka an Diosan bana ꞌunánkëma unikama atúxribi ꞌitsaira rakuëtan bamai ësai kia: “¿Uinu ꞌikë nukamax kara tsi ërë́kin an ñu xarokin këñúkë anu ꞌianan, këñutima oia ërë́kë anu ꞌiti ꞌit?”

Jeremías 2:3

Israel unikama ax ka upíira ꞌinun ꞌën kaískë ꞌaish ñu bimi upíirabu usaribi ꞌikën. Usa ꞌikëbia an ꞌatima okë unikama akana uisa ñubi kara anu ꞌimikin ꞌën ꞌatima okën. ꞌËx Dios ꞌaish kana usai kin.

Jeremías 7:4

Usa ꞌain kamina axa këmëi mitsu paráni banai ësai kikë a unikama ami rarámatima ꞌain. Atun ka ësai kikin mitsu kati ꞌikën: ¡Ënu ka anuxun Dios rabiti xubu ꞌikën!

Amós 3:2

“ꞌËn kana kamabi menu ꞌikë unikama ꞌakima mitsuishi kaisakën. Usa ꞌikë kana uisa ñu ꞌatimakama kaina ꞌakan usakinbi a kupín mitsu tëmëramiti ꞌain.”

Amós 3:9

An bana ñuikë mitsun kamina anu kuantankëxun, Asdodnu ꞌikë unikama ꞌimainun: Egiptonu ꞌikë unikama mikaman kamina; “Samarianu ꞌikë unikama kara Diosan uisa oia isi unun kati ꞌain anuxun ka suntárukama aín bashi manan bukuxun aín aintsibi tëmëramianan ꞌatima okë a isi uti ꞌikën.”

Amós 4:1

Samarianu ꞌikë xanukama ësokin mitsu kamainun kamina kuati ꞌain: Mitsux kamina Basán menu ꞌikë vaca ain xanu xuabu usaribi ꞌaish xubairabu ꞌain, usa ꞌixun kamina uni ñuñuma ꞌatima onan, an ñu kuëënkin bisatankë a ꞌianan, mitsun bënëkamaribi a xëati uvas baka paëokin ꞌakë bëxunun kixun kain.

Amós 5:27

Usa ꞌain kana ñatanbiankin mitsu axa mimi nishkë unikaman Damasco ëma inumibiankin buántanun ꞌamiti ꞌain. Usai ka Dios kamabi kushiñuira ax kia. Usa ka aín anë ꞌikën.

Amós 8:14

Usai ꞌimainun ka numi ꞌain ꞌikësai an Samarianu ꞌikë ñu tankin ꞌakë dios rabikë unikama ꞌianan, an Dannu ꞌikë dios rabikë, ꞌimainun Beersebanu ꞌikë dioskama ax isa dios bamakëma a ꞌikë kixun aín anë ñui bana akamax, uínsaranbi nirutëkënuxma pakëkë ꞌiti ꞌikën.”

Amós 9:10

ꞌImainun ka kamabi uni ꞌuchañukama ax ꞌën unikamabë tsókëkama: ax ka manë xëtokën ꞌakëx bamati ꞌikën. ꞌImainun ka axa usa ñuka nunu: inútima kianan, ꞌaisama ñu kananuna nux ꞌinutima ꞌai kikë akamaxribi bamati ꞌikën.

Miqueas 3:1

Bërí kamina an bana mëníokë ꞌapukama ꞌimainun, Israel unikaman kushibu mitsun ësai kia küakanti ꞌain, ¿mitsun mi ꞌunántima kara unin ñu ꞌatima ꞌaia mëníoxunti ax ꞌik?

Santiago 1:18

An ca unían aín bana ñuixuncëxun cuatínu ainan ꞌinun nu ꞌimiaxa, nux pain ꞌicë cupía raíri uníxribi Jesucristomi catamëcë ꞌaish camabi ñu an uniosamaira ꞌinun.

Santiago 5:5

Ënë menuax camina ꞌaisamaira ñu upíñu ꞌaish mitsux cuëëncësabi oi ꞌian. Usa ꞌaish camina aín ꞌibúan ꞌaracacë ñuina anun ꞌati nëtë sënë́ncëbëtan ꞌanuxun rëracamicësa ꞌain.

1 Pedro 5:7

Uisaquin sinani caramina masá nuituti, añu ñu sinani caramina racuëti, a ñuiquin camina Nucën Papa Dios cati ꞌain, an ca mitsu nuibaquin bërúanquin ꞌaquinia quixun ꞌunánquin.