Amós 5:7 - Kashibo-Kakataibo Biblia

⁷ ¡Mitsun kamina bëtsin ꞌatima okë unikama upíokin ꞌakinkëma ꞌain ꞌianan kamina ꞌakinsa ꞌikëbi ꞌakinkëma ꞌain!

Amós 5:7 ပူးပေါင်းရင်းမြစ်များ

Isaías 1:23

Mitsun ꞌapukamax ka bana kuakëma ꞌianan, an unin ñu bainu bëaraxun mëkamakë unikamabë ꞌunánankë ꞌikën. Usa ꞌixun ka akaman kuríkinën kupíokëxun an ñu ꞌupima ꞌakëma unibi ꞌatima ñu isa ꞌaxa kixun kanan ñu ꞌinainshiti akamaribi baria. ꞌIanan ka papañuma ꞌimainun titañuma tuákamaribi uisakin kara ꞌakinti ꞌikë usakin ꞌakinima ꞌianan, xanu kasunamëkë akamaribi tëmërai tsótiabi ꞌakinima.

Isaías 46:12

Kamina kuakanti ꞌain, bana kuakëma unikama, anun ꞌën mitsumi nishkë unikamanua mitsu chikíntisa basipain ꞌikë kixun kamina sinan kanin:

Isaías 5:7

Nukën ꞌIbu Dios kamabi kushiñuira an ka aín ꞌapákë uvas ꞌitsaira kuëënia, usaribi ka Israel menua ꞌikë a ꞌimainun, Judá ëmanua bukukë unikama atux ꞌikën. Usa ꞌain ka Nukën ꞌIbun anu tsókë unikama upíokin ñu ꞌaiama aín bana kikësabiokin ꞌati kaíankëxa, usa ꞌain ka unikama bëtsi unikamabë ꞌatima onani; ꞌupiokin ñu ꞌaínmabi; ꞌitsaira paë tani sharatia kuati ꞌikën.

Ezequiel 18:24

Aínbi ka an ñu upí ꞌakë ꞌixunbi a ënkin uni ꞌatima unikaman ꞌakë ñu a ꞌati ꞌikën, ¿mitsun sinánkëx kara usakin ñu ꞌakë unikama ax upitax tsóti ꞌik? ꞌËn kana amiribishi an ka ñu upíokin ꞌakëxa kixun sinántëkëntima ꞌain: usa ꞌain ka an ꞌunánkinbi usakin ñu ꞌai ꞌain ꞌuchakë kupín a unix bamati ꞌikën.

Ezequiel 3:20

ꞌAínbi ka uni upí achúshinën an ñu upí akë a ënkin ñu ꞌatima ꞌati ꞌikën, ꞌakë kana ꞌën anúan bamati ñu ꞌinánti ꞌain, usakin ꞌakëbi min kakëma bamakë ax ka min ꞌucha ꞌiti ꞌikën. Usai ꞌikëbëtanbi kana ꞌën an ka ñu upí ꞌakëxa kixun sinántima ꞌain, ax ka aín ꞌuchakënënbi bamati ꞌikën, ꞌaínbi kana ꞌën mi aín bamakë kupí uisa kupí kara bamaxa kixun ñukáti ꞌain.

Ezequiel 33:18

Uni upí an ñu upíokin ꞌakë ꞌixunbi a ënkin ñu ꞌatima ꞌai ka anunbi bamakë ꞌiti ꞌikën.

Amós 2:3

¡ꞌËn kana aín unikaman nëbëtsi orakë ꞌikëbi ain ꞌapu ꞌati ꞌain; akëñun kana aín unikama ñu ꞌunanbu akamaribi ꞌati ꞌain! Usai ka Nukën ꞌIbu kiaxa:

Amós 3:10

Ësai ka Dios kia: “Atun ka upíokin ñu ꞌati ꞌunanima; usa ꞌixun ka ꞌapun xubukamanu bënë́kinshia mëkamakin bikë ñukama bukunruaxa.”

Amós 6:12

¿Caballokamax kara xaxun pobu anun abáti ꞌik? Ka ꞌitima ꞌikën. ¿Parúmpapax kara me ꞌakësaribi okin tukapakin buinaisa ꞌik? Ka ꞌaisama ꞌikën, ꞌaínbi kamina mitsun upíokin ñu ꞌati ꞌikëbi muka ro ꞌakësokin ꞌakan ¡usakin ꞌakin kamina upíokin asérabi bëtsi ꞌatima onux këmëi banatima ꞌain!

Miqueas 3:9

Bërí ka an bana mëníokë ꞌapukama ꞌimainun Israel unikaman kushibu an ënë bana kuati ꞌikën, mitsun kamina upí ñu ꞌati a kuëënkinma ꞌatima ñuishi ꞌakin usakin ñu ꞌati kikë bana ax kikësokin ꞌakaniman,

Habacuc 1:4

Ax kikësokin ꞌati min bana ax kikësokin ka ꞌakanima, an bana mëníokë ꞌapukaman ka ꞌatimokinshi ñu ꞌaia, an ñu ꞌatima ꞌakë unikaman ka an ñu ꞌatima ꞌakëma uni an ka kuëënkësa okinshi ꞌaia, ꞌimainun ka ꞌupiokin ꞌakinma ꞌatima ñuishi upisa kixun ꞌaia.